1 KORINHTU 4:11 - Jinghpaw Common Language Bible 2009

¹¹ Ya ten du hkra anhte kawsi hpang gara, singgu krin, adup ajin zingri hkrum nna nga shara garen let shara mi kaw nna shara mi de hkawm nga ga ai.

Jinghpaw Hanson Version Bible

¹¹ Ya ten du hkra anhte kawsi hpang gara, singgu krin, adup adep hkrum nna, nga shara garen nga ai hte,

1 KORINHTU 4:11 ပူးပေါင်းရင်းမြစ်များ

YOBA 22:6

Shi hkoi la ai gumhpraw nang hpe bai nhtang jaw shangun nga ndai, nang gaw shi a hpun palawng ni hpe la kau ya nna, singgu krin tawn da nga ndai.

MAHTE 8:20

Yesu gaw, “Chyahkyawn ni nhkun lu ma ai, ntsa malen pyen ai u ni mung u tsip ni lu ma ai, dai Masha Kasha chyawm gaw baw tawn na shara pyi n lu nga ai,” ngu shi hpe tsun wu ai.

KASA 14:19

Dai hpang Pesidi mung na Antioki hte Ikoni mare hkan na Yuda masha nkau mi sa du nna shawa hpawng hpe shanhte maga lawm hkra woi awn nhtawm, Pawlu hpe n lung hte kabai nna shi hpe si mat sai zawn nawn ai majaw, mare shinggan de garawt shapraw kau mu ai.

KASA 16:23

Shing rai shan hpe grai sawng hkra kayat nhtawm, htawng hta bang da mu ai rai nna htawng agyi wa hpe mung shan hpe ashim sha la sharawng da na hkang dat mu ai.

KASA 23:2

Hkinjawng agyi Anani gaw, “Shi a n-gup bye ya mu,” nga nna makau e tsap nga ai ni hpe tsun mu ai.

ROMA 8:35

Dai rai nna Hkristu a tsaw ra ai hta na anhte hpe kadai wa mi jahka kau lu na mi ta? Tsin-yam tsindam atsu atsam hte yak hkak jam jau lam shing n rai zingri zingrat hte hku hku hpang gara lam, shing n rai singgu krin matsan chyaren lam hte hkrit hpa ri nhtu si hkrung si htan lam hkrum yang she jahka kau lu na myit ni?

1 KORINHTU 9:4

Ngai galaw ai amu a matu ngai hta, sha lu na, lu lu na ahkang n nga a ni?

2 KORINHTU 11:20

Nanhte gaw, nanhte hpe reng sha ai ni, nanhte a ntsa e ahkaw ahkang la ai ni, nanhte hpe mahkam hte rim la ai ni, nanhte hpe yu kaji ai ni, nanhte a myi man kahpret ya ai ni kadai hpe mung nanhte hkam mana nga myit dai.

2 KORINHTU 4:8

Anhte gaw ya sha ya sha ru yak jam jau hkrum ga ai. rai ti mung agrawp kau hkrum ga ai n rai; kalang lang ung ang mat ga ai, rai ti mung myit htum mat ga ai n rai;

HPILIPI 4:12

Ra kadawn ai ten hpe gara hku hkap hkrum manga kau na hpe ngai chye nngai; ra ai hta jan nna n taw n tsang lu ai ten hta gara hku nga na hpe mung ngai chye nngai. Lam shagu hte shara shagu hta, hpring tsup hkru kat na hte kawsi hpang gara hkrum na ten ni hta mung, n taw n tsang lu ai ten hte kadawn kata hkrum ai ten hta mung, myit pyaw myit dik let nga lu shangun ai makoi magap da ai hpaji hpe ngai sharin la lu se ai.

2 TIMOHTI 3:11

nye a zingri zingrat hkrum sha ai lam, nye a nni nkri hkam ai lam, re ai ni hpe maram masam mu chye nit dai. Antioki mare, Ikoni mare, Lustra mare hkan e ngai hta byin hkrum hkra ai hkrithpa zingri zingrat lam ni hte ngai hkam sharang lai wa sai lam hpe nang yawng chye nga ndai. Madu chyawm gaw dai lam ni yawng hta na ngai hpe mawai la ni ai.