1 KORINHTU 3:7 - Jinghpaw Common Language Bible 2009

⁷ Shing rai hkai da ai wa hte hka jaw ai wa gaw hpa n rai nga ai, tu shangun ai Karai Kasang chyu sha she ahkyak madung rai nga ai.

Jinghpaw Hanson Version Bible

⁷ Shing rai, hkai da ai wa gaw hpa n rai nga ai, ntsin jaw ai wa mung hpa n rai nga ai; tu shangun ai Karai Kasang chyu sha shabyin ya lu ai.

1 KORINHTU 3:7 ပူးပေါင်းရင်းမြစ်များ

SHAKAWN KUNGDAWN 115:1

O Madu e, na a dinggrin tsaw ra myit hte sadi sahka lam a majaw, na a hpung shingkang gaw nang hta chyu sha, rai sa, nang hta chyu sha, anga nga u ga, anhte hta dai hpung shingkang nga ai n rai.

SHAKAWN KUNGDAWN 90:17

Anhte a Madu Karai Kasang e, na a shaman ai chyeju gaw anhte hte rau rai nga u ga. Anhte galaw ai amu shagu hte hta awng dang ai lam anhte hpe jaw ya mi law!

ESAIA 40:17

Masha amyu baw ni gaw shi a matu kaman be be rai ma ai.

ESAIA 41:29

Ndai karai ni yawng kaman lila ni rai nga ma ai; shanhte gaw kaja wa hpa n lu galaw ma ai- ndai hpara sumla ni gaw n-gun kya ai hte daru magam n-gun n rawng nga ma ai.”

Daniela 4:35

Shi gaw mungkan masha ni hpe hpa mi n re ai zawn yu nga ai; sumsing lamu na lamu kasa ni hte mungkan ga na masha ni gaw shi up hkang ai n pu hta taw nga ai. Kadai mung shi a sharawng awng ai hpe ninghkap lu ai n rai; shi galaw ai amu hpe kadai mung ga san n shapraw lu nga ai.

YAWHAN 15:5

“Ngai gaw sabyi ru madung rai nga nngai, nanhte gaw lakung lakying ni rai nga myit dai. Kadai rai ti mung, ngai hta noi nga nna ngai mung dai wa hta noi nga ai rai yang gaw, dai wa gaw asi law law si wa lu ai; hpa majaw nga yang, ngai hte hka jang, nanhte hpa mung n galaw lu myit dai.

1 KORINHTU 13:2

Ngai myihtoi chye htoi ai hte sung ai lam yawng mayawng, chye chyang ai hpaji amyu myu hkum nga ai hte bum hpe jasit kau lu hkra re ai makam masham rawng ti mung, tsaw ra myit n rawng yang gaw, ngai hpa n rai nga nngai.

1 KORINHTU 3:6

Ngai gaw nli tum hkai da nngai, Apolo gaw hka jaw wu ai, Karai Kasang e she tu shangun nga ai.

1 KORINHTU 3:8

Nli tum hkai da ai wa hte hka jaw ai yan hta hpa shai hkat ai n rai, langai sha rai nga ma ai. Karai Kasang gaw langai hte langai hpe tinang a galaw shakut sharang ai hte maren shabrai jaw na maru ai.

2 KORINHTU 12:11

Ngai gaw angawk ai wa zawn rai nga nngai. Nanhte mahtang ngai hpe dai zawn rai shangun manit dai. Nanhte ni mahtang ngai hpe tau madi shadaw ai lam madun ang ai ni rai nga myit dai. Hpa majaw nga yang, ngai gaw hpa n re ai wa rai nga yang pyi gaw, nanhte a laksan ahkyak shatai ai “Kasa ni” hta gara hku nna mung n grit nga nngai.

2 KORINHTU 12:9

Rai ti mung Karai Kasang gaw, “Nye a chyeju gaw na a matu ram ging nga ai, hpa majaw nga yang, nang gawng kya ai shaloi nye a n-gun atsam gaw ja dik rai nga ai,” nga nna ngai hpe mahtai jaw ni ai. Dai re ai majaw Hkristu a n-gun atsam gaw ngai hpe makawp maga nna shingbyi shangun nga ai lam myit hta hkam sha lu n ga, nye a gawng kya ai lam a majaw ngai kabu gumrawng n ma rai nga nngai.

GALATI 6:3

Masha langai ngai gaw ahkyak ai masha kaja garai n tai yang ahkyak ai masha rai ni ai nga nna tinang hkum hpe rai dum ai wa gaw, tinang a hkum hpe hkalem kau da wu ai.