1 KORINHTU 3:17 - Jinghpaw Common Language Bible 2009

¹⁷ Marai langai ngai Karai Kasang a nawku htingnu hpe sharun shabya nga a yang gaw, Karai Kasang dai wa hpe sharun shabya kau na ru ai. Hpa majaw nga yang, Karai Kasang a nawku htingnu gaw chyoi pra nga ai rai nna, nanhte mung dai zawn rai nga myit dai.

Jinghpaw Hanson Version Bible

¹⁷ Marai langai ngai Karai Kasang a nawku htingnu hpe sharun shabya nga yang gaw, Karai Kasang dai wa hpe sharun shabya kau na ru ai; kaning rai nme law, Karai Kasang a nawku htingnu gaw chyoi pra nga ai; nanhte mung dai zawn rai nga myit dai.

1 KORINHTU 3:17 ပူးပေါင်းရင်းမြစ်များ

NINGPAWT NINGHPANG 28:17

Shi gaw hkrit ai hte, “Shara ndai gaw hkrit mai ai shara rai nga a hka! Dai shara gaw Karai Kasang a nta hte sumsing lamu a chyinghka lam rai nga a hka!,” ngu nna tsun wu ai.

1 HKAWHKAM LABAU 29:3

Karai Kasang a Nawku Htingnu hpe tsaw ra ai majaw ngai jaw ya sai ndai ni yawng hta jan nna, nye a sut gan hta na ja, gumhpraw ni hpe mung ngai ap ya se ai.

SHAKAWN KUNGDAWN 74:3

Anhte a gumlau hpyen ni atsai awai hpya jahten kau sai Nawku Htingnu kata na arung arai ni mahkra hpe sa du gawan yu u.

SHAKAWN KUNGDAWN 79:1

O Karai Kasang e, maigan amyu ni na a lamu ga hpe shang gasat ma ai; na a chyoi pra ai Nawku Htingnu hpe shanhte awu asin di kau nga manu ai; Yerusalem mare hpe mung jahten sharun kau da manu ai.

SHAKAWN KUNGDAWN 93:5

Madu e, na a hkang da ai tara ni gaw htani htana agrin nga ai, na a Nawku Htingnu mung teng teng chyoi pra nga nna, htani htana agrin nga ai.

SHAKAWN KUNGDAWN 99:9

Dai Madu anhte a Karai Kasang hpe shakawn kungdawn mu; shi a chyoi pra ai bum hta nawku daw jau nga mu! Dai Madu anhte a Karai Kasang gaw chyoi pra nga ai.

PRU MAT 3:5

Karai Kasang gaw, “Nang de kachyi mi mung hkum sit shanang sa nga et. Nang gaw chyoi pra ai ga ntsa e tsap nga ndai majaw na a kyepdin raw kau u.

ESAIA 64:11

chyoi pra ai hte tsawm htap nna anhte a kaji kawa ni nang hpe shakawn kungdawn ai anhte a Nawku Htingnu mung wan a majaw hten mat sai. Anhte tsaw ra manoi ai shara ni yawng hten run mat sai.

EZEKELA 43:12

Ndai gaw Nawku Htingnu a tara rai nga ai: Bum pungding hte de a grup yin shara ni yawng chyoi pra san seng ai shara rai nga ai,” ngu nna tsun ai.

EZEKELA 5:11

“Dai re ai majaw, Ngai gaw ahkrung nga ai Karai Kasang rai nga nngai, dai re ai majaw, ndai gaw Tsaw Htum ai dai Madu a mungga rai nga ai. Nang gaw nye a Nawku Htingnu hpe nang galaw ai n hkru ai amu yawng, matsat shabat re ai amu ni hte awu asin di kau nit dai majaw ngai gaw matsan dum ai myit n rawng ai sha nang hpe kran kadang kau na nngai.

EZEKELA 7:22

Sut gan arung arai hte hpring ai nye a Nawku Htingnu gaw awu asin hkrum nna; damya ni mung dai hpe shang jahten ai hte awu asin di kau ai shaloi, ngai dingbai dingna jaw na nngai n rai.

JAW JAU 15:31

Dai Madu gaw Israela amyu masha ni a n san n seng ai lam hte seng nna shanhte hpe shadum jahprang na matu Mawshe hpe tsun wu ai; shing rai dap ka-ang e nga ai dai hpung shingkang hte hpring ai Sum hpe shanhte awu asin di lu na ma ai n rai. Shanhte galaw kau hkrup ai rai yang, sat kau ai hkrum na ma ai.

JAW JAU 20:3

Tinang a kashu kasha ni hpe dai Molek hpara hpe nawng ya nhtawm nye a chyoi pra ai Sum hpe matsat shabat di let, nye a chyoi pra ai mying ningsang hpe jahpoi asawng ai wa kadai hpe mung ngai hpyen tai nna, dai wa hpe nye a amyu masha ni hta na sumri dan kau na we ai.

ZEHPANI 3:4

Myihtoi ni gaw lit n la ai hte ga kaman sha tsun nhtawm gumle gumlau rai nga ma ai; hkinjawng ni mung, chyoi pra ai shara hpe awu asin di nna shanhte a akyu a matu Karai Kasang a hkang da ai tara hpe manai makai di ma ai.

BU HKAWM 19:20

N san n seng ai wa kadai mung jasan jaseng na matu hka n shin wu ai majaw shi hkum hpe n jasan ai hte n san n seng naw rai nga ai. Shi gaw Madu a Sum hpe awu asin di ai majaw Karai Kasang a amyu masha hta na sumri dan kau ai hkrum na rai wu ai.

1 KORINHTU 3:16

Nanhte gaw Karai Kasang a nawku htingnu rai nga nna, Karai Kasang a Wenyi gaw nanhte hta e rawng nga ai hpe nanhte kaja wa chye nga myit dai!

1 KORINHTU 3:18

Kadai rai ti mung tinang hkum hpe hkum hkalem nga myit ga. Nanhte hta na marai langai ngai ndai mungkan a madang hku nna tinang hkum hpe hpaji byeng-ya rawng nga nngai nga nna grang a yang gaw, hpaji byeng-ya rawng ai wa majing tai na matu angawk angak re ai masha tai wa u ga.