1 KORINHTU 4:19 - Jinghpaw Common Language Bible 2009

¹⁹ Dai Madu hkraw a yang gaw, ngai nanhte hpang de alawan sa du na ring ngai. Dai shaloi shing rai gumrawng gumtawng nga ai ni a n-gup atsam hpe sha n rai, shanhte a n-gun atsam hpe mung ngai nan chye la lu na ring ngai.

Jinghpaw Hanson Version Bible

¹⁹ Rai timung, dai Madu hkraw a yang gaw, ngai nanhte hpang de alawan sa du na ring ngai rai nna, gumlu gumlan re ai ni a n-gup ga hpe n rai, shanhte a n-gun atsam hpe sha ngai matsing na nngai:

1 KORINHTU 4:19 ပူးပေါင်းရင်းမြစ်များ

KASA 18:21

“Karai Kasang hkraw yang gaw, ngai nanhte hpang de bai du na ring ngai,” ngu nna shanhte hpe shakram da nhtawm, Ehpesu mare kaw na li hte pru mat wa ai.

KASA 19:21

Ndai lam ni byin ngut ai hpang Pawlu gaw, Makedoni mung hte Ahkaia mung kaw nna Yerusalem mare de sa wa na matu myit daw dan wu ai. Shi gaw, “Dai mare de ngai sa nhtawm, Roma mare de mung ngai du yu na nngai,” nga nna tsun ai.

KASA 20:2

Dai ginwang hkan ga sa wa nna, mungga law law hte shadum jahprang n-gun jaw da ngut jang Ahkaia mung de du ai.

ROMA 15:32

Dai rai nna Karai Kasang a myit ra ai lam rai yang gaw ngai kabu gara ai hte nanhte hpang de du nna nanhte hte rau ngwi pyaw ai hku n-gun awai hkring sa la na ahkang lu na re.

1 KORINHTU 11:34

Dai rai nna, Madu a Shana Shat Sha Poi sha na matu nanhte zuphpawng nga myit yang, Karai Kasang a tara dara ai hkrum na matu n rai u ga, masha langai ngai kawsi a yang gaw, nta e sha la u ga. Kaga ra ai lam ni hte seng nna ngai du sa ai shaloi she lajang sanglang na we ai.

1 KORINHTU 14:5

Nanhte nga manga hte gaw, laklai ai ga amyu myu tsun na ngai ra nga nngai, rai ti mung Karai Kasang a mungga hkaw tsun lu ai atsam hte seng ai chyeju kumhpa hpe grau nna lu la shangun mayu nngai. Hpa majaw nga yang, laklai ai ga amyu myu chye tsun ai wa gaw, tinang tsun ai ga a lachyum hpe sanglang htai dan ai masha nga yang she dai Hpung hpe shadaw shangang lu nga ai. Dai n rai yang gaw, Karai Kasang a mungga hkaw tsun ai wa gaw laklai ai ga amyu myu hpe tsun ai wa hta grau nna hpu ging nga ai.

1 KORINHTU 16:5

Makedoni mung hku ga sa wa nhtawm, ngai nanhte kaw sa du na ring ngai; hpa majaw nga yang, ngai Makedoni mung hku ga shang sa wa ra nngai.

1 KORINHTU 16:7

Ngai gaw nanhte kaw lai hprang sa wa let jahkring mi sha hkring ai hku n di mayu nngai. Karai Kasang ahkang jaw a yang gaw, ngai nanhte hte rau tawng marang mi nga lu na, myit mada nga nngai.

1 KORINHTU 2:6

Rai ti mung ngai gaw, Wenyi makam masham lam hta myit su kunghpan sai ni hpe hpaji byeng-ya hte kapyawn nna tsun dan nngai. Rai ti mung dai gaw ndai mungkan ga hte seng ai hpaji byeng-ya n rai; mungkan ga na du ni a hpaji byeng-ya atsam mung n rai; mungkan du ni a n-gun atsam gaw sum mat wa magang nga ai.

1 KORINHTU 4:18

Nanhte hpang de ngai bai n sa du sana zawn nawn nna, nanhte hta na nkau mi gaw gumrawng gumtawng rai wa masai.

1 KORINHTU 4:6

Hpu nau ni e, nanhte a matu mai kaja ai lam hpe myit tau yu let, ndai lam hta ngai hte Apolo a lam hpe ga shadawn kasi shatai nna tsun dan made ai. Dai hku tsun dan ai lam gaw, “Hkan sa tara madung hpe lai nna hkum galaw mu,” nga ai ga malai a sung ai lachyum hpe nanhte chye na lu na matu rai nga ai. Nanhte gaw langai wa hta myit kaba gumrawng nna kaga wa hpe n gawn n sawn hkum rai myit.

2 KORINHTU 1:23

Korinhtu mare de ngai bai n sa sana ngu nna ngai myit daw dan ai lam gaw nanhte hpe hkyamsa shangun mayu ai majaw re ai lam, nye a myit masin hpe chye ya ai Karai Kasang gaw nye a sakse rai nga sai.

2 KORINHTU 10:9

Dai rai nna nye a shagun dat ai laika ni hte nanhte hpe jahkrit shama mayu ai hku nna lachyum n shapraw mayu nngai.

HEBRE 6:3

Ya Karai Kasang ahkang jaw yang anhte ndai hpe galaw na ga ai.

YAKU 4:15

“Madu hkraw a yang gaw anhte hkrung nga ga ai rai nna ndai amu, wora amu galaw lu na ga ai,” ngu ai ga gaw nanhte tsun mai ai ga rai nga malit dai.