1 KORINHTU 3:23 - Jinghpaw Common Language Bible 2009

²³ Nanhte hpe Hkristu madu nga nna, Hkristu hpe chyawm gaw Karai Kasang madu nga ai.

Jinghpaw Hanson Version Bible

²³ nanhte mahtang Hkristu a rai nga ai ni, rai nga myit dai; Hkristu chyawm gaw Karai Kasang a re ai wa rai nga ai.

1 KORINHTU 3:23 ပူးပေါင်းရင်းမြစ်များ

MAHTE 17:5

Petru ga naw shaga nga yang, htoi tu ai sumwi gaw shanhte a ntsa e ka-up mu ai hte dai sumwi hta na nsen ngoi pru nna, “Ndai wa gaw ngai sharawng awng ai, ngai tsaw ra ai ngai sha rai nga ai; shi a ga madat mara mu,” nga ai.

YAWHAN 17:18

Nang ngai hpe mungkan ga de shangun dat ndai zawn, ngai mung shanhte hpe mungkan ga de shangun dat mawe ai.

YAWHAN 17:21

Shanhte nlang hte gaw langai sha tai nga mu ga, ngu nna ngai hpyi nngai. Wa e! Nang gaw ngai hta nga nga nna ngai mung nang hta nga nga nngai zawn, dai ni mung an hta nga nga mu ga, ngu nna ngai hpyi nga nngai. Ngai hpe nang shangun dat ndai gaw, mungkan ga na ni kam sham lu mu ga, shanhte hpe langai sha byin tai shangun u law.

ROMA 14:8

Anhte hkrung nga yang mung dai Madu a hpung shingkang dan hkung na matu hkrung nga ga ai; anhte si wa yang mung dai Madu a hpung shingkang dan hkung na matu si wa ga ai re ai. Dai majaw anhte hkrung timung, si timung dai Madu hte anhte seng nga ga ai.

1 KORINHTU 11:3

Rai ti mung, lasha nlang hte a baw gaw, Hkristu rai nga ai, numsha a baw chyawm gaw lasha rai nga ai, Hkristu a baw chyawm gaw Karai Kasang rai nga ai lam ngai nanhte hpe chye na shangun mayu made ai.

1 KORINHTU 15:23

Rai ti mung, langai hte langai tinang ang ai hku hkrung rawt wa na mara ai; Hkristu gaw yawng a shawng e hkrung rawt wa ai, dai hpang Hkristu bai du sa ai shaloi e, shi hte seng ai ni hkrung rawt wa na mara ai.

1 KORINHTU 15:28

Rai ti mung, yawng mayawng hte hpe Hkristu a up hkang ai npu e tawn da ngut ai shaloi, dai Kasha wa shi hkum nan arai yawng mayawng hpe Kawa Karai Kasang a npu e tawn da na ra ai rai nna, Karai Kasang gaw nga manga hte a ntsa e awm dawm up madu na ra ai.

1 KORINHTU 7:22

Hpa majaw nga yang, mayam rai nga yang dai Madu e shaga la hkrum ai wa gaw, Madu a shanglawt masha rai nga ai; dai hte maren, shanglawt masha langai mi rai nna Madu e shaga lata la hkrum ai wa gaw, Hkristu a mayam rai nga ai.

1 KORINHTU 8:6

Rai ti mung, anhte a matu gaw Kawa ngu ai Karai Kasang langai sha rai nga ai rai nna, shi gaw yawng mayawng hte hpe hpan da ai wa hte, shi a matu anhte asak hkrung nga ga ai. Yesu Hkristu ngu ai Madu mung langai sha rai nna, shi a marang e yawng mayawng tai wa ai hte shi a majaw anhte asak hkrung nga ga ai.

2 KORINHTU 10:7

Nanhte gaw hpa lam hpe mung ntsa lam hku sha yu nga myit dai; “Ngai gaw Hkristu hte seng ai wa rai nngai,” nga nna tinang hkum hpe myit nawn ai wa langai ngai nga a ni? Lama nga ai rai yang, kalang mi bai shi hkum hpe shi sumru yu u ga. Hpa majaw nga yang, shi gaw Hkristu a maga na masha rai nga ai hte maren, anhte mung Hkristu a maga na masha ni rai nga ga ai.

GALATI 3:29

Ya nanhte gaw Hkristu hte seng ai ni rai nga myit yang gaw, nanhte Abraham a aru arat ni rai nga myit dai hte, dai ga ndat nga ai hte maren Karai Kasang kaw na sali wunli hkam la lu na ni rai myit dai.

GALATI 5:24

Hkristu Yesu hte seng ai ni chyawm gaw tinang a hkum shan myit hpe mung, myit kayut ai hte marin marit ai hte nawng wudang hta jen sat kau manu ai.

EHPESU 1:10

Aten ladaw gu jang Karai Kasang e jahkum shatsup na ra ai dai yaw lajang da ai lam gaw, sumsing lamu lahta tang hte ginding aga ntsa na hpan da ai arai yawng mayawng hte hpe Hkristu hpe baw shatai nna shabawn gumhpawn da na lam rai nga ai.