1 KORINHTU 15:52 - Jinghpaw Common Language Bible 2009

⁵² Rai ti mung, hpang jahtum na pahtau ngoi ai shaloi e, akajawng sha, myi grip mi laman hta e, anhte yawng hte gaw galai mat wa na ga ai; hpa majaw nga yang, dai pahtau dum dat ai shaloi si mat ai ni gaw n hten n mat ai sha bai hkrung rawt wa na mara ai hte, galoi mung bai si sana n rai. Anhte yawng galai mat wa na ga ai.

Jinghpaw Hanson Version Bible

⁵² rai timung, hpang chyahtum na pahtau ngoi wu ai shaloi e, akajawng sha, myi grip mi hta e, anhte yawng hte gaw lai mat na ra ga ai: dai pahtau gaja wa ngoi wu na ra ai rai nna, si mat ai ni gaw n hten n mat chye ai sha bai hkrung rawt wa na mara ai hte, anhte lai mat na ra ga ai.

1 KORINHTU 15:52 ပူးပေါင်းရင်းမြစ်များ

SHAKAWN KUNGDAWN 73:19

Shanhte gaw shaloi jang, jahten shabyak kau ai hkrum nga ma ai; shanhte a hpang jahtum na lam gaw hkrithpa shara rai nga ai.

PRU MAT 19:16

Ya, masum ya ngu na jahpawt hta mu ngoi ai, myi hprap gala ai hte htat ai sumwi ni gaw bum ntsa e dan pru wa nga ai rai nna, dai kaw nsen ja ja hte ngoi garu ai pahtau nsen mung ngoi nga ai. Dap ni hta nga ai amyu masha ni yawng mung hkrit gari nga ma ai.

PRU MAT 20:18

Amyu masha ni gaw mu ngoi ai hte pahtau ngoi garu ai nsen na nna myi hprap galam ai hte wan hkut hku ai bum hpe mu ma ai shaloi, shanhte hkrit gari mat ai hte tsan tsan e tsap nga ma ai.

PRU MAT 33:5

Shanhte hpe ning ngu tsun na matu dai Madu gaw Mawshe hpe hkang da nu ai: “Nanhte gaw du ja ai amyu masha ni rai nga myit dai. Nanhte hte rau hkring mi sha pyi ngai hkawm ai rai yang, nanhte hpe atsai awai shamyit kau na mawe ai. Dai re ai majaw nanhte hpe kaning di na ngai daw dan lu n ga, ya jang, dai nanhte a ja lung seng ni raw kau mu.

ESAIA 18:3

Ginding aga ntsa ting hta nga ai masha shagu hte e, madat mu! Bum pungding ntsa e sharawt da na kumla dawnghkawn hpe yu yu mu! Pahtau dum ai nsen hpe madat mu!

ESAIA 27:13

Dai nhtoi du ai shaloi, Asuri hte Egutu mung hkan bawng dung hkrum nga ai Israela masha ni yawng hpe shaga nhtang la na matu pahtau dum dat na ra ai. Shanhte gaw dai Madu a chyoi pra ai kawng ntsa na Yerusalem hta shi hpe sa nawku na mara ai.

EZEKELA 33:3

Shi gaw gumlau hpyen wa shani sa wa ai hpe mu ai shaloi, masha shagu hpe tau shadum na matu hpyen kajawng nsen shangoi dat wu ai.

EZEKELA 33:6

Shing n rai, sin langa wa gaw gumlau hpyen sa wa ai hpe mu nna shadum ai nsen n shapraw ai rai yang chyawm gaw gumlau hpyen wa sa wa nna mara kap ai ni hpe sat kau na ra ai; rai ti mung ngai gaw shanhte a si hkrung si htan a matu lit nga ai dai sin langa wa hpe bunglat hka hpyi na nngai.

ZEHKARIA 9:14

Dai Madu gaw shi a amyu masha ni a ntsa e dan pru nna; shi gaw shi a pala ni hpe myihprap gala ai zawn gap dat na ra ai. Tsaw Htum ai dai Madu gaw pahtau dum dat na ra ai; shi gaw dingda maga de na nbung laru hta hkawm sa wa na ra ai.

