1 KORINHTU 16:4 - Jinghpaw Common Language Bible 2009

⁴ Lama wa nye a matu akyu rawng na zawn rai nna ngai sa ra ang wa ai rai yang gaw, shanhte ngai hte rau hkan nang sa lu ai.

Jinghpaw Hanson Version Bible

⁴ Ngai mung sa ang yang gaw, shanhte ngai hte rau sa na ga ai.

1 KORINHTU 16:4 ပူးပေါင်းရင်းမြစ်များ

ROMA 15:25

Ya hkyak hkyak e chyawm gaw, Karai Kasang a amyu masha ni hpe karum madi shadaw ai amu gun hpai na matu Yerusalem mare de sa wa nga nngai.

1 KORINHTU 16:3

Ngai sa du ai shaloi, htet shana shachyen dat ya ai laika ka nna, nanhte lata san da ai ni hpe dai alu gumhpraw Yerusalem de sa sa na, ngai shagun dat na mawe ai.

1 KORINHTU 16:5

Makedoni mung hku ga sa wa nhtawm, ngai nanhte kaw sa du na ring ngai; hpa majaw nga yang, ngai Makedoni mung hku ga shang sa wa ra nngai.

2 KORINHTU 8:19

Dai hta sha n ga, ndai tsaw ra myit hte daw jau ai alu gumhpraw lahkawn ai amu hta anhte hte rau hkawm sa na matu hpung ni e lata la nna san da hkrum ai wa mung shi rai nga ai. Dai lam gaw Madu a hpung shingkang shadan jahkung na hte anhte a karum mayu ai shawang myit hpe madun dan na matu rai nga ai.

2 KORINHTU 8:4

Shanhte gaw Yuda mung na Karai Kasang a masha ni hpe karum madi shadaw ai lam hta shang lawm mayu ma ai rai nna, shang lawm lu na ahkang jaw ya na matu shanhte a myit hku nna shanhte akroi anoi hpyi nem ma ai.