1 KORINHTU 3:10 - Jinghpaw Common Language Bible 2009

¹⁰ Karai Kasang ngai hpe jaw ai chyeju kumhpa hpe lang let, hpaji rawng ai nta shachyaw ai wa zawn, ngai npawt nhpang gaw jahkrat da se ai; kaga masha langai mi gaw dai hta e gaw kahtap nga ai. Rai ti mung gaw kahtap ai ni langai hte langai gaw, tinang gara hku gaw kahtap ai hpe sadi sahka hte yu yu nga u ga.

Jinghpaw Hanson Version Bible

¹⁰ Karai Kasang ngai hpe jaw da ai chyeju hte maren, hpaji rawng ai nta shachyaw ai wa zawn, ngai npawt nhpang gaw da se ai; kaga hte gaw dai hta e gaw kahtap mu ai. Kaning rai gaw kahtap na hpe langai hte langai yu yu nga mu ga.

1 KORINHTU 3:10 ပူးပေါင်းရင်းမြစ်များ

2 HKAWHKAM LABAU 2:12

Sumsing lamu hte ginding aga hpe hpan tawn da ai dai Madu Israela a Karai Kasang hpe shakawn kungdawn mu. Shi gaw dai Madu a matu Nawku Htingnu hte shi a matu hkawhkam htingnu ni hpe ya gap na nga, chye na hkawn hkrang ai nyan hte kung kyang nna hpaji byeng-ya rawng ai kasha Hkawhkam Dawi hpe jaw nu ai.

PRU MAT 36:4

Dai hpang amu galaw nga ai dai kung kyang ai masha ni gaw Mawshe kaw sa nhtawm,

GA SHAGAWP 12:8

Nang zai byeng-ya hpaji hpe chye nga ai wa rai yang, shakawn shagrau ai nang hkrum na ndai; nang angawk ai wa rai yang chyawm gaw masha ni na a ntsa e yu kaji kau na mara ai.

GA SHAGAWP 9:1

Hpaji byeng-ya gaw shi a nta hpe shadaw kaba sanit bang nna, jung da nu ai.

HPAJI NINGLI 12:9

Rai ti mung, Sumru Ninghkrin wa hpaji rawng nga ai majaw shi chye ai lam, mung masha ni hpe sharin achyin ya nga ai. Shi gaw ga shagawp ga ni hpe sawk yu nna teng man ai lam hpe ding man ai hku sawk manaw hpajang da nu ai.

Daniela 12:3

dai hpaji rawng ai ningbaw ni gaw lamu na htoi tu ai arai ni zawn mung, amyu masha law law hpe jaw ai hku amu galaw na lam sharin ya ai ni gaw shagan ni zawn htani htana htoi tu nga na mara ai.

ZEHKARIA 4:9

Shi gaw, “Zerubabela gaw Nawku Htingnu a npawt nhpang jahkrat da nu ai; dai Htingnu hpe shi shangut na ra ai. Ndai lam byin wa ai shaloi, shanhte hpang de ngai nang hpe shangun dat ai hpe nye a amyu masha ni chye lu na mara ai.

MAHTE 24:45

“Dai rai yang, sadi dung nna hpaji rawng ai mayam gaw kadai wa rai nga a ta? Dai wa gaw kaga mayam ni hpe up hkang na hte aten du jang lusha garan jaw na matu shi a madu e san da hkrum ai wa rai nga ai.

MAHTE 7:24

“Ndai nye a ga na nna hkan galaw ai wa kadai mung, tinang a nta hpe lunghkrung ntsa e gap da ai hpaji rawng ai wa hte bung nga ai.

LUKA 11:35

Dai re ai majaw, nanhte hta rawng ai nhtoi gaw nsin n tai mat u ga, sadi nga mu.

LUKA 21:8

Yesu gaw, “Nanhte hkalem masu kau ai n hkrum myit ga, sadi nga mu, hpa majaw nga yang, masha law law wa nye a mying hte paw pru nna, ‘Ngai gaw shi rai nngai; Jahtum nhtoi du ra ai; nga nna tsun na mara ai. Shanhte a hpang hkum hkan nang myit.

KASA 18:27

Bai shi gaw Ahkaia mung de rap sa wa na myit daw dan ai rai nna, Ehpesu mare na kam sham ai ni gaw shi a matu Ahkaia mung na kam sham ni hpang de, Apolo hpe hkap hkalum la na matu shachyen ya ai hte lajin ai laika jaw dat ya mu ai. Ya shi Ahkaia mung de du ai shaloi Karai Kasang a chyeju hte shi gaw kam sham ai ni hpe grai wa shadaw shangang karum mu ai.

ROMA 1:5

Masha amyu baw shagu gaw Yesu Hkristu hpe kam sham nna madat mara mu ga she Karai Kasang gaw shi a mying nsang a marang e Hkristu a matu mara Kasa langai mi tai na ahkang chyeju ngai hpe jaw ni ai.

ROMA 12:3

Dai rai nna, kadai mung tinang hkum hpe mai myit ai hta jan nna nau wa n rai dum na matu Karai Kasang ngai hpe jaw ai Wenyi chyeju kumhpa a marang e nanhte langai hte langai hpe ngai htet shana dat nngai. Shing rai na malai nanhte langai hte langai hpe makam masham ren di nna garan jaw da sai hte maren tinang a hkum hpe sari rawng ai hku myit yu nna daw dan la u ga

ROMA 15:15

Rai ti mung, ndai laika hta ginlam nkau mi hte seng nna nanhte hpe sadi jaw ai hta ngai gaw Karai Kasang jaw ai chyalai ahkaw ahkang a majaw nden ja ai hte ka dat nngai.

