1 KORINHTU 15:54 - Jinghpaw Common Language Bible 2009

⁵⁴ Dai rai nna, ndai hten mat, yat mat chye ai gaw n hten n mat chye ai hpe mung, si mat chye ai gaw n si n mat chye ai hpe mung galai dagraw la ai shaloi, “Si hkrung si htan gaw padang e kamaw mayu ai hkrum nu ai; si hkrung si htan hpe padang dip ai lam ngut kre sai!,” nga nna Chyum Laika hta tsun da ai ga dik wa na ra ai.

Jinghpaw Hanson Version Bible

⁵⁴ Ya ndai hten mat chye ai gaw, n hten n mat chye ai dagraw nga ai hte, ndai si mat chye ai mung, n si n mat chye ai gaw dagraw ngut yang she, Si hkrung si htan gaw padang e gamaw mayu kau ai hkrum nu ai, nga nna ka da nga ai hte maren, dik wa na ra ai.

1 KORINHTU 15:54 ပူးပေါင်းရင်းမြစ်များ

ESAIA 25:8

Dai Tsaw Htum ai Madu gaw si hkrung si htan hpe htani htana jahten kau na ra ai! Shi gaw masha shagu a myi ni kaw na hkrat ai myi prwi ni hpe katsut kau ya nna, shi a amyu masha ni mungkan ting hta hkrum sha lai wa sai kaya kahpa hpe mung la kau ya na ra ai. Dai Madu shi nan tsun nu ai.

LUKA 20:36

Shanhte gaw lamu kasa ni hte bung na mara ai rai nna, si hkrung si htan ngu ai shanhte hta nga sana n rai. Shanhte gaw si ai kaw na Karai Kasang e jahkrung sharawt la hkrum ai re ai majaw, Karai Kasang a kasha ni rai nga ma ai.

ROMA 1:23

N si n mat chye ai Karai Kasang hpe nawku na malai si mat chye ai baw shinggyim masha, u ni, lagaw mali tu ai baw dusat ni shing n rai gumrawt hkawm ai baw dusat ni a hkrang sumla ni hpe nawku nga ma ai.

ROMA 2:7

Masha nkau mi gaw kaja ai amu galaw nga let, hpung shingkang hpe mung, arawng sadang hpe mung, n si n mat ai asak hkrung lam hpe mung tam nga ma ai; Dai ni hpe Karai Kasang htani htana asak jaw na ra ai.

ROMA 6:12

Dai re ai majaw nanhte a hkum hkrang a ra kasit ai lam de n hkan n sa na matu yubak mara gaw nanhte a si chye ai hkum hkrang ni hta e galoi mung hkum up shangun nga myit.

ROMA 8:11

Dai hta kaga, si mat ai ni kaw na Yesu hpe hkrung sharawt la ai wa a Wenyi gaw, nanhte hta e rawng nga yang gaw, si mat ai ni kaw na Hkristu Yesu hpe hkrung sharawt la ai wa gaw, nanhte hta e rawng nga ai shi a Wenyi a lata hte nanhte a si chye ai hkum hkrang ni hpe mung jahkrung ya na marin dai.

2 KORINHTU 4:11

Yesu a sak hkrung ai lam gaw anhte a si chye ai hkum hkrang hta dan dawng mu lu u ga, anhte gaw anhte a sak hkrung lam ting hte hta, aten shagu Yesu a matu si hkam na lam hta hkawm sa nga ga ai.

2 KORINHTU 5:4

Ndai dinghta sum hta naw nga ai shaloi gun hpai ai lit e dip gamyet ai hpe hkam sha ai myit hte madai nga ga ai. Shingrai madai ai lam gaw anhte a dinghta hkum hkrang hpe gun kabai kau mayu ga ai majaw n rai, si mat chye ai hpe htani htana asak hkrung ai de galai mat na matu sumsing lamu na hkum hkrang hpe anhte dagraw la mayu ai majaw rai nga ai.

2 HTESALONI 1:10

Madu gaw bai du sa ai shani e, shi a amyu masha ni yawng mayawng a man e hpung shingkang hpe mung, kam sham ai ni yawng e shagrau hkungga ai lam hpe mung, hkam la na ra ai. Anhte hkaw tsun dan ai mungga hpe nanhte kam sham nga manit dai majaw, Madu hpe shagrau sha-a ai ni hta nanhte mung lawm na marin dai.

SHINGRAN 20:14

Shaloi si hkrung si htan hte si ai ni a katsan ga gaw, wan nawng hta jahkrat bang kau ai hkrum ma ai. (Dai wan nawng gaw lahkawng lang ngu na si ai lam rai nga ai.)

SHINGRAN 21:4

Shi gaw shanhte a myi hta na myi prwi pru mapru yawng katsut kau ya na ra ai: htawm hpang de si hkrung si htan ngu ai n nga lu na sai; sharung shayawt, hkrap ngu hkrap ngoi ai hte machyi makaw, hki si ba si ai mung n nga lu na sai. Shawng na byin ga ai lam dingsa nga manga hte gaw hkoi mat wa sai,” nga nna tsun ai.