1 KORINHTU 15:41 - Jinghpaw Common Language Bible 2009

⁴¹ Jan mung shi a hpung shingkang shi lu nga ai, shagan ni mung hpung shingkang kaga lu nga ma ai; shagan ni hta sha pyi langai hte langai a htoi kabrim ai lam kaga ga rai nga ai.

Jinghpaw Hanson Version Bible

⁴¹ Ajan a hpung shingkang kaga, shata a hpung shingkang kaga, shagan ni a hpung shingkang kaga, rai nga ai; kaning rai nme law, shagan langai ngai shagan gale hta hpung shingkang shai nga ai.

1 KORINHTU 15:41 ပူးပေါင်းရင်းမြစ်များ

NINGPAWT NINGHPANG 1:14

Dai hpang Karai Kasang gaw, “Shani hte shana hpe karan ginhka na matu mung, shani nhtoi, shaning nhtoi hte du hkra ladaw a aten ladaw langa hpe madun dan na matu mung, lamu ntsa e nhtoi ni dan pru wa mu ga;

YOBA 31:26

Ngai gaw jan a htoi kabrim ai shingkang hpe mung, shata a tsawm htap ai shingkang hpe mung galoi n nawku nngai.

SHAKAWN KUNGDAWN 8:3

Nang hpan tawn da ai lamu hpe ngai mada yu ai shaloi; nang gaw shata hte shagan ni hpe shanhte a shara ni hta tawn da nga ndai.

ESAIA 24:23

Shata gaw sin mat wa na ra ai, ajan mung htoi na ra ai n rai, hpa majaw nga yang, Chyahtum Chyalai N-gun rawng ai dai Madu gaw hkawhkam tai na ra ai. Shi gaw Ziun Bum ntsa na Yerusalem hta up nga na ra ai, amyu masha ni a ningbaw ni gaw shi a hpung shingkang hpe mu lu na mara ai.

LUKA 19:19

Madu gaw dai wa hpe mung, ‘Nang mare manga a ntsa e up hkang nu,’ ngu wu ai.

1 KORINHTU 15:40

Sumsing lamu hte seng ai hkum hkrang ni, ginding aga ntsa na hte seng ai hkum hkrang ni ngu nna, kaga ga nga nga ma ai. Sumsing lamu na hkum hkrang ni hte seng ai hpung shingkang gaw, ginding aga hte seng ai hkum hkrang ni a hpung shingkang hte shai nga ai.

1 KORINHTU 15:42

Si mat ai ni a bai hkrung rawt wa na lam mung, dai hte maren rai nga ai. Dai hkum hkrang gaw ga hta lup makoi ai shaloi, hten mat yat mat chye nga ai; bai hkrung rawt ai shaloi n hten n mat chye ai rai na ra ai.

TARA JAHPRANG 4:19

Nanhte mu lu ai lamu na ajan, shata hte shagan ni hpe nawku daw jau ai agung alau mung n hkrum nga myit ga; dai gaw kaga masha yawng a matu dai Madu nanhte a Karai Kasang san da ya ai ni rai nga ai.