1 KORINHTU 16:22 - Jinghpaw Common Language Bible 2009

²² Marai langai ngai dai Madu hpe n tsaw n ra a yang gaw, shi hta dagam dala hkrum u ga! Maranahta-Dai Madu du ru ga!

Jinghpaw Hanson Version Bible

²² Marai langai ngai dai Madu hpe n tsaw n ra a yang gaw shi dagam dala hkrum u ga. Dai Madu du ru ga.

1 KORINHTU 16:22 ပူးပေါင်းရင်းမြစ်များ

Shawlumon A Mahkawn Ga 1:7

Nye a tsaw nja wa e, na a yam nga hpung ni hpe rem na matu gara shara de woi sa na mung, shani chyingtung kaw nna gara shara hta ban sa na mung, ngai hpe tsun e. Kaga sagu rem ai ni a sagu hpung ni a lapran hta hpa majaw ngai nang hpe hkan tam la ra nga a ni?

Shawlumon A Mahkawn Ga 5:16

Shi a n-gup gaw pup yang dwi nga ai, shi hte seng ai lam magup gaw ngai hpe shalen la nga ai. Yerusalem numsha ni e, dai lam ni gaw nye a tsaw ra hte bung nga ai.

ESAIA 5:1

Ndai mahkawn ga, na a matu ngai mahkawn nga yang madat la u. dai gaw nye manang a mahkawn hte shi a sabyi sun a lam rai nga ai: Nye a manang wa gaw namhpun grai kaja ai kawng langai a ntsa e sabyi sun langai lu ai.

MAHTE 10:37

Kadai mung ngai hpe tsaw ra ai hta, kanu kawa hpe grau tsaw ra ai wa gaw, nye a sape tai na matu n ging n dan nga ai; ngai hpe tsaw ra ai hta, shayi shadang sha hpe grau tsaw ra ai wa mung, nye a sape tai na n ging n dan nga ai.

YAWHAN 14:15

Nanhte ngai hpe tsaw ra myit dai rai yang gaw, nye a hkang da ai ga ni hpe madat mara hkan shatup na myit dai.

YAWHAN 14:21

“Nye a hkang da ai ga ni hpe hkap la nna madat mara hkan sa ai wa gaw ngai hpe tsaw ra ai wa rai nga ai. Ngai e tsaw ra ai wa hpe nye Wa mung tsaw ra na wu ai. Ngai mung dai wa hpe tsaw ra ai hte, ngai hkum nan dai wa hpe shadan dan na we ai,” ngu nna shi hpe tsun wu ai.

YAWHAN 14:23

Yesu gaw, “Ngai e tsaw ra ai wa rai yang gaw, nye a sharin shaga ai ga hpe madat mara hkan sa shatup na ra ai. Nye Wa mung dai wa hpe tsaw ra na wu ai rai nna an lahkawng gaw dai wa kaw sa nna, shi hte rau shanu nga na ga ai.

YAWHAN 15:24

Masha kadai n di lu ai amu ni hpe, ngai shanhte hta n galaw dan yu nngai rai taw gaw, shanhte mara lu na n rai ma ai; ya chyawm gaw, shanhte ngai galaw ai amu ni hpe mu lu masai rai nna, ngai hpe mung, nye Wa hpe mung n dawng n yawt rai masai.

YAWHAN 16:14

Dai wa gaw ngai tsun ai ga hpe la nna nanhte hpe bai htawn tsun dan na ra ai rai nna, nye a hpung shingkang shapraw ya na ra ai.

YAWHAN 8:42

Shaloi Yesu gaw, “Karai Kasang gaw nanhte a kawa re ai teng nga malit yang gaw ngai hpe tsaw ra na myit dai. Hpa majaw nga yang, ngai gaw Karai Kasang kaw na du sa nna, ya ndai shara e nga nga nngai. Ngai gaw nye a myit hte ngai du sa ai n rai, shi gaw ngai hpe shangun dat nngai.

KASA 23:14

Shanhte gaw, hkinjawng agyi ni hte salang ni hpang de sa nna, “Pawlu hpe garai n sat kau lu dingsa gaw, hpa mung n lu n sha na ngu nna, anhte grai ngu dagam shaka tawn saga ai.

ROMA 9:3

Hpa majaw nga yang nye a sai, nye a shan nan rai nga ai shanhte ni a matu mara Karai Kasang e dagam dala ai hkrum na hpe mung, Hkristu hte daw hka mat ai hkrum na hpe mung ngai hkam la mai yang hkam la mayu nga nngai.

1 KORINHTU 12:3

Kadai rai ti mung, Karai Kasang a Wenyi a lam woi awn ai hpe hkam la lu ai wa rai yang gaw, Madu Yesu hpe matsa mawa n nga lu ai. Chyoi pra ai Wenyi a lam madun woi awn ai hpe n hkam la lu ai rai yang, Madu Yesu gaw Madu rai nga ai nga nna kadai mung n yin la lu ai lam ngai nanhte hpe chye shangun mayu made ai.

GALATI 5:6

Kaning rai nme law, anhte gaw Hkristu Yesu hta e rai nga ga yang gaw, matu gadoi hkam ai n hkam ai ngu ai gaw hpa ahkyak n rai nga ai; ra ahkyak ai lam gaw tsaw ra myit dan dawng hkra amu galaw ai dai makam masham she rai nga ai.

EHPESU 6:24

Galoi mung n hpoi n hten mat lu ai tsaw ra myit hte anhte a Madu Yesu hpe tsaw ra nga ai ni nlang hte hta Karai Kasang a chyeju gaw anga nga u ga law.

HPILIPI 4:5

Nanhte a sumnung shingdi ai myit hpe masha yawng a man e madun dan mu. Dai Madu du sa na ten ni magang ra ai.

HEBRE 6:10

Hpa majaw nga yang, Karai Kasang gaw n tara ai wa n rai nga ai. Shi gaw nanhte galaw gun hpai lai wa sai magam bungli hpe mung, Madu hpe tsaw ra ai lam nanhte madun dan na matu lai wa sai ten kaw nna ya du hkra Hkristan masha shada da karum la hkat ai hpe mung, Karai Kasang malap kau wu ai n rai.

1 PETRU 1:8

Nanhte gaw Yesu hpe n mu yu myit ti mung, shi hpe tsaw ra nga manit dai; shi hpe n mu yu myit ti mung, shi hpe kam sham nga manit dai. Dai rai nna nanhte gaw n-gup aga hte tsun n dang lu hkra re ai kabu gara ai lam kaba hte kabu gara nga lu manit dai.

1 PETRU 2:7

Kam sham ai nanhte a matu mara ndai nlung gaw grai hpu ging nga ai; rai ti mung n kam n sham ai ni a matu mara chyawm gaw, “Wahpang gaw ai ni akyu n rawng ai ngu nna sai kau ai nlung gaw, njut jahtum na ahkyak dik ai nlung tai wa sai,” nga ai.

1 YAWHAN 4:19

Karai Kasang gaw shawng nnan e anhte hpe tsaw ra mi ai majaw, anhte mung tsaw ra nga ga ai.

1 YAWHAN 5:1

Yesu gaw Meshia rai nga ai nga nna kam sham ai wa kadai rai ti mung, Karai Kasang a kashu kasha rai nga ai rai nna dai kawa hpe tsaw ra ai wa kadai rai ti mung, kasha wa hpe mung tsaw ra wu ai.

SHINGRAN 22:20

Ndai lam hte hpe sakse hkam ya ai wa gaw, “Kaja wa rai sai! Ngai alawan du na ring ngai!,” nga ai. Amen. Madu Yesu e yu wa rit law!