1 KORINHTU 15:57 - Jinghpaw Common Language Bible 2009

⁵⁷ Rai ti mung Madu Yesu a jaw e, anhte hpe awng padang jaw ai Karai Kasang a chyeju chyawm gaw kaba la nga a hka!

Jinghpaw Hanson Version Bible

⁵⁷ Anhte a Madu Yesu Hkristu a jaw e anhte hpe padang jaw ai Karai Kasang chyawm gaw, a nga u ga law.

1 KORINHTU 15:57 ပူးပေါင်းရင်းမြစ်များ

2 HKAWHKAM 5:1

Suri hpyen luksuk hpe up hkang ai Naman gaw shi a lata hku nna dai Madu Suri masha ni hpe awng padang jaw ya wu ai majaw Suri hkawhkam e shagrau shatsaw ai hte arawng aya kaba hkam la hkrum ai wa rai nga ai. Shi gaw share ninghkrin hpyenla kaba wa rai nga ti mung, manggang ana hkam sha nga wu ai.

1 HKAWHKAM LABAU 22:11

Dawi gaw, “Ya chyawm gaw sha e, dai Madu na a Karai Kasang gaw nang hte rau rai nga u ga, shi a matu nang hpe awng dang hkra galaw shangun ai Nawku Htingnu hte seng ai shi a ga sadi hpe shi shadik shatup ya nu ga law.

SHAKAWN KUNGDAWN 98:1

Dai Madu hpe mahkawn ga nnan hte mahkawn mu; shi gaw mauhpa magam amu ni hpe galaw da nu ai! Shi a daru magam n-gun hte chyoi pra ai n-gun a jaw e, shi gaw awng padang hpe hkam la nu ai.

GA SHAGAWP 21:31

Majan gasat na matu, hpyen gumra ni hpe lu shajin da tim; awng padang jaw ya ai gaw dai Madu sha rai nga ai.

YAWHAN 16:33

Nanhte gaw ngai hte langai sha tai nna ngwi pyaw ai lam lu la myit ga, ngu nna ndai ga ngai nanhte hpe tsun ni ai. Mungkan ga gaw nanhte hpe nni nkri jahkrum na ra ai; rai ti mung gwi gwi dakring dakan rai nga mu! Ngai gaw mungkan ga hpe dang kau se ai!,” ngu mu ai.

KASA 27:35

Shing nga tsun ngut jang, Pawlu gaw muk nkau mi hpe la nna shanhte mahkra a man e Karai Kasang a chyeju hpe shakawn let, ahkyep alep nhtawm woi sha mu ai.

ROMA 7:25

Anhte a Madu Yesu a marang e mawai la ai Karai Kasang a chyeju hpe ngai shagrau sha-a nngai! Dai rai nna nye a mabyin gaw ndai hku rai nga li ai; Nye a myit mang ai hte Karai Kasang a Tara hpe daw jau nga timung hkum shan mahtang gaw yubak a tara hpe daw jau nga ai.

ROMA 8:37

Anhte hpe n jahka kau lu mi ai hta n ga, anhte hpe tsaw ra nga ai wa a majaw ndai mahkrum madup yawng hte hpe anhte awng padang tsep kawp lu ai ni rai ga ai.

1 KORINHTU 15:51

Madat mu, makoi magap da ai teng man ai lam langai mi ngai nanhte hpe tsun dan made ga: anhte yawng si mat wa na ga ai n rai.

2 KORINHTU 1:11

Dai majaw Karai Kasang gaw nanhte a shing rai akyu hpyi ai ga ni hpe htan ya nna anhte hpe shaman chyeju jaw na ra ai. Masha law law mung anhte hkam la ai shaman chyeju a majaw chyeju shakawn shagrau na mara ai.

2 KORINHTU 2:14

Rai ti mung Karai Kasang a chyeju grai kaba la nga ai; hpa majaw nga yang, shi gaw anhte hpe Hkristu hte langai sha shatai nna Hkristu a awng padang lu ai poi hta ninglaw yan hkawm ai bawng masha ni hpe zawn Karai Kasang gaw anhte hpe woi awn da mi ai. Hkristu hpe chye chyang ai machye machyang hpe manam pyaw ai bat zawn shara shagu hkan e shabra dat na matu Karai Kasang gaw anhte hpe jai lang nga mi ai.

2 KORINHTU 9:15

Manu sawn n dang lu ai Karai Kasang a chyeju kumhpaw kumhpa a majaw shi hpe chyeju shakawn nga ga law!

EHPESU 5:20

Anhte a Madu Yesu Hkristu a mying ningsang gang nna lam shagu a matu Kawa Karai Kasang a chyeju hpe tut nawng e shakawn kungdawn nga mu.

HEBRE 2:14

Kasha ni ngu nna shi shanhte hpe shamying wu ai hte maren, asai ashan dagraw ai masha ni rai nga ma ai. Yesu shi hkum nan mung shanhte zawn asai ashan dagraw ai shinggyim masha hkum hkrang rau rum hkam la wu ai. Shing rai hkam la ai lam gaw si hkrung si htan hpe up ai nat wa a atsam hpe jahten shabyak kau na matu rai nga ai.

SHINGRAN 12:11

Anhte a hpu nau ni gaw, Sagu Kasha a asai majaw mung, shanhte sakse hkam nga ai teng man ai mungga a majaw mung, Satan hpe awng dang kau lu mu ai rai nna, shanhte gaw si ai du hkra tinang a asak hpe n lahpawt ma ai.

SHINGRAN 21:4

Shi gaw shanhte a myi hta na myi prwi pru mapru yawng katsut kau ya na ra ai: htawm hpang de si hkrung si htan ngu ai n nga lu na sai; sharung shayawt, hkrap ngu hkrap ngoi ai hte machyi makaw, hki si ba si ai mung n nga lu na sai. Shawng na byin ga ai lam dingsa nga manga hte gaw hkoi mat wa sai,” nga nna tsun ai.