1 KORINHTU 3:8 - Jinghpaw Common Language Bible 2009

⁸ Nli tum hkai da ai wa hte hka jaw ai yan hta hpa shai hkat ai n rai, langai sha rai nga ma ai. Karai Kasang gaw langai hte langai hpe tinang a galaw shakut sharang ai hte maren shabrai jaw na maru ai.

Jinghpaw Hanson Version Bible

⁸ Dai hta kaga hkai da ai wa hte ntsin jaw ai wa gaw langai sha rai nga ma ai; rai timung, tinang a shakut sharang ai hte maren, langai hte langai gaw tinang a shabrai lu la na mara ai.

1 KORINHTU 3:8 ပူးပေါင်းရင်းမြစ်များ

SHAKAWN KUNGDAWN 62:12

O Madu e, nang na masha shagu hte hpe tinang galaw ai amu hte maren, shagrau kumhpa jaw ya nga u law.

GA SHAGAWP 27:18

Lakum hpun hpe yu lajang u, shaloi nang lakum si sha lu na ra ai; shi a madu hpe bau sin ai mu gun kaja wa gaw, shagrau sha-a ai hkam la na ra ai.

Daniela 12:3

dai hpaji rawng ai ningbaw ni gaw lamu na htoi tu ai arai ni zawn mung, amyu masha law law hpe jaw ai hku amu galaw na lam sharin ya ai ni gaw shagan ni zawn htani htana htoi tu nga na mara ai.

MAHTE 16:27

Hpa majaw nga yang, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe htang na ra ai.

LUKA 19:19

Madu gaw dai wa hpe mung, ‘Nang mare manga a ntsa e up hkang nu,’ ngu wu ai.

ROMA 2:6

Hpa majaw nga yang Karai Kasang gaw langai hte langai hpe, tinang hpa baw galaw sai ngu ai bungli hte maren nhtang jaw na ra ai.

1 KORINHTU 15:58

Dai re ai majaw, ngai tsaw ngai ra ai hpu nau ni e, ngang ngang kang kang dinggrin dingyang tsap nga mu. Madu a bungli gun hpai ai lam gaw galoi mung kaman lila n rai nga ai hpe nanhte dum chye nga let, dai Madu a bungli hta tut nawng e tsam mari shakut sharang gun hpai nga mu law.

1 KORINHTU 3:14

Gaw gap ai hta lang ai arung arai gaw dai wan hta jen yu ai lam hpe hkam lu ai rai yang gaw, gaw gap ai wa gaw shabrai lu la na ru ai.

1 KORINHTU 3:7

Shing rai hkai da ai wa hte hka jaw ai wa gaw hpa n rai nga ai, tu shangun ai Karai Kasang chyu sha she ahkyak madung rai nga ai.

1 KORINHTU 3:9

Hpa majaw nga yang, anhte gaw Karai Kasang a matu amu bungli galaw nga ai shingdep shingtau ni rai nga ga ai. Nanhte gaw Karai Kasang a yi hkauna hte Karai Kasang a wahpang htingnu rai nga myit dai.

1 KORINHTU 4:15

Hpa majaw nga yang, nanhte a Hkristan asak hkrung lam hta nanhte hpe sharin achyin ya na sara mun mi dang lu myit ti mung, nanhte kawa langai sha lu myit dai. Ngai gaw dai Kabu Gara Shiga hkaw dan ai hku nna, nanhte hpe Hkristu hte kahkyin gumdin ai asak hkrung lam de du wa shangun ai nanhte a shangai kawa tai wa ni ai.

1 KORINHTU 9:7

Kadai hpyen la wa mi tinang a jarik hte majan amu gun a ta? Kadai sun galaw sha ai wa, tinang a sun kaw na sabyi si n di sha ai nga ga a ni? Kadai sagu rem ai wa tinang a sagu kaw na chyu n shup lu ai nga ga a ni?

GALATI 6:4

Masha langai hte langai gaw tinang a bungli hpe dinglik yu u ga, tinang a bungli kaja nga ai rai yang dai hpe kaga langai ngai a bungli hte shadawn yu shara n nga ai sha, shi galaw ai bungli hta myit dik gumrawng shara rai na ra ai.

GALATI 6:5

Hpa majaw nga yang, langai hte langai gaw tinang a lit gun hpai shajang na rai nga ai.

HEBRE 6:10

Hpa majaw nga yang, Karai Kasang gaw n tara ai wa n rai nga ai. Shi gaw nanhte galaw gun hpai lai wa sai magam bungli hpe mung, Madu hpe tsaw ra ai lam nanhte madun dan na matu lai wa sai ten kaw nna ya du hkra Hkristan masha shada da karum la hkat ai hpe mung, Karai Kasang malap kau wu ai n rai.

1 PETRU 5:4

Dai Sagu Rem Agyi Kaba Wa dan pru ai shaloi nanhte gaw htoi kabrim ai nsam galoi mung n mat chye ai arawng sadang hte hpring ai janmau lu la na marin dai.

2 YAWHAN 1:8

Anhte galaw da ai amu hpe nanhte n shamat kau myit dai sha nanhte a shabrai hpe hpring tsup hkra hkam la lu myit ga, tinang dai sadi nga mu.

SHINGRAN 2:23

Shi a hpang hkan nang ai ni hpe mung ngai sat kau na mawe ai. Dai shaloi ngai gaw, masha shagu a myit mang ai lam ni hte maw mawn ai lam ni hpe yawng chye ya ai Madu ngai rai nga nngai gaw, hpung ni chye lu na mara ai. Nanhte hta na langai hte langai hpe, tinang galaw sai amu hte maren ngai htang jaw na made ai.

SHINGRAN 22:12

“Madat u! ngai alawan du na ring ngai! Langai hte langai hpe tinang galaw sai amu hte maren htang jaw na shabrai ni hpe ngai hte rau la sa na nngai.