1 KORINHTU 3:4 - Jinghpaw Common Language Bible 2009

⁴ Nanhte hta na langai ngai, “Ngai gaw Pawlu a hpang hkan ai wa rai nngai,” nga nna tsun ai shaloi, nanhte gaw mungkan masha ni zawn galaw hkawm sa asak hkrung ai ni nan rai nga myit dai n rai ni?

Jinghpaw Hanson Version Bible

⁴ Langai ngai gaw, “Ngai chyawm gaw, Pawlu hte seng nngai; bai kaga gaw, Ngai mahtang Apolo hte seng nngai,” nga nna tsun shajang myit yang gaw, nanhte mungkan masha hkrai rai nga myit dai, n rai myit ni?

1 KORINHTU 3:4 ပူးပေါင်းရင်းမြစ်များ

1 KORINHTU 1:12

Ngai ning ngu nna tsun made ga, nanhte hta na masha nkau mi gaw, “Ngai gaw Pawlu a sape rai nngai; ngai gaw Apolo a sape rai nngai; ngai gaw Petru a sape rai nngai; ngai gaw Hkristu a sape rai nngai,” nga nna nanhte langai hte langai shai ai hku tsun hkat shajang nga myit dai.

1 KORINHTU 3:3

Dai majaw nanhte gaw shinggyim ta re ai hku naw nga nga myit dai. Nanhte hta manawn masham ai hte ga li ga law rai nga myit dai majaw, dai gaw nanhte ndai mungkan hte seng ai hku asak hkrung nga ai ni re ngu ai hpe sakse madun nga ai n rai ni?

1 KORINHTU 4:6

Hpu nau ni e, nanhte a matu mai kaja ai lam hpe myit tau yu let, ndai lam hta ngai hte Apolo a lam hpe ga shadawn kasi shatai nna tsun dan made ai. Dai hku tsun dan ai lam gaw, “Hkan sa tara madung hpe lai nna hkum galaw mu,” nga ai ga malai a sung ai lachyum hpe nanhte chye na lu na matu rai nga ai. Nanhte gaw langai wa hta myit kaba gumrawng nna kaga wa hpe n gawn n sawn hkum rai myit.

GALATI 1:11

Hpu nau ni e, nanhte hpe ngai hkaw tsun dan yu ai Kabu Gara Shiga gaw, masha e gyin shalat ai lam n rai nga ai lam, nanhte hpe ngai shadum shahprang made ai.