1 KORINHTU 15:49 - Jinghpaw Common Language Bible 2009

⁴⁹ Ga yun hte galaw ai masha wa hte bung ai gawng shingyan hpe anhte gun ga ai hte maren, sumsing lamu na du sa ai Masha wa hte bung ai gawng shingyan mung anhte gun na ra ga ai.

Jinghpaw Hanson Version Bible

⁴⁹ Dinghta ga a gawng shing-yan hpe anhte gun ga ai hte maren, sumsing lamu a gawng shing-yan hpe mung, anhte gun na ra ga ai.

1 KORINHTU 15:49 ပူးပေါင်းရင်းမြစ်များ

NINGPAWT NINGHPANG 5:3

Adam a asak 130 ning du ai shaloi shi hte bung ai shadang sha langai shaprat nna dai wa hpe Shet ngu nna shamying wu ai.

MAHTE 13:43

Dai shaloi, ding hpring ai ni gaw shanhte a Kawa a Mungdan hta e ajan zawn htoi kabrim na mara ai; na tu ai wa gaw na la u ga.

ROMA 8:29

Shi a Kasha gaw kahpu kanau lanlak hta e kasha alat ningshawng tai u ga, Karai Kasang gaw shi lata san da sai ni hpe mung, shi a Kasha a gawng shingyan hte bung wa na masha lata san da mu ai.

2 KORINHTU 3:18

Dai rai nna anhte yawng gaw man magap hpaw kau sai myi man ni hte dai Madu a hpung shingkang a shingna hpe bai nhtang htawng madun nga ga ai. Dai hpung shingkang nan wenyi ngu ai Madu kaw na du sa nna Madu hte grau grau bung jat wa ai hpung shingkang maga de anhte hpe galai shai wa shangun mi ai.

HPILIPI 3:21

Shi gaw arai yawng mayawng hte hpe shi a npu e tawn da lu ai hpung shingkang daru magam atsam hte anhte a si chye ai hkum hkrang ni hpe galai kau nna shi a hpung shingkang rawng ai hkum hkrang hte bung hkra galai shachyaw ya na ra ai.

1 YAWHAN 3:2

Tsaw ra ai ni e, anhte ya e Karai Kasang a kashu kasha ni rai nga ga ai, rai tim hpang de anhte hpa mi tai na dan leng hkra garai n chye lu ga ai: rai ti mung Hkristu dan pru ai shaloi anhte shi hte bung na ga ai, hpa majaw nga yang shi nan teng teng rai nga ai hpe anhte mu lu na gaw ai.