1 KORINHTU 3:1 - Jinghpaw Common Language Bible 2009

¹ Kaja wa tsun ga nga yang, hpu nau ni e, Wenyi myit rawng ai ni hpe zawn, nanhte hpe ngai tsun dan lu made ai n rai; shinggyim ta naw re ai ni hte Hkristu hta ma chyangai naw re ai ni hpe zawn, ngai nanhte hpe tsun shaga na nngai.

Jinghpaw Hanson Version Bible

¹ Ngai chyawm gaw, hpunau ni e, Wenyi myit rawng ai ni hpe zawn, nanhte hpe tsun dan lu made ai n rai; shinggyim ta naw re ai ni hte, Hkristu hta e ma chyangai hpe zawn, tsun dan yu masade ai.

1 KORINHTU 3:1 ပူးပေါင်းရင်းမြစ်များ

MAHTE 16:23

Yesu mahtang kayin nna Petru hpe, “Satan e, ngai kaw na sit mat wa u! Nang myit ai lam gaw, Karai Kasang kaw na n rai, masha kaw na sha nang myit nga ndai majaw, nye a matu myit kataw shara nang rai nga ndai,” ngu nna tsun wu ai.

ROMA 7:14

Dai hta kaga jep ai Tara gaw Wenyi lam hte seng nga ai hpe anhte chye ga ai; ngai mahtang si chye ai masha langai mi zawn rai nna yubak de dut kau hkrum ai mayam zawn rai nga nngai.

1 KORINHTU 14:20

Hpu nau ni e, myit mang ai lam hta ma kaji hkum tai myit: n hkru n kaja ai lam hta she ma kaji tai nga mu; myit mang ai lam hta chyawm gaw, asak kaba nna myit su ai ni zawn rai nga mu.

1 KORINHTU 14:37

Marai langai ngai tinang a hkum hpe Karai Kasang a kasa wa rai nngai, shing n rai, Wenyi atsam lu la ai wa rai nngai nga nna myit la ai wa gaw, Karai Kasang a hkang da ai hte ndai laika hpe ngai ka dat ai re ai lam hpe chye u ga.

1 KORINHTU 2:6

Rai ti mung ngai gaw, Wenyi makam masham lam hta myit su kunghpan sai ni hpe hpaji byeng-ya hte kapyawn nna tsun dan nngai. Rai ti mung dai gaw ndai mungkan ga hte seng ai hpaji byeng-ya n rai; mungkan ga na du ni a hpaji byeng-ya atsam mung n rai; mungkan du ni a n-gun atsam gaw sum mat wa magang nga ai.

GALATI 6:1

Hpu nau ni e, masha langai ngai n dum shami e yubak galaw hkrup a yang gaw Wenyi e lam madun ai hku asak hkrung nga ai ni nanhte gaw, shing re ai wa hpe sumnung shingdi ai myit hte shading sharai ya na rai myit dai. Nanhte nan mung agung alau n hkrum u ga, tinang dai sadi nga mu.

HEBRE 5:13

Chyu sha naw alu nga ai wa kadai mung, jaw ai hte shut ai lam hte seng nna ginhka chye ai mahkrum madup n nga ai ma chyangai sha naw arai nga ai.

1 YAWHAN 2:12

Nye a shu sha ni e, Hkristu a marang e nanhte a yubak mara ni hpe raw dat kau ya ai hkrum manit dai majaw, ngai nanhte hpe ka dat nngai.