1 KORINHTU 3:9 - Jinghpaw Common Language Bible 2009

⁹ Hpa majaw nga yang, anhte gaw Karai Kasang a matu amu bungli galaw nga ai shingdep shingtau ni rai nga ga ai. Nanhte gaw Karai Kasang a yi hkauna hte Karai Kasang a wahpang htingnu rai nga myit dai.

Jinghpaw Hanson Version Bible

⁹ Anhte chyawm gaw Karai Kasang a shingdep shingtau ni rai nga ga ai: nanhte gaw Karai Kasang a yi hkauna hte, Karai Kasang a wahpang htingnu, rai nga myit dai.

1 KORINHTU 3:9 ပူးပေါင်းရင်းမြစ်များ

SHAKAWN KUNGDAWN 118:22

Nta gaw ai ni lata kau sai nlung gaw, yawng hta grau ahkyak htum ai ningjut nlung tai wa ai.

SHAKAWN KUNGDAWN 72:16

Lamu ga ni hta nsi naisi ni ja kat nga u ga; Lebanon mung na nsi naisi si ai zawn, kawng ni yawng hta hkai nmai ni rai nga mu ga; Prang yang na tsingdu ni zawn, mare ni hta amyu masha ni hte hpring nga mu ga.

GA SHAGAWP 9:1

Hpaji byeng-ya gaw shi a nta hpe shadaw kaba sanit bang nna, jung da nu ai.

ESAIA 32:20

Masha shagu hte gaw nsi naisi ni a matu hka alaw alam lu lang ai hte lawze ni hte dumsu ni a matu shara shagu hkan shim ai udat shara nga nga na ra ai gaw kade sha kabu gara mai nga ai.

ESAIA 61:11

Nli tum ni kaw na maku rawt wa ai hte tu kaba wa ai hte maren, dai Tsaw Htum ai dai Madu gaw shi a amyu masha ni hpe hkye hkrang la na ra ai, Masha amyu baw ni yawng shi hpe shakawn kungdawn na mara ai.

ESAIA 61:3

Ziun hta sharung shayawt nga ai ni hpe yawn madai na malai Kabu gara ai hte kabu pyaw ai lam, Yawn hkyen ai a malai mahkawn shakawn na lam jaw ya na matu shangun dat ni ai. Shanhte gaw dai Madu shi nan hkai da sai Hpun ni zawn tai na mara ai. Shanhte gaw ding man ai amu yawng mayawng hpe galaw na mara ai, Karai Kasang gaw shi galaw sai amu ni a majaw shakawn kungdawn ai hkrum na ra ai.

ESAIA 61:5

Nye a amyu masha ni e, maigan amyu masha ni nang hpe daw jau na mara ai. Shanhte gaw na a sagu hpung ni hpe bau rem nna Na a mung hta hkauna galaw ai hte sabyi sun ni hpe yu lajang na mara ai.

YEREMIA 2:21

Ngai gaw nang hpe grai kaja htum ai nli tum kaw na sabyi ru hpe hkai da ni ai. Rai ti mung, nang hpa baw tai mat nga nit dai hpe yu yu u! Nang gaw yat mat nna manu n dan ai sabyi ru zawn rai nga ndai.

MAHTE 15:13

Yesu gaw, “Sumsing lamu e nga ai nye Wa n hkai da ai hpun yawng hte gaw, ru hte nawng baw kau ai hkrum na ra ai.

MAHTE 16:18

Bai, nang hpe ngai tsun de ga, lunghkrung ngu ai lachyum pru ai Petru rai nga ndai hte dai lunghkrung ngu ai npawt nhpang ntsa e nye a hpung hpe ngai de da na we ai rai nna, si hkrung si htan pyi gaw dai hpe dang kau lu na n rai.

MAHTE 9:37

Dai rai nna shi a sape ni hpe shi tsun mu ai gaw, “Nmut shang shara law law nga ai, amu galaw na ni mahtang n law ma ai.

MARKU 16:20

Sape ni mung pru sa nna shara shagu hkaw tsun ma ai. Dai Madu mung, shanhte hte rau amu galaw nna shanhte hkaw tsun ai mungga teng man nga ai lam sakse madun na matu shanhte hpe, lamik kumla ni galaw lu na atsam jaw da mu ai.]

