1 KORINHTU 2:4 - Jinghpaw Common Language Bible 2009

⁴ nye a tsun sharin shaga ai lam hte hkaw tsun ai mungga ni hpe masha a hpaji byeng-ya ladat hte seng ai ga ni hpe n lang ai sha, Karai Kasang a Wenyi atsam lawm ai ga ni hpe sha lang nngai.

Jinghpaw Hanson Version Bible

⁴ nanhte a makam masham gaw, masha a hpaji byeng-ya hte n rai,

1 KORINHTU 2:4 ပူးပေါင်းရင်းမြစ်များ

GA SHAGAWP 20:19

Kadum kahte ga tsun ai gaw makoi magap ai amu bungli hpe galoi mung n ip da lu nga ai; ladu lai ga shaga ai ni hte hkum kanawn et.

GA SHAGAWP 7:21

Shing rai, si mani ai arawn alai hte shi hpe lau la nna, shalen shapyaw ai ga hta shi lup shang mat wa nu ai.

YEREMIA 20:10

Masha shagu gaw, “Hkrit hpa gaw shara shagu hkan nga nga ai! shing rai anhte shi hpe ahkaw ahkang lu ai ni hpang de tang madun ga!,” nga nna kadum kahte tsun ai ga hpe ngai na nngai. Nye a hku hkau ai jinghku ni pyi nye a hkrat sum na lam hpe la mada yu nga ma ai. Shanhte gaw, “Shi hpe mahkoi lau la lu nhten; shaloi anhte shi hpe lu rim ai hte matai dawp lu na ga ai,” nga nna tsun ai.

EZEKELA 13:6

Shanhte mu ai myit shingran ni gaw n teng n man nga ai; shanhte a myihtoi ga ni mung masu magaw ga ni sha rai nga ai. Shanhte gaw nye a myihtoi ga ni hpe tsun nga ga ai nga nna tsun nga ma ti mung, shanhte hpe ngai shangun ai n rai. Ti mung, shanhte gaw shanhte htoi ai ga teng teng dik wa na hpe myit mada nga ma ai.

KASA 20:27

Hpa majaw nga yang ngai gaw Karai Kasang a shatawng shada ai lam hpe ginhtim da ai lam n nga hkra nanhte hpe tsun shana dan ni ai majaw rai nga ai.

KASA 26:28

Hkawhkam Agripa gaw Pawlu hpe, “Ndai aten kadun mi laman hta sha ngai hpe Hkristan shatai la lu na zawn nawn da wu ni?,” ngu wu ai.

ROMA 15:13

Ya Chyoi Pra ai Wenyi a n-gun atsam hte nanhte a myit mada ai lam matut nna gumring gumrat galu kaba wa myit ga, myit mada ai lam a npawt rai nga ai Karai Kasang gaw, nanhte a kam sham ai lam hta e chyeju hte ngwi pyaw ai amyu myu nanhte hpe jahpring shatsup ya myit ga law.

ROMA 15:19

Dai re ai majaw ngai gaw Yerusalem mare kaw nna Iluri ginwang grup hkra Hkristu a Kabu Gara Shiga hkaw jahproi dan ni ai.

ROMA 16:18

Hpa majaw nga yang shing rai galaw ai ni gaw anhte a Madu Hkristu a amu hpe n gun n hpai ai ni, tinang a kan a matu shatsang ai ni rai ma ai. Shanhte gaw si si rai nga ai, hpa mara n kap ai masha ni a myit hpe shanhte a ga sau ga pyaw awlaw ai ga hte ahpyawp sha kau ma ai.

1 KORINHTU 1:17

Hpa majaw nga yang, Hkristu ngai hpe shangun dat ai gaw hka lup jaw na matu n rai. Dai Kabu Gara Shiga hkaw tsun dan na matu she, Hkristu gaw ngai hpe shangun dat ni ai: rai ti mung, Hkristu a wudang ntsa e si hkam ai lam a n-gun atsam gaw kaman lila n rai mat u ga, masha a n-gup hpaji atsam hpe n lang ai sha hkaw tsun dan nngai.

1 KORINHTU 2:1

Hpu nau ni e, Karai Kasang a makoi magap da ai teng man ai mungga hkaw tsun dan na matu ngai nanhte kaw sa du ai shaloi, reng ai ningtam ga kaba ni hte hpaji byeng-ya hte seng ai ga kaba ni hpe ngai n lang nngai.

