1 KORINHTU 4:14 - Jinghpaw Common Language Bible 2009

¹⁴ Nanhte hpe kaya jahkrum na matu ndai lam ngai ka nngai n rai; ngai tsaw ngai ra ai nye a kashu kasha ni hpe zawn ngai nanhte hpe shadum jahprang made ai.

Jinghpaw Hanson Version Bible

¹⁴ Nanhte hpe kaya jahkrum na, ndai lam ngai ka da nngai n rai; ngai tsawra ai sha ni hpe zawn ngai nanhte hpe shadum jahprang made ai.

1 KORINHTU 4:14 ပူးပေါင်းရင်းမြစ်များ

EZEKELA 3:21

Nang gaw mai kaja ai wa hpe yubak n galaw hkrup na matu shadum jahprang nna, shi gaw na a ga madat let yubak n galaw ai rai yang, shi asak hkrung nga na ra ai, na a asak mung lawt lu na ra ai,” ngu nna tsun wu ai.

KASA 20:31

Dai re majaw, ngai nanhte mahkra hpe masum ning tup shani shana myi prwi law law hkrat nna sharin achyin shadum shahprang da ai hpe dum nna amaja nga mu.

1 KORINHTU 15:34

Ding man ai hpe hkan na dum hprang mu, matut nna yubak lam hkum galaw myit. Nanhte hta na nkau mi Karai Kasang hpe n chye ma ai: nanhte kaya dum myit ga, ngai ning ngu tsun nngai.

1 KORINHTU 4:15

Hpa majaw nga yang, nanhte a Hkristan asak hkrung lam hta nanhte hpe sharin achyin ya na sara mun mi dang lu myit ti mung, nanhte kawa langai sha lu myit dai. Ngai gaw dai Kabu Gara Shiga hkaw dan ai hku nna, nanhte hpe Hkristu hte kahkyin gumdin ai asak hkrung lam de du wa shangun ai nanhte a shangai kawa tai wa ni ai.

1 KORINHTU 4:17

Dai lam a majaw ngai gaw Hkristan asak hkrung lam hta nye a tsaw ra ai, kangka sadi sahka nga ai ngai sha Timohti hpe nanhte hpang de ngai shangun dat we ai. Shi gaw, ngai nan hkan sa nna shara shagu na nawku hpung ni yawng hpe sharin shaga ya ai Hkristu hte langai sha re ai asak hkrung lam ningnan a lam nanhte hpe bai myit dum shangun na matu shadum jahprang na ra ai.

1 KORINHTU 6:5

Nanhte kaya myit ga she ndai lam ngai tsun nngai! Hkristan hpu nau shada amu rawng ai shaloi nanhte a kata hta tara jeyang daw dan ya lu ai hpaji byeng-ya rawng ai wa langai mi pyi n nga sani?

1 KORINHTU 9:15

Rai ti mung ngai gaw dai ahkaw ahkang ni langai mi hpe mung n lang nngai. Dai zawn re ai ahkaw ahkang ni hpe nye a matu hpyi na ngu nna ndai lam ka nngai n rai. Shing rai hpyi na malai, ngai shawng si mat na gaw grau mai nga ai. Nye a gumrawng hpa lam hpe kaman lila ga laban byin shangun ai baw kadai hpe mung ahkang jaw na n rai.

2 KORINHTU 11:11

Ngai ning nga nna tsun ai gaw, ngai nanhte hpe n tsaw ra ai majaw rai ni? Ngai nanhte hpe tsaw ra ai gaw Karai Kasang chye nga ai.

2 KORINHTU 12:19

Anhte gaw nanhte a man hta tut nawng e tinang hkum hpe mara n lu ai ngu nna makawp maga tsun shakut ai ni re ngu htang myit dai nhten? Dai hku n rai law! Hkristu tsun shangun mayu ai hte maren Karai Kasang a man e anhte tsun nga ga ai. Dai hta n ga, tsaw ra ai ni e, anhte galaw ai lam ni yawng gaw nanhte hpe karum na matu she galaw ga ai.

2 KORINHTU 7:3

Ngai ning nga tsun ai gaw, ngai nanhte hpe mara shagun jeyang mayu ai majaw n rai; hpa majaw nga yang, shawng de ngai tsun sai hte maren, nanhte hpe anhte grai tsaw ra ai majaw, si ti mung, prawn ti mung, nanhte hte rau galoi mung anga nga ga ai.

KOLOSE 1:28

Dai majaw anhte gaw masha shagu hpe Hkristu a lam hkaw dan ga ai. Masha shagu hpe Hkristu hta myit su kunghpan ai Hkristan masha langai hkrai hku nna Karai Kasang a man de shashawn lu u ga, anhte gaw hpaji byeng-ya nga manga hte shanhte hpe sadi jaw, sharin achyin nga ga ai.

1 HTESALONI 2:11

Kawa gaw tinang a kasha ni hpe yu gawn lajang ai zawn, nanhte langai hte langai hpe anhte yu gawn lajang lai wa saga ai lam nanhte chye nga myit dai.

1 HTESALONI 5:14

Bai hpu nau ni e, lagawn ai ni hpe sadi jaw mu, myit kaji ai ni hpe shadaw shalan nga mu, n-gun kya ai ni hpe karum la mu, yawng mayawng a ntsa e hkam sharang nga mu.

2 HTESALONI 3:14

Ndai laika hta nanhte hpang de anhte ka shagun dat ai mungga hpe n madat n mara ai masha langai ngai nga ai rai yang gaw, shi hpe matsing da nna, shi kaya mat u ga, shi hte hkum kanawn nga myit.

HPILEMON 1:10

Hkristu hta nye a kasha majing tai wa ai ngai sha Onesimu a matu mara ngai nang hpe hpyi nem dat nngai. Hpa majaw nga yang, bawng dung nga ai shaloi ngai gaw shi a Wenyi lam hku nna kawa tai wa ni ai.

1 YAWHAN 2:1

Ngai shu ngai sha ni e, nanhte yubak n galaw myit ga, ndai laika hpe nanhte hpang de ngai ka dat nngai, rai ti mung masha langai ngai yubak galaw hkrup a yang gaw, dai Kawa a man e anhte a matu hpyi nem tawngban ya ai wa, Yesu Hkristu ngu ai ding hpring ai Madu anhte lu ga ai.

3 YAWHAN 1:4

Nye a kashu kasha ni, dai teng man ai lam hta hkan sa asak hkrung nga ma ai lam na lu ai majaw ngai hpe kabu gara shangun dik ai hta kaga kabu hpa n nga mat sali ai.