KASA 4:11

Dai Chyum Laika hta tsun da ai, ‘Nanhte nta gap ai ni lata kau ai nlung rai ti mung, ningjut jahtum na nlung bai tai wa sai,’ nga ai ga gaw Yesu hpe lakap nna tsun ai rai nga ai.

1 KORINHTU 3:16

Nanhte gaw Karai Kasang a nawku htingnu rai nga nna, Karai Kasang a Wenyi gaw nanhte hta e rawng nga ai hpe nanhte kaja wa chye nga myit dai!

1 KORINHTU 3:6

Ngai gaw nli tum hkai da nngai, Apolo gaw hka jaw wu ai, Karai Kasang e she tu shangun nga ai.

1 KORINHTU 6:19

Nanhte a hkum hkrang gaw, nanhte hta rawng nga ai Karai Kasang jaw ya ai dai Chyoi pra ai Wenyi a htingnu rai nga ai hpe, nanhte n chye myit ni? Nanhte gaw nanhte a hkum hpe up madu lu myit dai n rai, Karai Kasang chyu sha madu rai nga ai.

2 KORINHTU 6:1

Nanhte gaw Karai Kasang a chyeju hkam la ai ni rai nga myit dai hte maren dai chyeju hpe lahpawt lama n di kau myit ga, anhte Karai Kasang a shingdep shingtau ni hku nna nanhte hpe hpyi lajin dat ga ai.

2 KORINHTU 6:16

Karai Kasang a nawku htingnu gaw gawng-ngu sumla ni hte kaning di nna myit hkrum lu na rai ta? Hpa majaw nga yang, anhte gaw ahkrung nga ai Karai Kasang a nawku htingnu ni rai nga ga ai! Karai Kasang shi nan, “Ngai gaw nye a amyu masha ni hta nye a nta shatai nna, shanhte hta shanu nga na nngai; Ngai shanhte a Karai Kasang tai nga na nngai rai nna, shanhte gaw nye a amyu masha ni tai na mara ai,” nga nna tsun ai.

EHPESU 2:10

Hpa majaw nga yang, anhte gaw Karai Kasang e tau hkrau lajang da sai mai kaja ai magam bungli ni hpe galaw na matu, Hkristu Yesu hte langai sha rai nga ai a marang e, Karai Kasang gaw anhte hpe hpan da mani ai.

KOLOSE 2:7

Sharin achyin ai hpe hkam la manit dai hte maren, shi hta sung sung ru jung nna, shi hta tinang a asak hkrung lam hpe gaw da let nanhte a makam masham hpe grau nna ngang kang shangun nga mu. Nanhte hta chyeju dum ai myit hte hpring nga mu.

1 TIMOHTI 3:15

Rai ti mung lama wa ngai alawan n lu du sa wa ai rai yang hkrung nga ai Karai Kasang a hpung ngu ai dai teng man ai lam a npawt hkridun rai nga ai Karai Kasang a nta dinghku hta anhte kaning re ai arawn asam sat lawat hkan sa mai ai lam chye lu u ga, ndai laika hpe ka dat nngai.

HEBRE 3:6

Hkristu chyawm gaw Karai Kasang a nta hpe up ai Kasha re ai hku nna kangka rai sadi dung nga ai. Anhte nden marai rawng nna tinang ni a kabu gara myit mada ai lam hpe jahtum du hkra myit mu myit hkut ai hte ngang ngang kang kang manoi nga ga yang gaw, Karai Kasang a nta masha ni rai nga ga ai.

1 PETRU 2:5

Nanhte gaw asak hkrung nga ai nlung ni zawn Karai Kasang kaw sa nna dai wenyi hte seng ai htingnu gaw gap ai hta nanhte ni nan shang lawm jai lang hkam nga mu. Dai shara hta Madu Yesu a marang e wenyi hte seng nna sharawng awng hkap la ging ai shagu hkungga ni hpe Karai Kasang kaw nawng ya na matu chyoi pra ai hkinjawng ni zawn nanhte daw jau na rai myit dai.

3 YAWHAN 1:8

Dai re ai majaw, dai teng man ai magam bungli hta shanhte hte mu gun shingdep shingtau tai lu u ga, anhte Hkristan ni gaw ndai masha ni hpe karum madi shadaw ra ga ai.