1 KORINHTU 2:10 - Jinghpaw Common Language Bible 200910 Karai Kasang chyawm gaw shi a Wenyi hku nna shi a makoi magap da ai lam anhte hpe shapraw shadan dan mi ai. Dai Wenyi gaw arai yawng mayawng hpe sha n rai, Karai Kasang a sung htum ai hte makoi magap da ai shatawng shada ai lam ni hpe pyi manaw sawk yu nga ai. အခန်းကိုကြည့်ပါ။Jinghpaw Hanson Version Bible10 Karai Kasang chyawm gaw, Wenyi a lata hte ndai lam hte hpe anhte kaw shapraw shadan dan mi ai: kaning rai nme law, dai Wenyi gaw Karai Kasang a sung htum ai kaw du hkra, yawng mayawng hte hpe manaw yu nga ai. အခန်းကိုကြည့်ပါ။ |
1 KORINHTU 2:10
27 ပူးပေါင်းရင်းမြစ်များ
“Ya chyawm gaw ngai hpang de sit sa wa mi, ngai tsun ai ga na la mu. Shawng npawt kaw nna ngai gaw dan dan leng leng tsun ni ai hte nye a ga tut nawng teng man nga li ai,” ngu nna tsun ai. (Ya chyawm gaw Tsaw Htum ai dai Madu gaw ngai hpe shi a daru magam n-gun jaw ya ai hte ngai hpe shangun dat ni ai.)
Ngai gaw nanhte hte ga shaka tawn da na nngai: dai gaw nanhte a matu htani htana rai nga na nye a daru magam n-gun hte nye a sharin achyin ai ga ni ngai nanhte hpe jaw ni ai, ya aten kaw nna, nanhte gaw nye a ga madat mara ra na rai myit dai, nanhte a kashu kasha ni hte nanhte a aru arat ni hpe prat mi hte prat mi nye a ga madat mara na matu sharin ya nga mu.”
Dai ahkying hta Yesu gaw Chyoi Pra ai Wenyi a majaw kabu ai myit hte hpring nna, “Sumsing lamu hte ginding aga a Madu, Wa e! Hpaji byeng-ya rawng ai ni hte myit kunghpan ai ni kaw na, nang makoi magap da ai dai teng man ai lam ni hpe hpaji kata ai ni e nang madun dan ndai majaw, ngai nang hpe shakawn kungdawn nngai. Rai sa, Wa e, dai gaw nang tsaw ra ai hku byin shangun mayu ai lam rai nga lit dai.
Rai ti mung Karai Kasang hte seng ai teng man ai lam hpe shadan dan ai Wenyi du sa jang, nanhte hpe dai teng man ai lam yawng mayawng hpe hpaw madun dan na ra ai. Dai Wenyi gaw shi a myit hte maren tsun na ra ai n rai, shi na la lu ai made tsun dan na ra ai; htawm hpang de byin na ra ai lam ni hpe mung, shi nanhte hpe tsun dan na ra ai.
Shanhte shachyen nga ai hkaw tsun ai amu gaw shanhte a akyu ara a matu n rai; nanhte a matu rai nga ai lam Karai Kasang gaw ndai myihtoi ni hpe shadan dan manu ai. Nanhte hpang de dai Kabu Gara Shiga la sa wa ai ni gaw dai myihtoi ni tau hkrau nna hkaw tsun ai ni hpe sumsing lamu kaw nna shangun dat ai Chyoi Pra ai Wenyi a n-gun atsam hte nanhte hpe tsun madun dan ai majaw nanhte na lu manit dai. Ndai lam hpe lamu kasa ni pyi chye na mayu ma ai.
Rai ti mung nanhte chyawm gaw, Hkristu shi a wenyi hpe nanhte a ntsa e ru jaw bang ya ai hkrum manit dai rai nna, nanhte hta dai wenyi a shanu nga dingsa kadai mung nanhte hpe sharin shaga na n ra sai. Hpa majaw nga yang, shi a Wenyi gaw nanhte hpe lam shagu hta e sharin shaga nga ai rai nna, shi sharin shaga ai lam gaw teng man nga ai, masu ai lam hpa mung n lawm ai. Dai majaw nanhte gaw dai Wenyi e sharin ai hte maren madat mara hkan sa nna Hkristu hte langai sha rai nga mu.
Ndai laika gaw Yesu Hkristu hpe Karai Kasang jaw ai shingran a lam ka matsing tawn ai laika re. Yesu hpe ndai shingran jaw ai lam gaw, gade n na yang byin wa na ra ai lam ni hpe Karai Kasang a shangun ma ni chye lu hkra madun dan na matu rai nga ai. Hkristu gaw shi a shangun ma Yawhan hpang de lamu kasa hpe shangun dat nna, ndai shingran ga shana dan wu ai.
“Rai ti mung, Htuatira mare hta naw ngam nga ai hpung masha nkau mi gaw, dai n hkru n shawp ai sharin shaga ai lam hta n hkan nang ai hta n ga, masha ni tsun dam ai, ‘Satan a sung htum ai makoi magap da ai lam ni,’ ngu ai hpe mung n sharin hkam la ma ai rai nna, ngai nanhte hpe tsun made ai gaw, nanhte hta lit kaga ngai n shajat na ni ai.
ကြော်ငြာတွေ