1 KORINHTU 4:4 - Jinghpaw Common Language Bible 2009

⁴ Hpa majaw nga yang, ngai hkum dai myit asan sha, mara n lu dum nngai; rai ti mung ngai hta mara n kap ai ngu nna ngai n tsun mayu nngai, Ngai hpe jeyang ai wa gaw dai Madu rai nga ai.

Jinghpaw Hanson Version Bible

⁴ Kaning rai nme law, ngai hkum dai mara n lu dum nngai: rai timung, dai gaw nye a dinghpring ai lam n rai nga ai: ngai hpe jeyang ai wa gaw, dai Madu rai nga ai.

1 KORINHTU 4:4 ပူးပေါင်းရင်းမြစ်များ

YOBA 15:14

Shinggyim masha kadai mung teng teng san seng lu a ni? Kadai mung Karai Kasang hta ding man lu a ni?

YOBA 25:4

Kadai wa ding man lu a ta? Karai Kasang a man e kadai wa san seng lu na rai ta?

YOBA 27:6

Ding hpring nga na ngu ai nye a dakan ai lam hpe ngai galoi mung shayaw kau na n rai; nye a myit asan sha rai nga li ai.

YOBA 9:20

Ngai gaw mara n kap ai hte kam sham nga ti mung, nye a n-gup ngai hpe mara shagun na ra ai. Ngai tsun ai lam magup gaw ngai hpe daw dan na matu zawn rai nga ai.

SHAKAWN KUNGDAWN 130:3

Lama rai nna, anhte a yubak ni hpe ka matsing da ai rai yang; kadai wa mara daw dan ai kaw nna hprawng lawt lu na rai nga a ta?

SHAKAWN KUNGDAWN 143:2

Na a shangun ma wa, ngai hpe, tara jeyang ai hpe hkum hkrum shangun nga et; na a man e, mara n kap ai masha langai mi mung n nga nga ai.

SHAKAWN KUNGDAWN 19:12

Tinang nang a shut ai lam ni hpe kadai wa mung n mu lu nga ai; Madu e, makoi magap da ai yubak mara kaw na mung, ngai hpe hkrang shaw la e!

SHAKAWN KUNGDAWN 26:12

Hkrit hpa shara yawng hte kaw na, ngai shim lum nga nngai; shi a amyu masha ni a shawa hpawng hta Ngai gaw dai Madu hpe shakawn nngai.

SHAKAWN KUNGDAWN 50:6

Karai Kasang gaw ding hpring ai wa rai nna, shi nan tara agyi rai nga ai hpe sumsing lamu gaw shana shabra ya nga ai.

GA SHAGAWP 21:2

Nang galaw ai amu lam magup, teng man nga ai nga nna nang myit la mai nga ai; dai Madu gaw na a maw mawn ai myit hpe jep yu nga ai lam, myit dum u.

GA SHAGAWP 29:26

Masha hkum shagu gaw mung du wa a myit kaja ai lam hpe ra marit nga ti mung, teng man ai tara hpe chyawm gaw dai Madu kaw nna sha, hkam la lu nga ai.

YAWHAN 21:17

Bai masum lang ngu na Yesu gaw, “Yawhan a kasha Simun e, nang ngai hpe tsaw ra nga n ni?,” ngu nna shi hpe san wu ai majaw, Petru myit yawn nna, “Madu e, nang gaw yawng mayawng hpe chye nga ndai ngai nang hpe tsaw ra nga nngai gaw, nang chye nga ndai!,” ngu nna htan wu ai. Yesu gaw, “Nye a sagu ni hpe bau rem nga u.

KASA 23:1

Shaloi Pawlu gaw dai salang hpawng hpe azi yu da let, “Nye a Yuda hpu nau ni e! ngai gaw dai ni du hkra prat tup Karai Kasang a man e htauli htaula myit asan sha hte hkum tsup ai hku asak hkrung hkan sa ni ai,” ngu mu ai.

ROMA 2:13

Hpa majaw nga yang, dai Tara hpe na yu ai hte sha Karai Kasang a man e ding hpring lu ai n rai, Tara hta hkang da ai hte maren hkan galaw yang sha ding hpring ai ngu na maru ai.

ROMA 4:2

Lama wa Abraham gaw tinang galaw ai magam bungli ni a majaw Karai Kasang a man e ding hpring ai lu la a yang gaw shi hta gumrawng gumtawng na lam nga lu ai. Rai ti mung shi gaw Karai Kasang a man e gumrawng gumtawng ai lam n galaw lu wu ai.

1 KORINHTU 4:3

Ya e ngai hpe jep san jeyang ai mi rai rai, shawa tara rung madang hku jeyang ai mi rai rai, ngai hpa zawn n nawn nngai. Ngai gaw nye a hkum hpe pyi n jeyang nngai.

1 KORINHTU 4:5

Dai re ai majaw, aten hkrak garai n du yang, kadai hpe mung hkum jeyang myit. Hpang jahtum na jeyang daw dan ai lam hpe, dai Madu bai du sa ai nhtoi shani du hkra la nga lu na rai nga ai; Shi gaw nsin hta makoi magap da ai nga manga hte hpe mung, masha a myit kraw lawang kata hta makoi magap da ai myit mang yaw shada ai lam ni hpe mung, shapraw shadan dan na ra ai. Dai shaloi e langai hte langai gaw tinang hte ging dan ai hte maren Karai Kasang kaw na shakawn shagrau ai hpe hkam la na ra ai.

2 KORINHTU 1:12

Anhte myit kata hta asan sha gumrawng na lam langai mi nga ai; dai gaw, ndai mungkan hta anhte a asak hkrung lam, grau nna nanhte hte kanawn mazum matut mahkai ai lam ni hta masha a machye machyang hta n shamyet shanat ai sha Karai Kasang a chyeju atsam hte anhte gaw Karai Kasang jaw ai teng man san seng ai myit masin e up hkang ai hku nna amu galaw ai lam rai nga ai.

2 KORINHTU 5:10

Hpa majaw nga yang, anhte nlang hte gaw tara daw dan ai hkrum na matu Hkristu a tingnyang man de dawng pru na rai ga ai. Dai shaloi e anhte langai hte langai gaw, ndai hkum hkrang nta e naw nga nga yang galaw hkawm sa kau sai kaja ai amu, n kaja ai amu a matu ang ai hte maren hkam la shajang na ga ai.