1 KORINHTU 16:10 - Jinghpaw Common Language Bible 2009

¹⁰ Lama wa Timohti nanhte kaw du sa wa dam a yang gaw, shi hta hkrit tsang ai lam n nga ai sha nanhte hte rau nga nga lu u ga, shi hpe kabu gara hkap tau hkalum la mu; hpa majaw nga yang, shi gaw ngai hte maren dai Madu a magam bungli gun hpai nga ai wa rai nga ai.

Jinghpaw Hanson Version Bible

¹⁰ Timohti nanhte kaw du dam a yang gaw, shi n hkrit ai sha nanhte hte rau nga nga lu u ga, yu yu nga mu; kaning rai nme law, shi gaw ngai hte maren dai Madu a magam bungli hpe gun hpai nga ai.

1 KORINHTU 16:10 ပူးပေါင်းရင်းမြစ်များ

KASA 16:1

Pawlu gaw Derbe hte Lustra mare de du sa wa ai. Lustra mare hta Timohti mying ai Hkristan langai mi nga ai. Kanu gaw kam sham ai Yuda Hkristan num rai nna, Kawa gaw Grik masha rai nga ai.

KASA 19:22

Dai rai nna shi gaw shi a nrum ntau tai ai Timohti yan Erastu hpe, Makedoni mung de shawng shangun dat ai laman shi hkum nan gaw Asi mung e tawng marang mi naw hkring nga ai.

ROMA 16:21

Nye a shingdep shingtau rai nga ai Timohti hte nye a bawsang, Yuda masha ni rai nga ai, Luki, Yasun hte Sosipata hte gaw nanhte hpe shakram dat ma ai.

1 KORINHTU 15:58

Dai re ai majaw, ngai tsaw ngai ra ai hpu nau ni e, ngang ngang kang kang dinggrin dingyang tsap nga mu. Madu a bungli gun hpai ai lam gaw galoi mung kaman lila n rai nga ai hpe nanhte dum chye nga let, dai Madu a bungli hta tut nawng e tsam mari shakut sharang gun hpai nga mu law.

1 KORINHTU 16:11

Kadai mung shi hpe n gawn n sawn n di u ga, shi a hkrun lam hpe angwi apyaw sha matut hkawm sa wa lu u ga, nanhte shi hpe karum madi shadaw dat lu na rai myit dai; shing rai Hkristan hpu nau ni hte rau, ngai hpang de bai du sa wa na ra ai, ngu nna ngai myit mada ala nga nngai.

1 KORINHTU 4:17

Dai lam a majaw ngai gaw Hkristan asak hkrung lam hta nye a tsaw ra ai, kangka sadi sahka nga ai ngai sha Timohti hpe nanhte hpang de ngai shangun dat we ai. Shi gaw, ngai nan hkan sa nna shara shagu na nawku hpung ni yawng hpe sharin shaga ya ai Hkristu hte langai sha re ai asak hkrung lam ningnan a lam nanhte hpe bai myit dum shangun na matu shadum jahprang na ra ai.

2 KORINHTU 1:1

Karai Kasang a myit ra ai hku hte maren, Hkristu Yesu a Kasa wa ngai Pawlu hte anhte a hpu nau Timohti gaw, Korinhtu mare na Karai Kasang a hpung hte Ahkaia mung ting na Karai Kasang a masha ni nlang hte hpe shakram dat ga ai.

2 KORINHTU 6:1

Nanhte gaw Karai Kasang a chyeju hkam la ai ni rai nga myit dai hte maren dai chyeju hpe lahpawt lama n di kau myit ga, anhte Karai Kasang a shingdep shingtau ni hku nna nanhte hpe hpyi lajin dat ga ai.

1 HTESALONI 3:2

Hkristu a Kabu Gara Shiga hkaw tsun ai hta anhte rau magam bungli galaw nga ai anhte a hpu nau wa Timohti hpe shangun dat ga ai.

1 HTESALONI 4:12

Ndai lam hku nna, nanhte gaw kam sham ai hpung masha n re ai ni a hkungga lara ai hpe hkam la lu na rai myit dai; dai hta n ga, nanhte a ra ai lam hte seng nna kadai wa hpe mung n shamyet shanat ra na myit dai.