1 KORINHTU 16:6 - Jinghpaw Common Language Bible 2009

⁶ Nanhte hte rau tawng marang mi-kashung ta htum hkra pyi rai rai nga lu na nhten ngu sawn nngai. Dai hpang gara de rai tim, ngai hkrun lam bai matut hkawm sa wa na matu nanhte ngai hpe karum dat lu na myit dai ngu nna myit mada nngai.

Jinghpaw Hanson Version Bible

⁶ ngai gade pru hkawm rai timung, nanhte ngai hpe hkan sa dat lu myit ga, ngai nanhte hte rau hkring nga lu nna, kashung ta pyi naw lai lu nhten.

1 KORINHTU 16:6 ပူးပေါင်းရင်းမြစ်များ

KASA 15:3

Shing rai hpung masha ni gaw, shanhte hpe mare shinggan de du hkra sa sa dat ma ai. Dai shangun dat hkrum ai kasa ni gaw Hponisha mung hte Samari mung hku ga lai sa wa let, maigan masha ni gara hku myit malai lu nna Karai Kasang hpang de kayin wa ma ai lam hkai dan ma ai. Dai shiga hpe na ai shaloi kam sham ai ni yawng hpe grai kabu shangun mu ai.

KASA 17:15

Kasa Pawlu hpe hkan sa ai masha ni gaw Ahten mare du hkra hkan sa kau da nna Sila yan Timohti hpe alawan hkan nang na lam htet dat ai ga gun let, Beria mare de bai wa ma ai.

KASA 20:38

Hpang de shi a myi man bai n mu lu na sai ngu ai ga majaw shanhte grau yawn ma ai shing rai li du hkra shi hpe hkan sa dat ma ai.

KASA 21:5

Nhtoi sanit ya lai jang, anhte bai pru wa ga ai. Shanhte mung madu jan kasha ni hte rau mare shinggan du hkra hkan sa dat ma ai rai nna, hka kau e hput di let, akyu hpyi ga ai.

KASA 27:12

Dai daru hta nshung ta lai hkra hkring nga na n hkrak ai shara langai mi rai nga ai majaw dai kaw na pru nhtawm Hponik daru du lu yang du hkra sa nna, dai yang e nshung ta tawt hkra hkring nga na masha law malawng myit hkrum ma ai. Dai Hponik daru gaw Kreti zunlawng kaw na rai nna sinna dingda hte sinna dingdung de man yawng ai daru rai nga ai.

KASA 28:11

Shata masum lai jang dai zunlawng e n shung ta shalai nna nga nga ai, Alexandru mare na (Hpara marun yan nau) ngu nna shamying ai sanghpaw li hta anhte shang nna jawn pru mat wa ga ai.

ROMA 15:24

ya nanhte kaw sa du lu na re ngu nna myit mada nga nngai. Ngai Spain mung de sa wa ai let e, nanhte kaw shang du chyai nna mu hkrum kau da mayu nngai. Nanhte kaw jahkring mi nanhte hte kabu gara hkrum chyai kau da nhtawm, dai mung de nanhte a karum madi shadaw ai hte bai matut sa wa lu na ngai myit mada nga nngai.

1 KORINHTU 16:11

Kadai mung shi hpe n gawn n sawn n di u ga, shi a hkrun lam hpe angwi apyaw sha matut hkawm sa wa lu u ga, nanhte shi hpe karum madi shadaw dat lu na rai myit dai; shing rai Hkristan hpu nau ni hte rau, ngai hpang de bai du sa wa na ra ai, ngu nna ngai myit mada ala nga nngai.

2 KORINHTU 1:16

Hpa majaw nga yang, Makedoni mung de sa wa let mung, dai kaw nna bai wa ai shaloi mung, nanhte kaw shang nhtawm Yuda mung de sa wa na hkrun lam a matu nanhte kaw na karum ai lam lu la n ga ngu nna ngai myit da se ai.

TITU 3:12

Artima hpe, shing n rai Tuhkiku hpe, nang kaw ngai shangun dat yang, Nikapoli mare de ngai hpe sa tau na atsam htum hkra shakut nna sa wa rit; hpa majaw nga yang, dai mare e nshung ta shalai na ngu nna ngai myit daw dan da se ai.