1 KORINHTU 3:19 - Jinghpaw Common Language Bible 2009

¹⁹ Hpa majaw nga yang, ndai mungkan ga na hpaji byeng-ya gaw, Karai Kasang a man e angawk angak rai nga ai. Dai Chyum Laika hta tsun ai hte maren, “Karai Kasang gaw hpaji byeng-ya rawng ai ni hpe, shanhte nan lang ai hpaji mahkam hta lu si mat shangun mu ai.”

Jinghpaw Hanson Version Bible

¹⁹ Kaning rai nme law, ndai mungkan ga na hpaji byeng-ya gaw, Karai Kasang a man e angawk angak rai nga ai. Dai rai nna, Hpaji rawng ai ni hpe shanhte a hpaji hte shi shakrip mu ai;

1 KORINHTU 3:19 ပူးပေါင်းရင်းမြစ်များ

2 SAMUELA 15:31

Ahihtohpela mahtang Absalom a gumlau hpung hte matut mat sai shiga Dawi na jang, shi gaw, “Madu e, chyeju hte Ahihtohpela a hpaji daw ya ai lam hpe angawk kau ya u!,” ngu nna hpyi wu ai.

2 SAMUELA 16:23

Dai prat e, Ahihtohpela jaw ai hpaji ga hpa mung Karai Kasang a ga san san rai nga ai ngu nna hkap la nga ma ai majaw, Dawi hte Absalom yan mung hkan nang nga ma ai.

2 SAMUELA 17:14

Absalom hte Israela masha ni yawng gaw, “Hushai a hpaji jaw ai ga mahtang Ahihtohpela jaw ai ga hta grau kaja nga ai,” ngu nna tsun ma ai. Dai gaw Ahihtohpela a kaja ai hpaji jaw ga hta n hkan mat wa lu hkra, Absalom a ntsa ru yak tsin-yam tsindam shapraw dat ai dai Madu a daw dan hpajang ai lam rai nga ai.

2 SAMUELA 17:23

Ahihtohpela chyawm gaw shi jaw ai hpaji hku n hkan ai hpe mu jang, shi a lawze byau la nna daidaw buga de nhtang mat wa wu ai. Shi a amu ni hpe hpajang da ngut jang shi hkum nan dau si mat wu ai. Shing rai shi a dinghku masha ni hpe makoi mayang ai lup hta shi hpe makoi mayang da nga ma ai.

ESHTA 7:10

Dai re ai majaw Mordehkai a matu Haman galaw da ai masha sat shara hta noi sat kau hkrum nga wu ai. Shaloi hkawhkam wa a masin kahtet ai gaw kawp mat wu ai.

SHAKAWN KUNGDAWN 141:10

Ngai mahtang asan apra sha lai mat wa nna, tara n lang ai ni chyawm gaw tinang a mahkam hta di hkrat mat mu ga.

PRU MAT 1:10

Majan byin wa ai rai yang, shanhte gaw anhte hpe gasat na matu anhte a gumlau hpyen ni hte matut wa nna ndai mungdan kaw nna mung hprawng lawt lu na mara ai. Shanhte grau n law jat wa lu mu ga, shanhte hpe hkum shingdang lu na hpaji zai ladat tam ga,” ngu nna tsun wu ai.

PRU MAT 18:11

Egutu masha ni Israela amyu ni hpe dai zawn n kaw n law di mu ai shaloi, shi gaw ndai amu ni hpe galaw nu ai majaw, dai Madu gaw karai ni yawng hta grau kaba nga ai hpe ya ngai chye ni ai,” ngu nna tsun wu ai.

GA SHAGAWP 14:8

Hpa majaw ram ai masha gaw hpaji rawng nga a ta? Shi chye nga ai majaw rai nga ai. Hpa majaw myit n kup ai masha wa gaw angawk nga a ta? Hpa majaw nga yang, shi grai chye dum nga ai majaw rai nga ai.

GA SHAGAWP 21:30

Dai Madu gaw nang hpe ninghkap ai rai yang, shinggyim masha a hpaji byeng-ya myit let nyan sam ai hte kraw dung nyan gade sung ti mung; dai gaw hpa mung akyu n rawng nga ai.

ESAIA 44:25

Ngai gaw gumhpan hpan ai wa a angawk ai lam ni hpe shadan dan nna, shata shagan shaba wawt ai ni a tau tsun ga ni hpe shamak ya nngai. Hpaji chye ai wa a ga ni hpe ngai jashuk ai hte shanhte a hpaji byeng-ya gaw angawk angak lam rai nga ai hpe madun dan nngai.

1 KORINHTU 2:6

Rai ti mung ngai gaw, Wenyi makam masham lam hta myit su kunghpan sai ni hpe hpaji byeng-ya hte kapyawn nna tsun dan nngai. Rai ti mung dai gaw ndai mungkan ga hte seng ai hpaji byeng-ya n rai; mungkan ga na du ni a hpaji byeng-ya atsam mung n rai; mungkan du ni a n-gun atsam gaw sum mat wa magang nga ai.

1 KORINHTU 4:6

Hpu nau ni e, nanhte a matu mai kaja ai lam hpe myit tau yu let, ndai lam hta ngai hte Apolo a lam hpe ga shadawn kasi shatai nna tsun dan made ai. Dai hku tsun dan ai lam gaw, “Hkan sa tara madung hpe lai nna hkum galaw mu,” nga ai ga malai a sung ai lachyum hpe nanhte chye na lu na matu rai nga ai. Nanhte gaw langai wa hta myit kaba gumrawng nna kaga wa hpe n gawn n sawn hkum rai myit.

EHPESU 4:14

Dai shaloi anhte gaw masha hpe lam dam hkra masu hkalem chye ai masha ni hpaji daw sharin shaga ai nbung leng kata hta nbung lam galai mat shagu kadau kadap nhting nhtang rai poi lawm mat wa ai ma kaji ni zawn rai sana n rai.

YAKU 3:15

Shing re ai hpaji byeng-ya chyawm gaw sumsing lamu de nna yu wa ai hpaji byeng-ya n rai; dai gaw dinghta mungkan hte wenyi lam n re ai asai ashan hte nat matse hte sha seng nga ai.