1 KORINHTU 16:1 - Jinghpaw Common Language Bible 2009

¹ Yuda mung na Karai Kasang a masha ni hpe karum la na matu alu gumhpraw lahkawn na lam nanhte ka san dat ai hte seng nna, Galati mung na Hpung ni hpe ngai htet da ai hte maren, nanhte galaw mu.

Jinghpaw Hanson Version Bible

¹ Ya, chyoi pra ai ni a matu alu lahkawn ai lam, Galati hpung ni hpe ngai htet da ai hte maren, nanhte mung galaw mu.

1 KORINHTU 16:1 ပူးပေါင်းရင်းမြစ်များ

KASA 11:28

Shanhte hta na Agabu ngu ai wa rawt nna ga ntsa ting hta hku wa kaba wa na ra ai lam, Wenyi a atsam hte tau tsun dan mu ai. (Dai lam gaw Hkawseng Klawdi a prat e byin wa sai;)

KASA 11:30

Dai hte maren shanhte galaw nna Dai gumhpraw hpe Barnaba yan Shawlu a lata hte hpung salang ni hpang de shagun dat ma ai.

KASA 16:6

Ya Asi mung e mungga lam hkaw tsun dan na Chyoi Pra ai Wenyi shanhte hpe ahkang n jaw mu ai majaw shanhte gaw Hprugi hte Galati mung de ga sa wa ma ai.

KASA 18:23

Dai kaw tawng marang mi nga nhtawm, shi bai pru nna Galati mung hte Hprugi mung hpe ga lai sa wa let, kam sham ai ni nlang hpe shadaw shangang nga ai.

KASA 24:17

“Shing rai Yerusalem mare kaw na pru mat wa ai tsawmra ning lai ai hpang, nye a amyu masha ni a matu alu gumhpraw la wa ya na matu dai mare de ngai wa nngai.

KASA 9:13

Anani gaw, “Madu e ndai masha wa Yerusalem mare e nga ai na a masha ni hpe hkrithpa n hkru ai hku galaw sai lam masha law law wa ngai hpe tsun dan masai.

KASA 9:41

Petru mung lata ladawn nna gang sharawt la wu ai. Dai hpang gaida jan ni hte kam sham ai hpung masha ni yawng hpe shaga la nna asak bai hkrung wa ai Dorka hpe ap ya mu ai.

ROMA 12:13

Ra kadawn nga ai nanhte a Hkristan hpu nau ni hpe tinang lu ai arung arai ni gam jaw gam ya nga mu; chyasam manam ni hpe hkap hkalum daw jaw daw ya nga mu.

1 KORINHTU 11:34

Dai rai nna, Madu a Shana Shat Sha Poi sha na matu nanhte zuphpawng nga myit yang, Karai Kasang a tara dara ai hkrum na matu n rai u ga, masha langai ngai kawsi a yang gaw, nta e sha la u ga. Kaga ra ai lam ni hte seng nna ngai du sa ai shaloi she lajang sanglang na we ai.

1 KORINHTU 16:15

Nanhte gaw Stehpan hte shi a nta masha ni a lam chye nga myit dai; shanhte gaw Ahkaia mung na shawng nnan Hkristan tai wa ai ni rai nga ma ai hte Karai Kasang a masha ni hpe galaw daw na matu, shanhte dai ap nawng da sai ni rai nga ma ai.

1 KORINHTU 4:17

Dai lam a majaw ngai gaw Hkristan asak hkrung lam hta nye a tsaw ra ai, kangka sadi sahka nga ai ngai sha Timohti hpe nanhte hpang de ngai shangun dat we ai. Shi gaw, ngai nan hkan sa nna shara shagu na nawku hpung ni yawng hpe sharin shaga ya ai Hkristu hte langai sha re ai asak hkrung lam ningnan a lam nanhte hpe bai myit dum shangun na matu shadum jahprang na ra ai.

GALATI 1:2

nang e ngai hte rau rai nga ai hpu nau ni yawng hte Galati mung na hpung ni hpang de laika ka nna shakram dat ga ai.

GALATI 2:10

Shanhte gaw anhte hpe matsan mayan ni a ra ai lam hta karum la na matu n malap na hpe sha htet dat mi ai hte ndai lam gaw ngai grai shakut gun hpai mayu ai amu nan rai nga ai.

HPILEMON 1:5

Hpa majaw nga yang, nang gaw Karai Kasang a amyu masha ni yawng hte hpe tsaw ra nga ai hte, Hkristu Yesu hpe kam sham nga ai lam ngai na chye lu nngai.

HPILEMON 1:7

Hpu nau wa e, na a tsaw ra ai myit a majaw ngai grai wa kabu gara ai hte myit n-gun lu la nngai law! Nang gaw Karai Kasang a chyoi pra ai masha ni yawng hte a myit masin hpe shangwi shapyaw ya lu nit dai.

HEBRE 6:10

Hpa majaw nga yang, Karai Kasang gaw n tara ai wa n rai nga ai. Shi gaw nanhte galaw gun hpai lai wa sai magam bungli hpe mung, Madu hpe tsaw ra ai lam nanhte madun dan na matu lai wa sai ten kaw nna ya du hkra Hkristan masha shada da karum la hkat ai hpe mung, Karai Kasang malap kau wu ai n rai.

1 YAWHAN 3:17

Sut gan lu su ai wa rai nga da nhtawm, shi a hpu nau wa matsan mayan ra kadawn nga ai hpe mu ninglen, shi a matsan dum ai myit masin hpe pat kau wu yang gaw, shi gaw Karai Kasang hpe tsaw ra ai ngu nna kaning rai tsun lu na a ta?