1 KORINHTU 3:5 - Jinghpaw Common Language Bible 2009

⁵ Apolo gaw kadai wa rai nga a ta? Pawlu mung kadai wa rai nga a ta? Anhte gaw Karai Kasang a shangun ma ni sha rai nna, anhte a marang e nanhte Karai Kasang hpe kam sham wa lu myit ga, woi awn lanu lahku ya ai ni sha rai nga ga ai. Dai rai nna anhte langai hte langai gaw Karai Kasang e garan masat jaw da ya ai amu hpe gun hpai lu ga ai.

Jinghpaw Hanson Version Bible

⁵ Apolo gaw kadai rai nga a ta? Pawlu mung kadai rai nga a ta? Shan gaw shangun ma rai nga nna, shan a jaw e nanhte kamsham ai kaw du lu myit dai: dai Madu e jaw da mu ai hte maren, shan langai hte langai shachyen lu ma ai.

1 KORINHTU 3:5 ပူးပေါင်းရင်းမြစ်များ

MAHTE 25:15

Shi gaw langai hkrai hpe shi a atsam hte maren, langai wa hpe gumhpraw joi manga, kaga wa hpe joi lahkawng, bai kaga wa hpe joi mi di nna jaw da nhtawm, hkawm sa mat wa ai.

LUKA 1:2

Dai lam ni hpe shawng npawt kaw nna, tinang myi hte mu yu sai, dai Kabu Gara Shiga hkaw tsun ai ni tsun dan ai hte maren shanhte ka lajang da masai.

YAWHAN 3:27

Shaloi Yawhan gaw, “Karai Kasang kaw na jaw ai sha n rai yang gaw masha gaw hpa amu lit hpe mung hkam la lu ai n rai.

KASA 18:24

Dai ten hte yang, Alexandru mare na Yuda masha Apolo ngu ai wa langai mi Ehpesu mare de du sa wa ai. Shi gaw ga shaga ram nna Chyum Laika grai chye chyang ai wa rai nga ai.

KASA 19:1

Ya Apolo Korinhtu mare e nga nga yang, Pawlu gaw dai mungdaw a hkin-gau mayan lahta daw kaw nna kata maga hku ga sa wa ai hpang Ehpesu mare de du ai. Dai mare kaw shi sape nkau mi hpe hkrum ai rai nna,

ROMA 15:16

Dai chyalai ahkaw ahkang gaw, maigan amyu ni a matu magam gun na Hkristu Yesu a shangun ma tai lu ai lam rai nga ai. Maigan amyu ni gaw Karai Kasang e hkap la ging ai shagu hkungga ngu ai Karai Kasang kaw dai Chyoi Pra ai Wenyi e shachyoi shapra nna sak nawng tawn ai ni tai wa na matu, ngai gaw hkinjawng langai mi zawn magam gun let Karai Kasang kaw na Kabu Gara Shiga hpe hkaw dan nngai.

1 KORINHTU 12:28

Karai Kasang gaw dai Hpung hta e, langai ngu na shara hta Kasa ni, lahkawng ngu shara hta myihtoi ni, masum ngu na shara hta sara ni, dai hpang e lamik kumla galaw ai ni, dai hpang machyi makaw shamai shatsai na atsam lu ai ni, masha kaga ni hpe karum madi shadaw lam madun chye ai atsam lu la ai ni, lam woi ningshawng ni hte, laklai ai ga amyu myu chye shaga ai ni hpe mung shi shara hte shi san tawn da manu ai.

1 KORINHTU 16:12

Ya, hpu nau Apolo a lam hte seng nna tsun ga nga yang, kaga hpu nau ni hte rau shi nanhte hpang de sa chyai hkawm na matu, ngai shi hpe ya sha ya sha n-gun jaw shadut jahkat we ai, rai ti mung ya aten hta sa na shi kachyi mi pyi myit n hkut wu ai. Mai ang ai aten du yang, shi sa na ra ai.

1 KORINHTU 3:10

Karai Kasang ngai hpe jaw ai chyeju kumhpa hpe lang let, hpaji rawng ai nta shachyaw ai wa zawn, ngai npawt nhpang gaw jahkrat da se ai; kaga masha langai mi gaw dai hta e gaw kahtap nga ai. Rai ti mung gaw kahtap ai ni langai hte langai gaw, tinang gara hku gaw kahtap ai hpe sadi sahka hte yu yu nga u ga.

1 KORINHTU 3:22

Pawlu mung, Apolo mung, Petru mung, ndai mungkan ga mung, asak hkrung lam hte si ai lam mung, ya e nga ai hte htawm hpang e pra na ra ai mung, yawng mayawng hte gaw nanhte a rai nga malit dai.

1 KORINHTU 3:7

Shing rai hkai da ai wa hte hka jaw ai wa gaw hpa n rai nga ai, tu shangun ai Karai Kasang chyu sha she ahkyak madung rai nga ai.

1 KORINHTU 9:17

Lama rai nna ndai amu hpe nye a myit hte ngai lata la nna galaw ai rai yang gaw, shabrai gumhpraw lu na hpe myit mada ala nga lu nngai, rai ti mung ngai ndai amu hpe Karai Kasang e kam da ai hte ap da sai amu rai nna, galaw ra ai lit langai mi hku she ngai galaw nngai.

