1 KORINHTU 4:10 - Jinghpaw Common Language Bible 2009

¹⁰ Hpa majaw nga yang, anhte gaw Hkristu a majaw mana angawk ni rai nga ga ai, nanhte mahtang Hkristu hte langai sha rai nga ai hpaji rawng ai ni rai nga myit dai! Anhte gaw n-gun n ja ga ai, nanhte mahtang n-gun ja myit dai; anhte arawng hpoi saga ai, nanhte mahtang hpung rawng ai ni rai nga myit dai.

Jinghpaw Hanson Version Bible

¹⁰ Anhte gaw Hkristu a majaw angawk angak rai nga ga ai, nanhte mahtang Hkristu hta e myit su nga myit dai; anhte gaw n-gun n ja ga ai, nanhte mahtang n-gun ja myit dai; nanhte hpung rawng myit dai, anhte mahtang arawng hpoi saga ai.

1 KORINHTU 4:10 ပူးပေါင်းရင်းမြစ်များ

2 HKAWHKAM 9:11

Yehu gaw shi a du manang ni kaw bai nhtang wa yang, “Lam shagu hkrak rai nga a ni? Dai mana bu ai wa nang hpe hpa galaw shangun mayu a ta?,” ngu nna shi hpe hkap san ma ai. Yehu gaw, “Shi hpa ra nga ai gaw nanhte chye nga myit dai,” ngu nna sha htan wu ai.

GA SHAGAWP 11:12

Kaga masha wa hpe n kaw n law ga tsun ai gaw angawk angak lam rai nga ai; nang lama myit let ai rai yang chyawm gaw, atsin sha nang nga nga na rai ndai.

ESAIA 53:3

Anhte shi hpe n kaw n law di ga ai, shi hpe ningdang kau ga ai; shi gaw nni nkri hte nchyi nmu hpe hkam sha nga ai. Kadai mung shi hpe pyi n yu mada nga ai- anhte gaw shi hpe hpa n re ai wa hpe zawn nawn kau ga ai.

HOSEA 9:7

Ari jaw na aten du sai, amyu masha ni galaw ai hte maren shanhte hkam la na aten du ra ai. Dai lam byin jang, Israela gaw de a lam chye lu na mara ai! Nanhte gaw, “Ndai myihtoi wa gaw mana ai wa she rai nga a hka! Ndai wenyi n-gun rawng ai wa gaw sai n gring sam ai,” nga nna tsun myit dai. Nanhte ngai hpe grai wa n ju nga myit dai majaw nanhte a yubak gaw grai kaba nga malit dai.

MAHTE 24:9

“Dai hpang masha ni gaw, nanhte hpe rim la nna ari jaw na hte sat kau na matu ahkang aya lu ai ni a lata de ap kau na marin dai. Nye a mying a majaw, masha amyu baw shagu nanhte hpe n dawng n wawm na mara ai.

MAHTE 5:11

“Nanhte nye a hpang hkan nang ai ni re ai majaw, nanhte hpe masha ni asawng asang di nna zingri zingrat nga ma ai hte masu ai hku hkan let mara amyu myu shagun da myit dai shaloi e, nanhte a lu myit dai;

LUKA 10:16

Yesu gaw, “Nanhte a ga madat ai wa kadai mung, nye a ga madat ai mung rai nga ai. Nanhte hpe ningdang kau ai wa kadai mung, ngai hpe ningdang kau ai wa rai nga ai: ngai hpe ningdang kau ai wa kadai mung, ngai hpe shangun dat ai wa hpe mung, ningdang kau ai rai nga ai,” ngu nna shi a sape ni hpe tsun mu ai.

LUKA 18:9

Tinang hkum hpe kaja dum nna masha kaga kadai hpe mung hpa n nawn ai masha nkau mi hpe, ndai ga shadawn hte mung shi tsun mu ai.

LUKA 6:22

Masha ni nanhte hpe n dawng n yawt ai hte dai masha kasha a majaw shadaw jahka di kau nna asawng asang di ai hte, nanhte a mying hpe n hpru n mai ai arai hpe zawn tsun jahpyak hkrum myit yang, nanhte a lu myit dai.

KASA 17:18

Epikuri lam hte Sto-i lam hkan ai hpaji sara ni nkau mi shi hte dangrang hkat ma ai. Nkau mi gaw, “Ndai chye shakawng ai du ladi masha wa hpa tsun shakut nga ai kun?,” nga nna san ma ai. Nkau mi gaw, “Maigan masha ni a hpara ni a lam tsun dan ai wa rai sam ai,” nga nna mung htan shajang ma ai, shanhte shing nga tsun ai gaw, Kasa Pawlu gaw Yesu Hkristu hte si ai kaw na bai hkrung rawt wa ai lam hkaw tsun nga ai majaw rai nga ai.

KASA 17:32

Si ai kaw na bai hkrung rawt wa ai nga ai lam, Pawlu tsun ai hpe shanhte na jang shanhte hta na nkau mi gaw jahpoi asawng ma ai. Rai ti mung nkau mi gaw, “Ndai lam hte seng nna nang tsun ai hpe anhte kalang mi naw na mayu ga ai,” ngu nna tsun ma ai.

KASA 26:24

Ya Pawlu dai hku shi hkum hpe makawp maga ai ga tsun ai shaloi, Hpestu gaw, “Pawlu e nang mana nit dai! Hpaji hparat nau chye dinglai nna de a majaw mana byin mat nit dai!,” ngu nna marawn jet kau wu ai.

KASA 9:16

Nye a mying majaw shi hkrum lu na ra ai matsan tsin-yam ni yawng hpe ngai nan shi e madun na we ai,” ngu wu ai.

