1 KORINHTU 4:2 - Jinghpaw Common Language Bible 2009

² Shing rai lit la nna magam gun hpai ai shangun ma wa hta nga ra ai atsam marai langai mi gaw, shi a Madu a ntsa e kangka sadi dung na lam rai nga ai.

Jinghpaw Hanson Version Bible

² Dai hta kaga, kunhting ni gaw kangka rai nga yang she, masha e ra ai hku rai nga ai.

1 KORINHTU 4:2 ပူးပေါင်းရင်းမြစ်များ

2 HKAWHKAM 12:15

Bungli woi hpareng ai masha ni gaw myit ding nga ma ai rai nna shanhte kaw na jahpan n hpyi la ra nga ai.

2 HKAWHKAM 22:7

Dai bungli woi hpareng ai masha ni gaw myit malang nna ding man ai ni rai nga ma ai majaw shanhte a gumhpraw jahpan hpyi n ra nga ai.”

GA SHAGAWP 13:17

Kam hpa n lu ai kasa ni gaw ru yak tsin-yam hpe shabyin nga ma ai; kam hpa lu ai masha ni gaw ngwi pyaw sim sa lam hpe shabyin shatai ya nga ma ai.

BU HKAWM 12:7

Nye a shangun ma Mawshe hte ngai ga shaga ai shaloi, dai gaw shai ai lam rai nga ai; dai nye a amyu masha Israela ni yawng hpe woi hpareng na matu, ngai shi hpe san da ni ai.

MAHTE 25:21

Shaloi shi a madu gaw, ‘Ara rai sa, kaja ai hte sadi dung ai mayam e, arai loi sha hta nang kangka rai nit dai; dai rai nna arai law law a ntsa e ngai nang hpe san tawn da na de ai, na madu a kabu gara ai hta nang shang lawm u!,’ ngu nna shi hpe tsun wu ai.

MAHTE 25:23

Shi a madu gaw, Ara rai sa kaja ai hte sadi dung ai mayam e! Arai loi sha hta nang kangka rai nit dai: arai law law a ntsa e ngai nang hpe san tawn da na de ai. Na madu a kabu gara ai hta nang mung shang lawm u!,’ ngu nna shi hpe tsun wu ai.

LUKA 12:42

Dai Madu gaw, “Dai rai yang gaw, kangka ai hte hpaji rawng ai shangun ma gaw kadai wa rai na rai ta? Nta Madu wa e, shangun ma ni hpe up hkang na hte, aten du jang lusha karan jaw na san da hkrum ai wa rai nga ai.

1 KORINHTU 4:1

Anhte gaw Karai Kasang a sung htum nna makoi magap da ai teng man ai lam ni hpe lit la nna kunhting tai nga ai Hkristu a shangun ma ni re ai ngu nna nanhte myit la ang myit dai.

1 KORINHTU 4:17

Dai lam a majaw ngai gaw Hkristan asak hkrung lam hta nye a tsaw ra ai, kangka sadi sahka nga ai ngai sha Timohti hpe nanhte hpang de ngai shangun dat we ai. Shi gaw, ngai nan hkan sa nna shara shagu na nawku hpung ni yawng hpe sharin shaga ya ai Hkristu hte langai sha re ai asak hkrung lam ningnan a lam nanhte hpe bai myit dum shangun na matu shadum jahprang na ra ai.

1 KORINHTU 4:3

Ya e ngai hpe jep san jeyang ai mi rai rai, shawa tara rung madang hku jeyang ai mi rai rai, ngai hpa zawn n nawn nngai. Ngai gaw nye a hkum hpe pyi n jeyang nngai.

1 KORINHTU 7:25

Ya nanhte laika ka nna san dat ai garai n hkungran ai ni hte seng nna dai Madu kaw na htet da ai ga ngai n lu nngai: rai ti mung Karai Kasang a matsan dum ai chyeju majaw kam ging ai wa langai mi rai nga ai hku nna, nye a myit la lu ai lam hpe tsun shana dat nngai.

2 KORINHTU 2:17

Anhte gaw kaga masha law law ni zawn, Karai Kasang a mungga hpe manu hpa ai gun rai hpe zawn dut mari ai lam n galaw ga ai. Rai ti mung anhte gaw Karai Kasang e shangun dat ai ni rai nna, Hkristu a shangun ma ni hku nna Karai Kasang a man e dai mungga hpe teng man san seng ai myit hte hkaw tsun ga ai.

2 KORINHTU 4:2

Anhte gaw makoi magap ip da ai kaya kahpa amu nlang hte hpe rap di kau sagaw ai; anhte gaw hkalem hkalau ai hku n galaw ga ai, Karai Kasang a mungga hpe mung masu magaw gale galau n tsun ga ai. Anhte gaw Karai Kasang a man e dai teng man ai lam a nhtoi hta asak hkrung shamu shamawt nna masha hkum shagu a htauli htaula myit hte htap htuk ai hku nga ga ai.

KOLOSE 1:7

Nanhte gaw Karai Kasang a chyeju lam hpe anhte a tsaw ra ai shingdep shingtau wa Epahpra kaw nna sharin la manit dai; shi gaw anhte a malai Hkristu a kangka re ai magam gun hpai ai wa rai nga ai.

KOLOSE 4:17

Dai Madu a amu hta gun hpai na matu ap da hkrum ai hpe ngut hkra gun hpai na matu Arhkipo hpe tsun shana mu.

KOLOSE 4:7

Anhte a tsaw ra ai hpu nau wa, kangka re ai magam gun wa, Madu a magam amu hta shingdep shingtau shangun ma rai nga ai Tuhkiku gaw, ngai hte seng ai lam shiga yawng mayawng nanhte hpe shana ya na marin dai.