1 KORINHTU 3:3 - Jinghpaw Common Language Bible 2009

³ Dai majaw nanhte gaw shinggyim ta re ai hku naw nga nga myit dai. Nanhte hta manawn masham ai hte ga li ga law rai nga myit dai majaw, dai gaw nanhte ndai mungkan hte seng ai hku asak hkrung nga ai ni re ngu ai hpe sakse madun nga ai n rai ni?

Jinghpaw Hanson Version Bible

³ kaning rai nme law, nanhte shinggyim ta naw rai nga myit dai. Nanhte hta e manawn masham hte ga law ga la rai nga myit dai majaw, nanhte shinggyim ta naw rai nga myit dai hte, mungkan masha zawn, naw hkawm nga myit dai, n rai myit ni?

1 KORINHTU 3:3 ပူးပေါင်းရင်းမြစ်များ

HOSEA 6:7

“Rai ti mung shanhte gaw Adam nga ai lamu ga de shang wa ai hte rau, ngai shanhte hte tawn da ai ga shaka hpe shanhte jahten kau manu ai.

ROMA 13:13

Anhte gaw tang pyaw lam hkan ai hte chyaru nang ai, shawa num gaswi ai, hte ngang kayut ai, ga law ga la ai hte manawn masham ai hpe n hkan ai sha, shani chyingtung a nhtoi hta hkawm sa ai ni zawn anhte ahkawm nga ga.

1 KORINHTU 1:10

Hpu nau ni e, anhte a Madu Yesu Hkristu a mying nsang ahkaw ahkang hte nanhte yawng hpe ngai hpyi nem dat nngai. Nanhte hta myit garan nna daw hka bra wa ai lam n nga na matu nanhte tsun shaga ai mung sumtu hta myit hkrum nga mu. Nanhte gaw myit mang ai lam langai sha, yaw shada ai lam langai sha hte tsep kawp myit hkrum kahkyin gumdin nga mu.

1 KORINHTU 1:11

Hpa majaw nga yang, ngai hpu ngai nau ni e, nanhte shada da ga li ga law rai nga myit dai lam hpe Hkloe a nta na masha nkau mi ngai hpe asan sha sa tsun shana dan mi ai.

1 KORINHTU 11:18

Langai ngu na hta nanhte a hpung zuphpawng ni hta myit n hkrum ninghkap ai ni nga ai lam ngai na nngai; dai mung, daw chyen mi gaw jaw ai ngu nna ngai kam nngai.

1 KORINHTU 3:4

Nanhte hta na langai ngai, “Ngai gaw Pawlu a hpang hkan ai wa rai nngai,” nga nna tsun ai shaloi, nanhte gaw mungkan masha ni zawn galaw hkawm sa asak hkrung ai ni nan rai nga myit dai n rai ni?

2 KORINHTU 12:20

Nanhte hpang de ngai du yang, ngai ra ai, mu mayu ai hku nanhte n rai nga la na hpe mung, nanhte mung nanhte ra ai, mu mayu ai hku ngai hta n rai nga na hpe mung ngai tsang nga nngai. Bai ngai gaw nanhte hta ga li ga law ai lam, manawn masham ai lam, pawt sindawng ai lam, tinang akyu tam ai lam, shada da jahpoi asawng ai lam, kadum kahte ai ga, grang ai ga hte kabring kabrawng n ru n ra re ai lam ni sa mu na hpe tsang nngai.

GALATI 5:15

Rai ti mung zai ai dusat matse ni zawn nanhte shada da kawa sha hkat nga myit yang gaw, nanhte shada da shamyit kau hkat ai lam tai na re ai majaw, sadi nga mu.

TITU 3:3

Hpa majaw nga yang, shawng de gaw anhte nan mung myit ngawk ai, n madat n mara ai hte shut hpyit lam dam ai ni rai ga ai. Anhte gaw ngang kayut ai hte pyaw daw kadaw ai lam amyu myu hkan galaw yu ai, de a mayam ni mung rai nga ga ai. Anhte hta galoi mung n ju n dawng ai hte manawn masham ai myit rawng nga mali ai hte, masha kaga ni anhte hpe n ju n dawng ma ai hte maren, anhte mung masha ni hpe n ju n dawng ga ai.

YAKU 3:16

Manawn masham ai myit, tinang a akyu tam ai myit nga ai shara kaw kashuk kashak n ru n ra re ai lam hte n hkru n kaja ai lam amyu myu hpe mung byin pru shangun nga ai.

1 PETRU 4:2

Dai re ai majaw ya kaw nna ndai mungkan hta nanhte asak hkrung na matu naw ngam nga ai asak aprat laman shinggyim hkum shan a ra marit ai myit n hkan ai sha, Karai Kasang a myit ra ai lam a hkang ai hku nanhte asak hkrung sa wa lu na rai myit dai.