1 KORINHTU 15:47 - Jinghpaw Common Language Bible 2009

⁴⁷ Shawng na masha Adam gaw ga hte hpan da ai rai nna, dinghta ga na rai nga ai; hpang na Adam chyawm gaw sumsing lamu na du sa ai rai nga ai.

Jinghpaw Hanson Version Bible

⁴⁷ Shawng na masha gaw dinghta ga na rai nga nna, dinghta ga hte seng nga ai: hpang na masha chyawm gaw, sumsing lamu na rai nga ai.

1 KORINHTU 15:47 ပူးပေါင်းရင်းမြစ်များ

NINGPAWT NINGHPANG 2:7

Dai hpang dai Madu Karai Kasang gaw aga kaw nna ga loi mi hpe la nhtawm dai hte shinggyim hkrang shachyaw wu ai; shi a ladi hta hkrung ai nsoi nsa hpe shi kawut bang ya wu ai hte dai shinggyim masha gaw hkrung hpang wa nga ai.

NINGPAWT NINGHPANG 3:19

Ga hte nang shachyaw da ai hkrum nga ndai majaw ga de nang bai nhtang wa ai aten du hkra, ga kaw nna hpa hpe mung tu shaprut lu na matu nang gaw salu salat hte bungli shaja sha ra na ndai. Nang gaw ga hte shachyaw da nga ndai majaw ga bai tai na rin dai,” ngu nna tsun wu ai.

ESAIA 9:6

Anhte a matu kasha langai shangai sai! Anhte hpe shadang sha jaw mi ai! Shi gaw anhte a up hkang du tai na ra ai. Shi gaw, “Mauhpa Wa, Hpaji Daw Ai Wa, Chyahtum Chyalai N-gun Rawng Ai Karai Kasang, Htani Htana Kawa, Ngwi pyaw Sim Sa Ai A Hkawhkam Kasha,” ngu nna shamying hkrum na ra ai.

YEREMIA 23:6

Shi hkawhkam tai nga ai shaloi, Yuda amyu masha ni shim lum nga na mara ai, Israela amyu masha ni ngwi pyaw sim sa ai hte nga lu na mara ai. Shi gaw ‘Anhte A Hkye Hkrang La Madu,’ ngu nna shamying hkrum na ra ai.

MAHTE 1:23

Shi gaw, “Yu u, dai hkawn sek gaw na-um nasin rai wa nna, shadang sha shangai na ra ai, shi a mying, Emanuela ngu shamying ya na maru ai,” nga ai. De a lachyum gaw, “Karai Kasang anhte hte rau rai nga ai!,” nga ai re.

LUKA 2:11

Dai ni na nhtoi hta Hkye Hkrang La ai Wa Hkristu ngu ai Madu gaw, Dawi a mare e nanhte a matu shangai wa sai.

YAWHAN 3:31

Ntsa de nna du sa ai wa gaw, yawng hta grau kaba ai wa rai nga ai. Dinghta ga na rai nga ai wa gaw dinghta ga hte seng nga ai rai nna, dinghta ga a lam sha chye tsun nga ai, rai ti mung sumsing lamu de nna du sa ai wa chyawm gaw yawng mayawng a ntsa na rai nga ai.

YAWHAN 6:33

Hpa majaw nga yang, Karai Kasang jaw ai muk ngu ai gaw, sumsing lamu na yu wa nna mungkan ga hpe asak jaw ai wa hpe ngu ai rai nga ai,” ngu nna shanhte hpe tsun mu ai.

KASA 10:36

Nga yawng nga pra a Madu rai nga ai Yesu Hkristu hku nna Israela amyu masha ni hpang de Karai Kasang ndau shana shagun jaw dat ai ngwi pyaw sim sa ai hte seng ai Kabu Gara Shiga hpe nanhte chye nga myit dai.

1 KORINHTU 15:45

Chyum laika hta tsun ai hte maren, “Shawng na masha Adam gaw asak hkrung ai shinggyim masha hku nna hpan da hkrum sai,” rai ti mung, hpang jahtum na Adam chyawm gaw, asak jahkrung ya ai Wenyi rai nga ai.

1 KORINHTU 15:46

Wenyi hkum hkrang shawng nga ai n rai, dinghta hkum hkrang shawng nga ai hpang she dai wenyi hte seng ai hkum hkrang bai nga ai.

2 KORINHTU 5:1

Dinghta ga hta anhte nga nga ai sum nta ngu ai hkum hkrang gaw hten run mat wa ai shaloi, sumsing lamu e Karai Kasang anhte nga na matu shi nan galaw ya ai htani htana grin nga na ra ai nta anhte lu ga ai hpe anhte chye nga ga ai.

1 TIMOHTI 3:16

Anhte a nawku htung makam masham a sung htum ai lam gaw gade kaba la nga ai hpe kadai mung ningdang shara n nga ai gaw lawu de na hte maren rai nga ai. Shinggyim masha a hkum hkrang hte dan pru wa ai hte ding hpring ai wa rai nga ai lam dai Chyoi pra ai Wenyi e shadan dan sai, lamu kasa ni mung shi hpe mu lu manu ai. Shi a lam masha amyu yawng hpe htawn tsun dan manu ai. Mungkan masha ni shi hpe kam sham masai, shing rai shi gaw sumsing lamu de shalun la ai hkrum nu ai.