1 KORINHTU 15:43 - Jinghpaw Common Language Bible 2009

⁴³ Lup makoi hkrum ai shaloi n tsawm n htap ai hte n-gun n rawng nga ai; hkrung rawt wa ai shaloi, dai gaw tsawm htap ai hte n-gun atsam rawng na ra ai.

Jinghpaw Hanson Version Bible

⁴³ arawng n lu ai hta gat hkai nga ai, hpung shingkang hta bai hkrung rawt wa ai; magrau n grang ai hta gat hkai nga ai, n-gun atsam hta bai hkrung rawt wa ai;

1 KORINHTU 15:43 ပူးပေါင်းရင်းမြစ်များ

YOBA 14:10

Rai ti mung anhte gaw si mat ai hte dai gaw anhte a hpang jahtum na lam rai nga ai; anhte si mat ga ai, anhte kanang e rai nga ga ai kun?

SHAKAWN KUNGDAWN 102:23

Ngai naw kaji nga ai aten kaw nna Madu ngai hpe n-gun shayawm kau ya ni ai; shi gaw nye a asak hpe kadun kau ya ni ai.

Daniela 12:1

Lachyit nba hpun da ai dai lamu kasa gaw, “Dai aten hta, na a amyu masha ni hpe bau sin nga ai lamu kasa kaba Mihkaela dan pru wa na ra ai; shaloi masha amyu baw ni nga pra hpang wa ai aten kaw nna yak dik htum ai ru tsang hkrum aten du wa na ra ai. Dai aten du jang, Karai Kasang a jahpan laika hta mying rawng ai na a amyu masha ni yawng gaw hkye la ai hkrum na mara ai.

MAHTE 13:43

Dai shaloi, ding hpring ai ni gaw shanhte a Kawa a Mungdan hta e ajan zawn htoi kabrim na mara ai; na tu ai wa gaw na la u ga.

YAWHAN 8:49

Yesu gaw, “Ngai nat shang ai wa n rai nngai; ngai gaw nye Wa hpe she shagrau nngai, rai ti mung nanhte chyawm gaw ngai hpe jahpoi myit dai.

1 KORINHTU 6:14

Karai Kasang gaw dai Madu hpe si ai kaw na hkrung sharawt wu ai rai nna, anhte hpe mung shi a n-gun atsam hte hkrung sharawt na mi ai.

2 KORINHTU 13:4

Kaning rai nme law shi gaw n-gun kya ai madang hta wudang hta jen sat kau ai hkrum tim, Karai Kasang a n-gun atsam hte ahkrung nga ai. Anhte mung Hkristu hte langai sha tai ai a jaw e n-gun kya nga ga ai. Rai ti mung nanhte hte matut mahkai ai lam hta anhte gaw Hkristu hte rau ahkrung nga ga ai a jaw e Karai Kasang a n-gun atsam hpe jawm hkam la na ga ai.

HPILIPI 3:10

Ngai gaw Hkristu hpe chye chyang na lam, shi a bai hkrung rawt wa ai n-gun atsam hpe mu hkrum hkam sha lu na lam, shi hte rau nni nkri hkam nna shi si hkam ai zawn si hkam na hpe sha ngai ra marit nga nngai.

KOLOSE 3:4

Nanhte a asak majing gaw Hkristu rai nna, shi bai dan pru ai shaloi anhte mung shi hte rau hpung shingkang hta dan pru na raga ai.