1 KORINHTU 16:19 - Jinghpaw Common Language Bible 2009

¹⁹ Asi mung na Hpung ni gaw nanhte hpe shakram dat ma ai. Akula yan Priska hte shan a nta e jawm hkrum nna nawku ai hpung masha ni mung, Hkristan tsaw ra myit hte nanhte hpe grai wa shakram dat ma ai.

Jinghpaw Hanson Version Bible

¹⁹ Asi mung na Hpung ni gaw nanhte hpe shakram dat ma ai. Akula yan Priska hte shan a nta e shanu ai Hpung hte rau, nanhte hpe dai Madu hta grai wa shakram dat ma ai.

1 KORINHTU 16:19 ပူးပေါင်းရင်းမြစ်များ

KASA 16:6

Ya Asi mung e mungga lam hkaw tsun dan na Chyoi Pra ai Wenyi shanhte hpe ahkang n jaw mu ai majaw shanhte gaw Hprugi hte Galati mung de ga sa wa ma ai.

KASA 18:18

Pawlu gaw Korinhtu mare hta nhtoi tsawmra wa na hkra nga nga ai. Dai hpang kam sham ai ni hpe shakram da nna Priskila yan Akula hte rau li jawn let Suri mung de sa wa ma ai. Karai Kasang kaw ga shaka tawn da ai lam nga ai majaw, Kanhkeria mare kaw na hkali hte garai n pru yang shi a baw doi kau wu ai.

KASA 18:2

Dai mare hta Pontu mung e shangai ai Akula mying ai Yuda la langai mi hte hkrum wu ai; Dai wa gaw, Yuda masha nlang Roma mare na pru wa lu na nga nna Hkawseng Klawdi mungga shapraw dat ai majaw, madu jan Priskila hte rau Itali mung na htawt wa ai gade garai n na yang,

KASA 18:26

Shi gaw tara jawng hta nden ja ai myit hte hkaw tsun hpang ai. Ya Priskila yan Akula gaw shi hkaw tsun ai ga na jang, shi hpe nta de saw shaga la nna, Karai Kasang a mungga lam hpe grau nna jaw ai hku tsun sanglang sharin ya wu ai.

KASA 19:10

Shing rai ni ning tup tsun bawng sharin shaga nga ai rai nna, Asi mung ting hta nga ai Yuda masha ni hte Grik amyu masha ni nlang Madu a mungga na la lu ma ai.

KASA 2:9

Anhte gaw Parhti, Medi, Elam, mung na ni hte Mesapotamia mung e nga ai ni, Yuda hte Kapadokia mung, Pontu hte Asi,

ROMA 16:15

Hpilogu hte Yulia, Nerea hte shi a kajan Olumpa hte shan hte rau nga ai Karai Kasang a masha ni yawng hte hpe shakram ya mi.

KOLOSE 4:15

Ladoki e nga ai hpu nau ni hte Nimhpa hte shi a nta e hkrum zup nna nawku zuphpawng ai hpung hpe shakram ya mi.

2 TIMOHTI 4:19

Priska hte Akula yan hte Onesihpuru a nta masha ni hpe shakram dat nngai.

HPILEMON 1:2

an a kajan Ahpia hpe mung, an a hpyen ma manang Arhkipo hpang de mung, na a nta e hkrum zup nna nawku daw jau ai Hkristan hpu nau ni hpang de mung, laika ka dat ga ai.

1 PETRU 1:1

Yesu Hkristu a kasa, ngai Petru gaw Pontu mung, Galati mung, Kapadokia, Asi hte Behtuni mung hkan e tsasam manam zawn nga shingbyi hkawm nga ai Karai Kasang a lata la ai amyu masha ni hpang de laika ka dat nngai.

SHINGRAN 1:11

Dai nsen gaw, “Nang mu ai hte maren laika hta ka la nhtawm, dai laika hpe Ehpesu, Samurna; Pergamu, Htuatira, Sardi, Hpiladehpi hte Ladoki mare ni hta nga ai hpung sanit hpang de shagun dat u,” nga ai.