1 KORINHTU 1:21

Hpa majaw nga yang, masha gaw tinang a hpaji byeng-ya hte Karai Kasang hpe n chye lu mu ga nga, Karai Kasang gaw shi a hpaji daw ai hte maren galaw lajang da nu ai. Shing rai na malai anhte hkaw dan ai angawk angak mungga ngu ai ga hpe kam sham ai ni hpe hkye hkrang la na matu Karai Kasang gaw myit daw dan da nu ai.

1 KORINHTU 1:23

Anhte chyawm gaw, wudang hta jen da hkrum ai Hkristu a lam hkaw dan ga ai, dai hkaw dan ai mungga gaw Yuda ni a matu grai n rawn hpa hte myit kataw shara, maigan masha ni a man e lachyum n pru ai angawk angak re ai lam rai nga ai.

1 KORINHTU 1:25

Hpa majaw nga yang, Karai Kasang a angawk angak re ai lam rai nga ai ngu nna myit nawn ai lam gaw, masha a hpaji byeng-ya hta grau hpaji rawng nga ai, Karai Kasang a n-gun kya ai zawn re ai ngu nna myit nawn ai lam mahtang gaw, shinggyim masha a n-gun atsam hta grau ja nga ai.

1 KORINHTU 10:12

Dai rai nna marai langai ngai gaw, tinang a hkum hpe ding hpring kangka ai hta ngang ngang tsap nga ai wa rai nga nngai, nga nna myit yang gaw, shi n kadawng na matu sadi nga u ga.

1 KORINHTU 2:14

Dai Wenyi hpe n hkap la ai, mi na ta naw re ai shinggyim masha kadai mung, Karai Kasang a Wenyi e jaw ai chyeju kumhpaw kumhpa ni hpe n hkam la lu nga ai. Dai ni gaw shi a matu angawk angak lam rai nga ai rai nna, Wenyi myit e sha dai lam ni a manu hpe daw dan ya lu nga ai majaw, shi gaw dai hte hpe chye na lu ai n rai.

1 KORINHTU 2:3

Dai rai nna, ngai nanhte kaw sa du nga ai ten hte ting hta gawng kya ai hte hkrit gari let,

1 KORINHTU 3:18

Kadai rai ti mung tinang hkum hpe hkum hkalem nga myit ga. Nanhte hta na marai langai ngai ndai mungkan a madang hku nna tinang hkum hpe hpaji byeng-ya rawng nga nngai nga nna grang a yang gaw, hpaji byeng-ya rawng ai wa majing tai na matu angawk angak re ai masha tai wa u ga.

1 KORINHTU 3:2

Nanhte ya e rin mani yak ai lusha garai n lu sha myit dai majaw, ja ai lusha n re ai sha, chyu dwi hkrai sha ngai nanhte hpe gawn jaw made ai. Ya e pyi nanhte garai n rin lu myit dai.

1 KORINHTU 4:8

Ya nanhte hta ra mara hkum tsup hkra lu rau manit dai n rai ni? Nanhte lu su rau wa manit hka i? Anhte pyi hkawhkam garai n tai yang nanhte hkawhkam tai wa manit hka! Rai sa, nanhte hkawhkam tai yang she anhte mung nanhte hte rau hkaw dung lu na re ai majaw, kaja wa nanhte ni hkawhkam tai na ngai ra nga nngai.

2 KORINHTU 10:10

Hpa majaw nga yang, masha nkau mi gaw, “Pawlu a laika ni gaw grai sawng nna n-gun atsam namnak rawng ai laika ni rai lu ai, rai ti mung shi hkum nan anhte hte rau nga ai shaloi, shi gaw n-gun kya nna hpung n rawng ai hte shi a ga ni hpa tang n du lu ai,” nga nna tsun ma ai.

2 KORINHTU 11:19

Nanhte nan hpaji nau rawng nna angawk ai ni hpe kabu gara ai hte hkam sharang nga myit dai!

2 KORINHTU 11:29

Gawng kya ai wa langai ngai nga yang, ngai mung gawng kya ai hpe hkam sha nngai, masha langai ngai yubak hta kataw mat yang, ngai myit ru nga nngai.

2 KORINHTU 13:9

Dai rai nna, anhte gawng kya nga nna nanhte n-gun ja nga yang, anhte kabu gara ga ai. Shing rai nanhte hkum tsup ai ni rai wa myit ga mung anhte akyu hpyi nga ga ai.

2 KORINHTU 4:12

Ndai gaw anhte hta e si hkrung si htan tara gaw amu galaw nga ai. Rai ti mung nanhte hta chyawm gaw asak hkrung ai tara mahtang amu galaw nga ai.

2 KORINHTU 6:8

Anhte gaw shagrau sha-a ai mung, jahpoi asawng ai mung, shakawn kungdawn ai mung hkrum ga ai. Anhte hpe masu hkalem sha ai masha ni rai ma ai ngu nna shadu ma ai, rai ti mung, anhte gaw teng man ai ga tsun ga ai.

1 HTESALONI 4:8

Dai rai nna, ndai sharin shaga ai lam hpe ningdang kau ai wa kadai mung, masha hpe n rai, Chyoi Pra ai Wenyi jaw ya ai Karai Kasang hpe mahtang ningdang kau ai wa rai nga ai.

1 PETRU 4:14

Nanhte Hkristu a hpang hkan nang ai ni re ai majaw roi asawng ai hkrum myit yang nanhte a lu myit dai. Dai gaw hpung shingkang rawng ai wenyi ngu ai Karai Kasang a wenyi gaw nanhte hta e shanu nga ai lachyum rai nga ai.