1 KORINHTU 16:2 - Jinghpaw Common Language Bible 2009

² Ngai sa du ai shaloi alu gumhpraw kaga mi n lahkawn ra u ga, Laban shani shagu nanhte langai hte langai gaw tinang a ngamu ngamai ai made hta na alu gumhpraw ni hpe garan mahkawng da nga mala.

Jinghpaw Hanson Version Bible

² Ngai sa du ai shaloi e lahkawn shara n nga nga la u ga, bat shagu na shawng shani hta e, langai hte langai ngamu ngamai ai hte maren, tinang a alu mahkawng da nga ma la.

1 KORINHTU 16:2 ပူးပေါင်းရင်းမြစ်များ

NINGPAWT NINGHPANG 26:12

Dai Madu gaw Isak hpe shaman ya wu ai majaw, dai mung e shi yi galaw wu yang shawoi shi galaw yu sai shaning ni hta dai shaning e htam latsa grau nna shu la wu ai.

NINGPAWT NINGHPANG 30:27

Laban gaw shi hpe, “Ndai lam ngai naw tsun yu n ga; na a majaw dai Madu ngai hpe shaman ya ni ai gaw wenyi a n-gun atsam a jaw e ngai dum chye ni ai.

NINGPAWT NINGHPANG 30:30

Ngai garai n du yang, na a sut gan loi sha mi she rai nga lit dai. Ya chyawm gaw manu mana jat wa nit dai. Ngai du ai shara shagu hta dai Madu nang hpe shaman ya nit dai. Ya chyawm gaw nye a sut gan amyat shachyip la na aten mung rai nga sali ai,” ngu nna htan wu ai.

NINGPAWT NINGHPANG 32:10

Na a shangun ma wa, ngai gaw nang madun dan sai matsan dum ai chyeju hte sadi sahka lam mahkra hte n ging n dan la nga nngai. Nye a dawhkrawng langai mi hte sha, ndai Yawdan hka hpe rap di nngai; ya chyawm gaw ndai hpung lahkawng hte ngai nhtang wa ni ai.

NINGPAWT NINGHPANG 33:11

Na a matu ngu nna ngai la wa ya ai ndai kumhpa hpe chyeju hte hkap la ya e; Karai Kasang mung ngai hpe matsan dum la nna, ngai hta ra ai lam magup hpe jaw ya ni ai,” ngu nna tsun wu ai. Yaku mung shi hkap la ai aten du hkra a shadut nga wu ai.

2 HKAWHKAM LABAU 31:10

Zadok amyu matu na Hkinjawng Kaba Azaria gaw shi hpe, “Amyu masha ni Nawku Htingnu de shanhte a kumhpa ni la sa shajang ai shani kaw nna sha law ai hta sha n-ga, law law naw jan nga ai. Dai Madu gaw shi a amyu masha ni hpe shaman ya nu ai majaw ndai lam yawng mayawng anhte hkam la lu saga ai,” ngu nna tsun wu ai.

MARKU 14:8

Shi gaw shi rai lu ai hte maren galaw nu ai; shi gaw manam pyaw ai sau nye a hkum hta ru bun nna lup makoi na shawng e hkyen lajang ai bungli galaw ya ni ai.

LUKA 16:10

Amu kaji hta kangka re ai wa gaw, amu kaba ni hta mung kangka rai na ra ai. Amu kaji ni hta n ding n hpring ai wa gaw, amu kaba hta mung n ding n hpring nga ai.

LUKA 24:1

Laban shani jahpawt nhtoi mahka de, dai numsha ni gaw, shanhte lajang da ai manam pyaw ai baw la gun nna lup de sa wa ma ai.

YAWHAN 20:19

Sape ni gaw Yuda masha ni hpe hkrit ai majaw, Laban shana nrim rim ai ten hta, nta chyinghka ni la da nna hpawng nga m a ai. Dai shaloi Yesu du sa nna shanhte a ka-ang e tsap let, “Nanhte ngwi pyaw nga myit ga,” ngu nna shanhte hpe tsun mu ai.

YAWHAN 20:26

Dai hpang matsat ya rai jang, sape ni gaw nhku e bai rawng nga ma ai rai nna Htawma mung shanhte hte rau rai nga ai. Chyinghka ni mung la da nga ai; rai ti mung Yesu sa du nna shanhte a ka-ang e tsap let, “Nanhte ngwi pyaw nga myit ga law,” ngu wu ai.

KASA 20:7

Anhte gaw Laban kru ya shana de kanawn mazum shat sha poi hta shang na matu zuphpawng nga ga ai. Pawlu gaw hpang jahpawt dai mare kaw na pru mat wa na maw ai majaw, shana yup tung tung hkra masha ni hpe sharin shaga nga ai.

2 KORINHTU 8:10

Ndai alu jaw ai lam hte seng nna ngai myit ai hku nga yang, lai wa sai shaning hta nanhte galaw hpang da sai amu hpe ya galaw shakre yang nanhte a matu mai kaja na re. Nanhte gaw shawang myit hte jaw mayu ai myit shawng rawng ai ni sha n rai, alu shawng jaw ya ai ni rai nga myit dai.

TARA JAHPRANG 8:18

Dai Madu nanhte a Karai Kasang gaw sut gan lu su chye ai atsam nanhte hpe jaw ya nu ai hpe adum nga mu. Nanhte a nji nwa ni hte tawn da ai ga shaka hpe dai ni du hkra shi naw sadi dung nga ai majaw ndai amu hpe shi galaw wu ai.

SHINGRAN 1:10

Dai Madu a nhtoi hta e Wenyi hta ngai nawng mat wa ai rai nna, ngai gaw pahtau nsen hte bung ai nsen kaba langai mi nye a shingdu maga de nna shaga ai hpe na lu nngai.