BU HKAWM 10:4

Rai ti mung pahtau langai sha ngoi ai rai yang amyu lakung lama ni hta na ningbaw ni chyu sha nang kaw sa zup na rai ma ai.

BU HKAWM 16:21

ndai ni hpe ya jang shamyit kau na we ai,” ngu nna tsun wu ai.

BU HKAWM 16:45

“Ndai amyu masha ni kaw na shingdu de htingnut tsap mat mu; ndai masha ni hpe ndai shara hta nan shamyit kau na we ai!,” ngu nna tsun wu ai. Shan chyawm gaw ga de dingnyawm gum dagup nhtawm,

MAHTE 24:31

Dai hpang Masha Kasha gaw, pahtau kaba hpe dum shangun nhtawm, shi a lamu kasa ni hpe lamu ga man mali de shangun dat nna, mungkan maga mi kaw nna maga mi du hkra shi a lata la tawn sai ni hpe jahpawng la na maru ai.

YAWHAN 5:25

Ngai nanhte hpe teng teng tsun made ga, si nga ai ni gaw Karai Kasang a Kasha a nsen na lu na ahkying du wa ra ai rai nna dai ahkying gaw ya e pyi rai nga ai. Dai hpe na la ai ni mung asak hkrung nga na mara ai.

YAWHAN 5:28

Ndai lam hpe nanhte hkum mau myit, masha jasi ni nlang hte gaw shi a nsen na nna shanhte a lup ni hta na pru wa na ahkying du na ra ai.

1 KORINHTU 15:23

Rai ti mung, langai hte langai tinang ang ai hku hkrung rawt wa na mara ai; Hkristu gaw yawng a shawng e hkrung rawt wa ai, dai hpang Hkristu bai du sa ai shaloi e, shi hte seng ai ni hkrung rawt wa na mara ai.

1 KORINHTU 15:42

Si mat ai ni a bai hkrung rawt wa na lam mung, dai hte maren rai nga ai. Dai hkum hkrang gaw ga hta lup makoi ai shaloi, hten mat yat mat chye nga ai; bai hkrung rawt ai shaloi n hten n mat chye ai rai na ra ai.

1 KORINHTU 15:50

Hpu nau ni e, ngai nanhte hpe tsun mayu ai lam gaw, asai yan ashan hte rai nga ai masha gaw, Karai Kasang a mungdan a sali wunli n dagraw la lu ai hte hten mat chye ai gaw n hten n mat chye ai sali wunli hpe madu lu na n rai.

1 HTESALONI 4:15

Ya e lawu de na nanhte hpe anhte sharin ya nga ai lam gaw Madu Yesu a sharin shaga ai lam rai sai. Madu bai du sa ai shani e, anhte naw hkrung nga ai ni gaw si mat ai ni a shawng numshawn de loi mi pyi shawng magang lu na ga ai n rai.

2 PETRU 3:10

Dai Madu a nhtoi chyawm gaw lagu lagut zawn du na ra ai; dai nhtoi hta e sumsing lamu gaw grai kyek kachyeng ai nsen ngoi nna mat mat wa na ra ai. Sumsing nhtoi hkum ni mung wan hkru nna hten bya mat na mara ai; ginding aga hte nga manga ni mung hkoi mat na mara ai.

SHINGRAN 8:13

Dai hpang, ngai yu dat yang, lamu a ka-ang hpatwat e pyen yawn nga ai galang langai mi gaw, “Hkrit hpa dingnye! Hkrit hpa dingnye! Kaga lamu kasa masum dum dat na ra ai pahtau nsen ngoi pru ai shaloi, dinghta ga e nga ai ni yawng a matu, gade hkrithpa dingnye rai na rai hka!,” nga nna nsen kaba hte jahtau nga ai gaw, ngai na nngai.

SHINGRAN 8:2

Shaloi Karai Kasang a man e tsap nga ai lamu kasa sanit hpe ngai mu nngai; shanhte hpe pahtau sanit ya mu ai.