1 KORINHTU 16:15 - Jinghpaw Common Language Bible 2009

¹⁵ Nanhte gaw Stehpan hte shi a nta masha ni a lam chye nga myit dai; shanhte gaw Ahkaia mung na shawng nnan Hkristan tai wa ai ni rai nga ma ai hte Karai Kasang a masha ni hpe galaw daw na matu, shanhte dai ap nawng da sai ni rai nga ma ai.

Jinghpaw Hanson Version Bible

¹⁵ Ngai nanhte hpe shadut jahkat made ai, hpunau ni e; Stehpan a nta masha ni gaw, Ahkaia mung na shawng si ai asi rai nga ai hte, chyoi pra ai ni hpe galaw daw na shanhte tinang dai myit hkut nga ma ai hpe, nanhte chye myit dai rai nna,

1 KORINHTU 16:15 ပူးပေါင်းရင်းမြစ်များ

KASA 18:12

Galio gaw Ahkaia mung e munggyi rai nga yang Yuda masha ni masha jahpawng la nhtawm Pawlu hpe rim la nna tara tingnyang a man de woi wa mu ai.

ROMA 12:13

Ra kadawn nga ai nanhte a Hkristan hpu nau ni hpe tinang lu ai arung arai ni gam jaw gam ya nga mu; chyasam manam ni hpe hkap hkalum daw jaw daw ya nga mu.

ROMA 15:25

Ya hkyak hkyak e chyawm gaw, Karai Kasang a amyu masha ni hpe karum madi shadaw ai amu gun hpai na matu Yerusalem mare de sa wa nga nngai.

ROMA 15:31

Ngai gaw Yuda mung na n kam n sham ai ni a hpyen ai kaw na lawt lu u ga hte Yerusalem mare e ngai galaw ai karum madi shadaw ai amu hpe dai kaw nga ai Karai Kasang a masha ni hkap la lu mu ga, akyu hpyi nga mu.

ROMA 16:2

Nanhte gaw Karai Kasang a masha ni shada hkap hkalum la ai hku nna shi hpe Madu a mying hta hkap hkalum bawp la nhtawm nanhte kaw nna karum la ra ai hpa hpe rai ti mung shi hta ra kadawn nga ai hte maren, karum madi shadaw la mu; hpa majaw nga yang shi gaw shi hkum nan masha law law hpe mung ngai hpe mung karum madi shadaw lai wa sai jinghku kaja langai mi rai nga ai.

ROMA 16:5

Shan a nta e shanu nga ai hpung hpe mung shakram ya mi. Dai hte maren Asi mung e Hkristu a matu shawng kam sham ai wa rai nga ai ngai tsaw ra ai Eponetu hpe shakram ya mi.

1 KORINHTU 1:16

(O rai nga ai, Stehpan hte shi a nta masha ni hpe mung, ngai hkalup jaw mase ai; dai hta kaga gaw kadai hpe jaw nngai kun? ngai n dum lu ni ai.)

1 KORINHTU 16:1

Yuda mung na Karai Kasang a masha ni hpe karum la na matu alu gumhpraw lahkawn na lam nanhte ka san dat ai hte seng nna, Galati mung na Hpung ni hpe ngai htet da ai hte maren, nanhte galaw mu.

1 KORINHTU 16:17

Stehpan, Hportunatu hte Ahkaiku ni du sa ma ai majaw, ngai kabu gara nngai. Shanhte gaw nanhte a malai ngai hpe galaw daw ma ai.

2 KORINHTU 8:4

Shanhte gaw Yuda mung na Karai Kasang a masha ni hpe karum madi shadaw ai lam hta shang lawm mayu ma ai rai nna, shang lawm lu na ahkang jaw ya na matu shanhte a myit hku nna shanhte akroi anoi hpyi nem ma ai.

2 KORINHTU 9:1

Yuda mung na Karai Kasang a masha ni hpang de shagun dat ai karum madi shadaw ai lam hte seng nna, nanhte hpang de ngai ka dat shara n nga ai.

1 TIMOHTI 5:10

Dai hta n ga, shi gaw arawn alai kaja ai lam hta mung gumhkawng ai jan, kashu kasha ni hpe atsawm sha woi lanu lahku shakung jahpan ai jan, tsasam manam ni hpe shi a nta kaw hkap la nna galaw daw ai jan, Hkristan hpu nau ni hte seng nna galaw ra ai lit ni hpe myit nem ai hte galaw gun hpai ai jan, ru yak jam jau hkrum nga ai ni hpe karum ai jan, mai kaja ai magam bungli hpe ap nawng gun hpai ai jan rai ra ai.

HPILEMON 1:7

Hpu nau wa e, na a tsaw ra ai myit a majaw ngai grai wa kabu gara ai hte myit n-gun lu la nngai law! Nang gaw Karai Kasang a chyoi pra ai masha ni yawng hte a myit masin hpe shangwi shapyaw ya lu nit dai.

HEBRE 6:10

Hpa majaw nga yang, Karai Kasang gaw n tara ai wa n rai nga ai. Shi gaw nanhte galaw gun hpai lai wa sai magam bungli hpe mung, Madu hpe tsaw ra ai lam nanhte madun dan na matu lai wa sai ten kaw nna ya du hkra Hkristan masha shada da karum la hkat ai hpe mung, Karai Kasang malap kau wu ai n rai.

1 PETRU 4:10

Nanhte gaw Karai Kasang kaw na laksan chyeju kumhpa ni hpe hkam la lu ai hte maren, Karai Kasang a chyeju kumhpa amyu myu hpe kaja ai lit hkam hpareng wa zawn shada da a mai kaja ai akyu a matu jai lang nga mu.

SHINGRAN 14:4

Dai ni gaw numsha ni hte awu asin n rai yu ai lasha ni rai nga ma ai; shanhte gaw brang jet ni rai nga ma ai. Shanhte gaw Sagu Kasha sa ai shara shagu hkan hkan nang ma ai. Shanhte gaw shinggyim masha ni hta na hkye hkrang la hkrum sai ni rai nna Karai Kasang hte Sagu Kasha kaw shawng sak nawng da sai ni rai nga ma ai.