1 KORINHTU 2:15 - Jinghpaw Common Language Bible 2009

¹⁵ Wenyi rawng ai wa chyawm gaw arai yawng mayawng a manu rawng ai lam hpe daw dan lu nga ai; shi hpe mahtang gaw kadai e mung daw dan lu ai n rai.

Jinghpaw Hanson Version Bible

¹⁵ Wenyi rawng ai wa chyawm gaw yawng mayawng hte hpe jeyang lu nga ai; shi hpe mahtang gaw kadai rai timung jeyang ya lu ai n rai.

1 KORINHTU 2:15 ပူးပေါင်းရင်းမြစ်များ

2 SAMUELA 14:17

Madu e, hkawhkam wa gaw Karai Kasang a lamu kasa hte bung nna kaja ai hte n kaja ai hpe chye ginhka lu ai majaw na a ga sadi gaw ngai hpe myit lum shangun na rai nga ai hpe ngai myit dum lu nga nngai. Dai Madu na a Karai Kasang gaw nang hte rau anga nga u ga law!,” ngu nna tsun wu ai.

SHAKAWN KUNGDAWN 25:14

Dai Madu gaw shi a ga madat mara nga ai ni a jinghku rai nga nna shi a ga shaka shanhte hte shagrin da nga ai.

GA SHAGAWP 28:5

N hkru n shawp ai masha ni gaw teng man ai tara hpe n chye nga ma ti mung, Madu hpe nawku daw jau ai ni gaw dai hpe atsawm sha chye na nga ma ai.

HPAJI NINGLI 8:5

Shi a hkang da ai ga hpe nang madat nga dingsa, nang shim lum nga ndai; hpaji rawng ai wa chyawm gaw dai hpe gara hku galaw na hte galoi aten galaw na chye ginhka nga ai.

YAWHAN 7:17

Dai Madu a myit ra ai lam hkan galaw mayu ai wa kadai mung, ngai sharin shaga ai ga gaw Karai Kasang kaw na re ai, shing n rai nye a myit hte sha tsun ai rai kun?, chye ginhka lu na wu ai.

KASA 16:3

Pawlu gaw dai wa hpe shi hte rau hkan nang shangun mayu ai majaw shi hpe Yuda htung rai nga ai matu gadoi ai lam galaw ya wu ai. Shing rai galaw ai gaw, dai shara hkan nga nga ai Yuda masha ni yawng Timohti a kawa gaw Grik masha re ai lam chye ma ai majaw rai nga ai.

1 KORINHTU 14:37

Marai langai ngai tinang a hkum hpe Karai Kasang a kasa wa rai nngai, shing n rai, Wenyi atsam lu la ai wa rai nngai nga nna myit la ai wa gaw, Karai Kasang a hkang da ai hte ndai laika hpe ngai ka dat ai re ai lam hpe chye u ga.

1 KORINHTU 3:1

Kaja wa tsun ga nga yang, hpu nau ni e, Wenyi myit rawng ai ni hpe zawn, nanhte hpe ngai tsun dan lu made ai n rai; shinggyim ta naw re ai ni hte Hkristu hta ma chyangai naw re ai ni hpe zawn, ngai nanhte hpe tsun shaga na nngai.

1 KORINHTU 4:5

Dai re ai majaw, aten hkrak garai n du yang, kadai hpe mung hkum jeyang myit. Hpang jahtum na jeyang daw dan ai lam hpe, dai Madu bai du sa ai nhtoi shani du hkra la nga lu na rai nga ai; Shi gaw nsin hta makoi magap da ai nga manga hte hpe mung, masha a myit kraw lawang kata hta makoi magap da ai myit mang yaw shada ai lam ni hpe mung, shapraw shadan dan na ra ai. Dai shaloi e langai hte langai gaw tinang hte ging dan ai hte maren Karai Kasang kaw na shakawn shagrau ai hpe hkam la na ra ai.

GALATI 6:1

Hpu nau ni e, masha langai ngai n dum shami e yubak galaw hkrup a yang gaw Wenyi e lam madun ai hku asak hkrung nga ai ni nanhte gaw, shing re ai wa hpe sumnung shingdi ai myit hte shading sharai ya na rai myit dai. Nanhte nan mung agung alau n hkrum u ga, tinang dai sadi nga mu.

HPILIPI 1:10

Dai shaloi she nanhte gaw Hkristu bai du sa ai nhtoi hta n san n seng awu asin re ai lam shagu hta na lawt nna mara n rawng ai ni rai na myit dai.

KOLOSE 1:9

Dai re ai majaw, nanhte a lam na yu ai shani kaw nna, anhte gaw nanhte a matu mara n sim n sa akyu hpyi nga ga ai. Nanhte gaw Karai Kasang a myit ra ai lam hpe chye lu ai nyan hpaji, dai Wenyi e jaw ya ai hpaji byeng-ya yawng mayawng hte machye machyang ni, hte jahpring ya ai hkrum myit ga Karai Kasang kaw anhte akyu hpyi ya nga ga ai.

1 HTESALONI 5:21

yawng mayawng hpe jep dinglik yu nna mai kaja ai hpe hkap la shagrin da nna,

HEBRE 5:14

Ja ai shahpa chyawm gaw kaba sai ni a matu rai nna, shanhte gaw hkan sa galaw shaman ai hku nna kaja ai hte n kaja ai hpe ginhka maram chye ai ni rai ma ai.

1 YAWHAN 2:20

Rai ti mung Yesu Hkristu gaw nanhte a ntsa e dai Chyoi Pra ai Wenyi ru jaw bun ya ai hkrum manit dai rai nna, nanhte yawng mayawng gaw, dai tengman ai hpe chye lu myit dai.

1 YAWHAN 4:1

Tsaw ra ai ni e, Wenyi hkam la lu ga ai nga nna tsun ai ni yawng hpe hkum kam nga myit; shanhte hkam la ai ngu ai wenyi gaw Karai Kasang kaw na yu wa ai wenyi rai nga ai kun? jep yu mu; hpa majaw nga yang, masu ai myihtoi ni law law wa shara shagu hkan du taw nga masai.