1 KORINHTU 2:13

Dai re ai majaw, Wenyi hpe hkam la sai ni hpe Wenyi hte seng ai teng man ai lam ni hpe hkaw tsun htai dan ai shaloi, anhte gaw masha a hpaji ga ni hte n tsun shaga ai sha, Wenyi e sharin shaga ai ga ni hte she tsun shaga ga ai.

1 KORINHTU 4:20

Hpa majaw nga yang, Karai Kasang a mungdan gaw n-gup aga hta rawng nga ai n rai, n-gun atsam hta she rawng nga ai.

2 KORINHTU 6:6

Myit masin san seng ai lam, chye chyang ai lam, hkam sharang ai lam, matsan dum lama ai lam hku nna mung, chyoi pra ai wenyi a chyeju lam hte n sawt ai tsaw ra myit hku nna mung,

GALATI 1:10

Hpa majaw nga yang, ngai ning nga tsun ai gaw, masha a tau madi shadaw ai hpe lu la na matu shakut nga nngai kun? Dai hku n rai law! Ngai ra sharawng ai lam gaw Karai Kasang a myit hkrum ra sharawng ai lam sha rai nga ai. Ngai gaw masha a man e kajai gumhkawng hkra shakut nga a ni? ngai gaw masha a ra ai lam naw tam shakut nga a yang gaw, Hkristu a ali ama ngai rai na nngai n rai.

KOLOSE 2:4

Dai rai nna, kadai wa rai ti mung shut ai lam hpe grai jaw na zawn kaja na zawn nga hkra tsun dangrang ai lam ni hte nanhte hpe hkalem hkalau ai lam n byin u ga, ngai ning nga nna tsun shadum nga nngai.

1 HTESALONI 1:5

Hpa majaw nga yang, anhte gaw dai Kabu Gara Shiga hpe ga hte sha n rai, n-gun atsam hte mung, Chyoi Pra ai Wenyi hte mung, dai Kabu Gara Shiga a teng man ai hpe tsep kawp kam sham ai myit hte mung, nanhte hpang de la sa nna hkaw tsun ga ai. Anhte gaw nanhte hte rau nga nga ai ten hta, nanhte a mai kaja ai lam a matu mara anhte kaning rai asak hkrung hkawm sa saga ai lam, nanhte nan chye nga myit dai.

1 PETRU 1:12

Shanhte shachyen nga ai hkaw tsun ai amu gaw shanhte a akyu ara a matu n rai; nanhte a matu rai nga ai lam Karai Kasang gaw ndai myihtoi ni hpe shadan dan manu ai. Nanhte hpang de dai Kabu Gara Shiga la sa wa ai ni gaw dai myihtoi ni tau hkrau nna hkaw tsun ai ni hpe sumsing lamu kaw nna shangun dat ai Chyoi Pra ai Wenyi a n-gun atsam hte nanhte hpe tsun madun dan ai majaw nanhte na lu manit dai. Ndai lam hpe lamu kasa ni pyi chye na mayu ma ai.

2 PETRU 1:16

Anhte a Madu Yesu Hkristu a hpung shingkang atsam hte du sa ai lam nanhte hpe chye shangun na matu anhte gaw masha e gyin shalat la ai maumwi hta shamyet shanat ai lam n galaw saga ai. Anhte a myi hte nan shi a galu kaba hkik hkam ai lam hpe mu lu saga ai.

2 PETRU 2:18

Shanhte gaw shut hpyit lam dam mat ai masha hpawng kata na ningnan sha lawt pru magang wa ai ni hpe kaman lila grang ai ga tsun let hkum shan a myit kayut ai lam ni hte hkalum la nna lam woi shadam ma ai.

TARA AGYI 14:15

Ya mali ya nhtoi hta, shanhte gaw Samson a madu jan hpe, “Dai gumwai ga a lachyum hpa rai nga ai gaw anhte hpe tsun dan lu hkra, na a madu wa hpe hpaji daw yu u. Dai hku nang n galaw ai rai yang, nang hte hpawn na a nwa a nta hpe anhte nat kau ya na ga ai. Anhte hpe hpya kau lu myit ga nga, nan lahkawng anhte hpe saw shaga myit dai n rai ni?,” ngu nna tsun ma ai.

TARA AGYI 16:5

Hpilisti hkawhkam manga hte gaw dai num kaw sa nhtawm, “Hpa rai shi n-gun kaba rawng ai mung, anhte shi hpe kaning rai padang dip lu na mung, shi hpe gyit nna shi hpe hpa n di shangun lu hkra re ai lam nang hpe tsun dan lu hkra Samson hpe hpaji daw yu u. Anhte langai hte langai mung nang hpe gumhpraw hkying mi latsa tsa jaw na ga ai,” ngu nna tsun ma ai.