ROMA 15:20

Rai ti mung masha wa langai ngai e gaw da ai npawt ntsa hta n kahtap u ga, Hkristu a mying n na yu ai shara hkan e dai Kabu Gara Shiga hkaw dan na ngai galoi mung myit sharawng makun nga nngai.

1 KORINHTU 3:11

Hpa majaw nga yang, Karai Kasang kalang mi gaw jahkrat da sai Yesu Hkristu ngu ai npawt nhpang langai mi hta kaga npawt nhpang shaje gaw da lu ai n rai.

1 KORINHTU 9:2

Kaga masha ni ngai hpe kasa langai mi hku nna n hkap la hkra rai tim, nanhte hkap la myit dai n rai ni? Hpa majaw nga yang, Hkristu hte langai sha tai nna asak hkrung nga ai nanhte nan ngai kasa langai mi teng nga ai lam a sakse masat dazik rai nga myit dai.

2 KORINHTU 10:15

Dai re ai majaw anhte gaw Karai Kasang e anhte a matu masat da ya ai amu hta lai nna masha kaga ni galaw ai magam amu hte seng nna anhte grang ai ga tsun ga ai n rai. Shing rai na malai, galoi mung Karai Kasang masat da ya ai shingwang kata e anhte a makam masham kunghpan wa na hte nanhte a lapran e grau kaba ai bungli galaw maden jat lu na hpe anhte myit mada nga ga ai.

EHPESU 2:20

Nanhte gaw kasa ni hte myihtoi ni gaw da ai npawt nhpang hta de kahtap myit dai; Hkristu chyawm gaw shi nan njut jahtum na nlung rai nga ai.

KOLOSE 1:29

Shing rai dai lam byin lu hkra, ngai gaw Hkristu jaw ya ai mauhpa n-gun atsam hte jam jau hkam nna galaw shakut nngai. Dai n-gun atsam ngai hta amu galaw nga ai gaw, ngai galaw ai bungli hta dan dawng nga ai.

KOLOSE 4:17

Dai Madu a amu hta gun hpai na matu ap da hkrum ai hpe ngut hkra gun hpai na matu Arhkipo hpe tsun shana mu.

1 HTESALONI 3:2

Hkristu a Kabu Gara Shiga hkaw tsun ai hta anhte rau magam bungli galaw nga ai anhte a hpu nau wa Timohti hpe shangun dat ga ai.

1 TIMOHTI 4:16

Na a hkum hpe mung na a sharin shaga ai lam hpe mung sadi let sin yu nga u. Nang gaw ndai lam ni hpe agalaw nga u; hpa majaw nga yang, shing rai galaw n yang gaw, na hkum hpe mung, hkaw tsun ai ga na la ai ni hpe mung hkye hkrang la lu na ra ai.

2 TIMOHTI 2:15

Nang chyawm gaw shi a amu hta kaya shara hpa n rawng ai magam gun hpai wa zawn mung, Karai Kasang a teng man ai mungga hpe jaw ang ai hku hkaw tsun sharin achyin ya ai wa hku nna mung, Karai Kasang a man e myi man pa lu hkra na a atsam htum hkra shakut shaja nga u.

YAKU 3:1

Nye a hpu nau ni e, anhte sara ni gaw kaga masha ni hta grau nna ja ai tara hte daw dan ai hkrum na raga ai hpe dum let, nanhte marai law law wa sara hkum tai mayu nga mu.

1 PETRU 4:11

Marai langai ngai hkaw tsun a yang gaw, Karai Kasang a mungga hpe hkaw tsun u ga, marai langai ngai daw jau a yang gaw Karai Kasang jaw da ai n-gun lagaw hte maren galaw daw nga u ga; shing rai yang she galaw ai amu yawng mayawng a majaw Madu Yesu a marang e Karai Kasang a hpung shingkang hpe shakawn kungdawn ai lam tai na rai nga ai. Yesu Hkristu hta hpung shingkang hte daru magam n-gun atsam gaw htani htana prat dingsa e anga nga ai law. Amen.

2 PETRU 3:15

Anhte tsaw ra ai hpu nau Pawlu mung, Karai Kasang jaw ai hpaji byeng-ya hte nanhte hpang de ka dat sai hte maren anhte a Karai Kasang hkam sharang let la ding da nga ai lam gaw nanhte Hkye Hkrang la hkrum na matu ahkaw ahkang jaw ai lam she rai nga ai hpe mu chye nga mu.

SHINGRAN 21:14

Dai mare a bunghku hpe npawt nhpang nlung shi lahkawng a ntsa e gaw da nna, dai ni a ntsa e Sagu Kasha a kasa ni shi lahkawng a mying shingteng ni hpe ka kap da nga ai.

SHINGRAN 21:19

Dai mare a bunghku npawt nhpang nlung ni hpe hpu ging ai lungseng amyu myu hte mawn da nga ai. Shawng na npawt nhpang nlung gaw nagahtoi lungseng, lahkawng ngu na gaw nila, masum ngu na gaw mahoya, mali ngu na gaw mya,