1 KORINHTU 15:42 - Jinghpaw Common Language Bible 2009

⁴² Si mat ai ni a bai hkrung rawt wa na lam mung, dai hte maren rai nga ai. Dai hkum hkrang gaw ga hta lup makoi ai shaloi, hten mat yat mat chye nga ai; bai hkrung rawt ai shaloi n hten n mat chye ai rai na ra ai.

Jinghpaw Hanson Version Bible

⁴² Si mat ai ni a bai hkrung rawt wa na lam mung, dai hte maren rai nga ai. Dai gaw hten mat chye ai hta gat hkai nga ai, n hten n mat chye ai hta bai hkrung rawt wa ai;

1 KORINHTU 15:42 ပူးပေါင်းရင်းမြစ်များ

NINGPAWT NINGHPANG 3:19

Ga hte nang shachyaw da ai hkrum nga ndai majaw ga de nang bai nhtang wa ai aten du hkra, ga kaw nna hpa hpe mung tu shaprut lu na matu nang gaw salu salat hte bungli shaja sha ra na ndai. Nang gaw ga hte shachyaw da nga ndai majaw ga bai tai na rin dai,” ngu nna tsun wu ai.

YOBA 17:14

Ngai gaw lup sung hku hpe nye kawa ngu nna shaga na nngai; ngai hpe sha ai byet ni hpe nye kanu, nye kajan ni ngu nna shaga na nngai.

SHAKAWN KUNGDAWN 49:14

Shanhte gaw sagu ni zawn si na matu dingnye lu ma ai, Si du gaw shanhte hpe rem ai sagu rem wa rai na ra ai. Shanhte a hkum tsawp ni gaw shanhte a dum nta hte tsan ai Katsan ga kaw alawan yat mat wa yang; dai ding hpring ai masha ni gaw shanhte hpe padang dip lu na mara ai.

SHAKAWN KUNGDAWN 49:9

shi hpe lup wa de n shang hkra htani htana hkrung nga shangun lu na matu shi jaw lu ai manu gaw dang law nga ai n rai.

ESAIA 38:17

Nye a nchyi nmu re ai gaw ngwi pyaw sim sa wa na ra ai. Nang gaw nye a asak hpe hkrit hpa yawng kaw na hkye la nga ndai; Nang gaw nye a yubak mara yawng hpe raw ya nga ndai.

Daniela 12:3

dai hpaji rawng ai ningbaw ni gaw lamu na htoi tu ai arai ni zawn mung, amyu masha law law hpe jaw ai hku amu galaw na lam sharin ya ai ni gaw shagan ni zawn htani htana htoi tu nga na mara ai.

MAHTE 13:43

Dai shaloi, ding hpring ai ni gaw shanhte a Kawa a Mungdan hta e ajan zawn htoi kabrim na mara ai; na tu ai wa gaw na la u ga.

KASA 2:27

Hpa majaw nga yang nang ngai hpe Katsan ga e kabai kau da ndai n rai; na a kangka ai shangun ma wa hpe, lup sung hku hta yat tsam mat shangun na ndai n rai.

KASA 2:31

Karai Kasang gaw du na ra ai aten hta hpa baw galaw hkyen nga ai lam Dawi chye wu ai rai nna Meshia bai hkrung rawt wa na lam hte seng nna, ‘Madu hpe Katsan ga hta kabai tawn da na n rai, Shi a hkum hkrang dai lup sung hku hta yat tsam mat shangun na n rai,’ nga nna shi tsun da wu ai.”

ROMA 1:23

N si n mat chye ai Karai Kasang hpe nawku na malai si mat chye ai baw shinggyim masha, u ni, lagaw mali tu ai baw dusat ni shing n rai gumrawt hkawm ai baw dusat ni a hkrang sumla ni hpe nawku nga ma ai.

ROMA 2:7

Masha nkau mi gaw kaja ai amu galaw nga let, hpung shingkang hpe mung, arawng sadang hpe mung, n si n mat ai asak hkrung lam hpe mung tam nga ma ai; Dai ni hpe Karai Kasang htani htana asak jaw na ra ai.

ROMA 8:21

Hpa majaw nga yang lani mi na nhtoi hta hpan da hkrum ai mungkan ga gaw hten za ngu ai a lata hta mayam tai nga ai kaw na raw dat ai hkrum nna Karai Kasang a kasha ni hte rau shalawt dat ai hte hpung shingkang hpe hkam la lu na ra ai.

1 KORINHTU 15:41

Jan mung shi a hpung shingkang shi lu nga ai, shagan ni mung hpung shingkang kaga lu nga ma ai; shagan ni hta sha pyi langai hte langai a htoi kabrim ai lam kaga ga rai nga ai.

GALATI 6:8

Masha a hkum shan ngu ai ga hta gat hkai ai wa gaw si ai ngu ai hten byak ai nsi naisi hpe dan la na ra ai; Wenyi ngu ai ga hta gat hkai ai wa gaw htani htana asak ngu ai nsi naisi dan la na ra ai.

1 PETRU 1:4

Dai rai nna anhte gaw shi a amyu masha ni a matu Karai Kasang kyem mazing da ai n taw n tsang re ai shaman chyeju ni hpe madu la lu na matu myit mada nga ga ai. Shi gaw n run n hten ai awu asin n re ai n wai n mat ai sali wunli ni hpe sumsing lamu e nanhte a matu kyem mazing da nu ai.