1 KORINHTU 15:7 - Jinghpaw Common Language Bible 2009

⁷ Dai hpang Yaku kaw, dai hpang kasa ni yawng hte kaw, shi dan pru dan mu ai.

Jinghpaw Hanson Version Bible

⁷ dai hpang Yaku kaw, dai hpang kasa ni yawng hte kaw, shi paw pru dan mu ai;

1 KORINHTU 15:7 ပူးပေါင်းရင်းမြစ်များ

LUKA 24:33

Shan gaw shaloi jang alawan rawt nna, Yerusalem mare de bai wa ma yang, sape shi langai hte kaga ni hpawng nga mala ai hpe wa mu ma ai.

LUKA 24:36

Shan lahkawng dai lam shanhte hpe tsun dan nga yang, akajawng sha Madu shi hkum nan shanhte a ka-ang e tsap nga nna, “Nanhte ngwi pyaw nga myit ga!,” ngu nna shanhte hpe tsun mu ai.

LUKA 24:50

Dai hpang shanhte hpe mare kaw na Behtani kahtawng hte tawtap du hkra woi sa nna dai shara hta, shaloi, shi a lata ni sharawt nna, shanhte hpe shaman ya mu ai.

KASA 12:17

Petru gaw shanhte atsin sha rai nga na matu lata dingsi nhtawm shi hpe Madu e htawng hta na kaning rai shaw la ai lam, shanhte hpe tsun dan nna, “Ndai lam ni Yaku hte kam sham ai kahpu kanau ni hpe tsun shana dan mu,” ngu mu ai; shaloi shi pru nna shara kaga de sa mat wa ai.