1 KORINHTU 2:11 - Jinghpaw Common Language Bible 2009

¹¹ Masha langai mi a lam nga manga hpe dai wa a kata hta rawng ai shi nan a wenyi chyu sha chye lu nga ai, dai hte maren Karai Kasang a Wenyi chyu sha Karai Kasang a lam chye lu nga ai.

Jinghpaw Hanson Version Bible

¹¹ Masha hta rawng ai wenyi sha n rai yang gaw, masha hte seng ai hte hpe kadai wa chye lu a ta? Dai hte maren, Karai Kasang a Wenyi sha n rai yang gaw, Karai Kasang hte seng ai hte hpe gade ai mung n chye lu nga ai.

1 KORINHTU 2:11 ပူးပေါင်းရင်းမြစ်များ

YOBA 15:8

Karai Kasang lajang da sai yaw shada lam ni hpe nang na hkrup sani? Shinggyim masha a hpaji byeng-ya hpe nang chyu sha madu la lu n ni?

GA SHAGAWP 14:10

Na a kabu gara ai gaw na a matu rai nga ai, na a myit yawn hkyen ai mung na a matu rai nga lit dai; kadai mung dai hpe shang garan kau ya lu nga ai n rai.

GA SHAGAWP 20:27

Dai Madu gaw nanhte hpe machye machyang myit hte htauli htaula myit bang da ya sai; anhte gaw tinang nan kaw nna makoi magap lu nga ga ai n rai.

GA SHAGAWP 20:5

Masha a myit mang ai lam gaw sung ai hka htung kata na hka zawn rai nga nna; myit kraw hpaji rawng ai wa gaw dai hpe gang shapraw la lu nga ai.

YEREMIA 17:9

“Masha a myit masin hpe kadai chye lu nga a ni? Grai masu magaw ai hta jan nna hpa mung n nga nga ai; dai gaw shamai shatsai la na matu nau wa machyi sawng mat nga ai.

1 KORINHTU 12:8

Hpa majaw nga yang, langai ngai hpe dai Wenyi gaw hpaji hte hpring ai mungga jaw wu ai; kaga wa hpe dai Wenyi gaw machye machyang hte hpring ai mungga jaw wu ai.

1 KORINHTU 2:10

Karai Kasang chyawm gaw shi a Wenyi hku nna shi a makoi magap da ai lam anhte hpe shapraw shadan dan mi ai. Dai Wenyi gaw arai yawng mayawng hpe sha n rai, Karai Kasang a sung htum ai hte makoi magap da ai shatawng shada ai lam ni hpe pyi manaw sawk yu nga ai.