2 KORINHTU 11:23

Shanhte Hkristu a shangun ma ni rai ma ni? Mana ai wa a ga zawn gaw nga ai, rai ti mung ngai gaw shanhte hta grau kaja ai shangun ma rai nngai. Ngai gaw shanhte hta grau nna amu bungli galaw shaja nngai, shanhte hta grau nna law law lang htawng hkrat nngai, shanhte hta grau nna shingna hkam sha ni ai, si hkrung si htan law law lang ngai grau hkrum nngai.

2 KORINHTU 3:3

Dai laika hpe Hkristu shi nan ka nhtawm, anhte hte shagun dat ai gaw dan leng nga ai. Dai laika hpe tsi hte n ka ai sha hkrung nga ai Karai Kasang a wenyi hte, bai lungpa ni hta n re ai sha shinggyim masha ni a kraw lawang ni hta ka da nga ai.

2 KORINHTU 3:6

Anhte gaw ga shaka ningnan a matu amu gun hpai lu u ga, anhte hpe atsam marai jaw ai gaw Karai Kasang shi nan rai nga ai. Dai ga shaka ningnan gaw ka da ai tara hta rawng ai n re ai sha, Wenyi kaw na rai nga ai. Hpa majaw nga yang laika hkum hte ka da ai tara gaw asak hpe si shangun nga ai; dai Wenyi chyawm gaw asak jahkrung ya nga ai.

2 KORINHTU 4:1

Karai Kasang gaw shi a matsan dum ai myit a jaw e, anhte hpe ndai magam gun hpai na amu ap ya mani ai rai nna, anhte hta myit daw n-gun yawm ai lam n nga ai.

2 KORINHTU 4:5

Hpa majaw nga yang, anhte gaw, anhte a lam hkaw dan ga ai n rai, Yesu Hkristu gaw Madu rai nga ai lam, anhte gaw Yesu a marang e nanhte a shangun ma ni rai nga ga ai lam hkaw dan ga ai.

2 KORINHTU 4:7

Rai ti mung dai chyahtum chyalai re ai n-gun atsam chyawm gaw anhte kaw na n rai, Karai Kasang kaw na rai nga ai lam madun dan lu u ga, ndai wenyi sutgan lu tawn ai anhte gaw, yu maya ga di bu ni hte sha bung ga ai.

2 KORINHTU 5:18

Dai lam yawng mayawng hpe chyawm gaw Karai Kasang e galaw nu ai, Karai Kasang gaw anhte hpe shi a hpyen ni tai nga ai kaw nna shi a jinghku ni tai wa na matu Hkristu Yesu a marang e galai shai mat shangun mi ai hte, kaga masha ni hpe mung shi a jinghku ni tai wa shangun na matu anhte hpe amu lit ap ya mani ai.

2 KORINHTU 6:1

Nanhte gaw Karai Kasang a chyeju hkam la ai ni rai nga myit dai hte maren dai chyeju hpe lahpawt lama n di kau myit ga, anhte Karai Kasang a shingdep shingtau ni hku nna nanhte hpe hpyi lajin dat ga ai.

2 KORINHTU 6:4

Ru yak jam jau lam ni, tsin-yam tsindam ni, yak hkak lam ni hpe myit galu kaba hte hkam sharang nna anhte galaw ai lam shagu hta anhte gaw Karai Kasang a nchyang mayam ni rai nga ga ai lam she madun dan ga ai.

EHPESU 3:7

Karai Kasang a atsam amu galaw nga ai hte maren, ngai hpe Karai Kasang jaw ya ai laksan chyeju kumhpa a marang e dai Kabu Gara Shiga a shangun ma ngai hpe shatai ni ai.

KOLOSE 1:23

Kaja wa nanhte gaw nanhte hkam la kam sham ai lam hpe ngang kang nna teng man ai npawt hkridun zawn ngang grin nga u ga, matut nna makawp maga sin lajang tawn lu na rai myit dai. Bai nna nanhte gaw dai Kabu Gara Shiga na la ai shaloi lu la tawn ai myit mada ai lam kaw na htak mat hkra ari jahkrat kau na ahkang jaw mai na myit dai n rai. Ndai Kabu Gara Shiga a majaw ngai Pawlu gaw magam gun wa langai mi tai wa ni ai, dai Kabu Gara Shiga chyawm gaw mungkan ting hta masha shagu hpe hkaw tsun dan ai mungga rai nga ai.

KOLOSE 1:25

Nanhte a matu mai kaja ai lam galaw u ga, Karai Kasang gaw Hpung a magam gun wa langai mi hku nna ngai hpe san da ai hkrum ni ai. Ngai hpe ap ya da ai lit gaw dai Kabu Gara Shiga hpe ngam da ai lam n nga hkra hkaw tsun na lam rai nga ai.

1 TIMOHTI 1:12

Ngai galaw gun hpai nga ai bungli a matu ngai hpe n-gun lagaw jaw ya ai anhte a Madu Hkristu Yesu hpe ngai chyeju dum shakawn nngai. Shi gaw ngai hpe ging dan ai wa re ai ngu nna sawn la nna shi hpe daw jau na matu san da hkrum ni ai majaw mung shi hpe chyeju dum shakawn nngai.

1 PETRU 4:10

Nanhte gaw Karai Kasang kaw na laksan chyeju kumhpa ni hpe hkam la lu ai hte maren, Karai Kasang a chyeju kumhpa amyu myu hpe kaja ai lit hkam hpareng wa zawn shada da a mai kaja ai akyu a matu jai lang nga mu.