1 KORINHTU 15:34 - Jinghpaw Common Language Bible 2009

³⁴ Ding man ai hpe hkan na dum hprang mu, matut nna yubak lam hkum galaw myit. Nanhte hta na nkau mi Karai Kasang hpe n chye ma ai: nanhte kaya dum myit ga, ngai ning ngu tsun nngai.

Jinghpaw Hanson Version Bible

³⁴ Dingman ai hku hkan na, dum hprang mu, yubak hkum galaw myit; nkau mi gaw Karai Kasang hpe n chye ma ai: nanhte kaya dum myit ga, ning nga ngai tsun nngai.

1 KORINHTU 15:34 ပူးပေါင်းရင်းမြစ်များ

SHAKAWN KUNGDAWN 119:11

Na a tara hpe nye a myit masin hta ngai kyem da nga nngai rai nna, ngai nang hpe yubak n galaw na nngai.

SHAKAWN KUNGDAWN 4:4

Hkrit gari ai hte yubak galaw ai lam hpe jahkring kau mu; nanhte a yupku ni a ntsa e, azim sha kaleng nga ai shaloi, dai lam hpe sung sung myit yu mu.

YEREMIA 9:3

Shanhte gaw tut nawng masu magaw ga tsun na jin jin rai ma ai; teng man ai a malai n ding n man ai hte mungdan up ma ai. Dai Madu gaw, “Nye a amyu masha ni n hkru ai amu langai hpang langai galaw nna ngai hpe mung shanhte a Karai Kasang hku n yin la ma ai,” ngu nna tsun ai.

YOELA 1:5

Tsa chyaru ya ni e, yup hprang ai hte hkrap nga mu; sabyi lu nang ai ni e, jahtau hkrap nga mu; sabyi ntsin nnan galaw na sabyi si ni hten mat sai.

YONA 1:6

Li agyi wa dai yang e shi hpe mu nna shi hpe, “Nang hpa rai yup nga n ta? Rawt nna karum la lam a matu na a karai kaw akyu hpyi u. Shi mi she anhte hpe myit dum nna anhte a asak ni hpe shalawt la dam nhten,” ngu nna tsun wu ai.

MAHTE 22:29

Yesu htan let, shanhte hpe tsun mu ai gaw, “Nanhte gaw, Chyum Laika hpe mung, Karai Kasang a n-gun atsam hpe mung n chye ai majaw lam dam mat manit dai.

YAWHAN 5:14

Dai hpang Madu Yesu gaw, Nawku Htingnu e dai wa hpe mu hkrup nna, “Yu u, ya nang hkam kaja nit dai; shawng na hta grau sawng ai tsin-yam n hkrum n ga, yubak bai hkum galaw et,” ngu nna shi hpe tsun wu ai.

YAWHAN 8:11

Dai shaloi numsha gaw, “Madu e, kadai mung n jeyang ma ai,” ngu nna htan wu ai. Shaloi Yesu gaw, “Ngai mung nang hpe n jeyang na nngai; wa nu, ya kaw nna yubak bai hkum galaw nit,” ngu nna tsun dat wu ai.

KASA 26:8

Ya nang e nga nga ai nanhte Yuda masha ni Karai Kasang gaw si ai ni hpe jahkrung sharawt la ai ngu ai hpe hpa majaw n mai kam ai ngu nga myit ta?

ROMA 1:28

Dai masha ni gaw Karai Kasang hte seng ai teng man ai machye machyang shanhte a myit hta bang da na ningdang kau ma ai majaw shanhte n galaw ang ai n hpru n mai re ai amu galaw mu ga, Karai Kasang gaw shanhte hpe n san n seng ai myit mang lam ni hta nawng kau mu ai.

ROMA 13:11

Nanhte gaw yup nga ai kaw na su hprang wa ra ai ahkying aten du ra ai hpe chye nga myit dai majaw, ndai tsaw ra tara hpe hkan sa nga mu. Hpa majaw nga yang, anhte hkye hkrang la hkrum na shani ninghtoi gaw Madu Yesu hpe anhte kam sham hpang ai aten kaw nna sawn yang grau ni wa magang ra ai.

1 KORINHTU 4:14

Nanhte hpe kaya jahkrum na matu ndai lam ngai ka nngai n rai; ngai tsaw ngai ra ai nye a kashu kasha ni hpe zawn ngai nanhte hpe shadum jahprang made ai.

1 KORINHTU 6:5

Nanhte kaya myit ga she ndai lam ngai tsun nngai! Hkristan hpu nau shada amu rawng ai shaloi nanhte a kata hta tara jeyang daw dan ya lu ai hpaji byeng-ya rawng ai wa langai mi pyi n nga sani?

1 KORINHTU 8:7

Rai ti mung masha shagu wa dai chye ginhka ai machye machyang lu ma ai n rai. Masha nkau mi gaw sumla naw man mat ai ni rai lai wa sai majaw, dai ni du hkra hkungga nawng ai shahpa sha ai shaloi, dai gaw sumla hpe nawng ai lusha re ngu nna myit la ma ai. Shanhte a htauli htaula myit n-gun kya malu ai majaw, shanhte sha ai shahpa gaw shanhte hpe awu asin byin shangun nga ai ngu nna myit la ma ai.

EHPESU 5:14

Hpa majaw nga yang, asan sha shadan shadawng da ai arai ni gaw nhtoi tai nga ai. Dai majaw, “Yup pyaw ai wa e rawt u, si ai kaw na bai rawt wa nu; Hkristu gaw nang hpe jahtoi jaw na ra ai,” nga nna tsun ai.

1 HTESALONI 4:5

Karai Kasang hpe n chye ai maigan masha ni zawn ra kasit kayut ai myit n mai rawng ai.