1 KORINHTU 15:32 - Jinghpaw Common Language Bible 2009

³² Lama wa ngai shinggyim masha a maw mawn ai myit hte sha mungkan akyu hpe myit mada let Ehpesu Mare na matse labye dusat ni hte gasat hkat nngai rai yang gaw, nye a matu hpa akyu nga na a ta? Si mat ai ni bai n hkrung rawt wa na rai yang gaw, masha ni tsun ga ai ga, “Anhte lu ga, sha ga, pyaw pyaw rai nga ga, hpawt ni anhte si na ga ai,” nga ai hte maren sha rai na rai nga ai.

Jinghpaw Hanson Version Bible

³² Ngai gaw Ehpesu mare hta e masha ni zawn, matse labye hte gasat nngai rai timung, nye a matu hpa akyu nga a ta? Si mat ai ni bai n hkrung rawt wa na rai yang gaw, anhte sha ga, lu ga, hpawt ni she si na ga ai.

1 KORINHTU 15:32 ပူးပေါင်းရင်းမြစ်များ

YOBA 35:3

Shing n rai, “Nye a yubak gaw nang hpe gara hku akyu jaw a ta? Yubak n galaw ai majaw ngai hpa baw akyu hkam la nga a ni?,” nga nna Karai Kasang hpe san ai gaw n jaw nga ai.

SHAKAWN KUNGDAWN 73:13

Dai majaw, nye hkum ngai san seng hkra nga nna, yubak n galaw ai sha nga kau ai gaw kaman wa rai nga a ni?

HPAJI NINGLI 11:9

Ramma ni e, nanhte a ram prat hpe kabu gara nga mu. Ramma naw rai nga yang kabu gara nga mu. Nang galaw mayu ai amu hpa hpe mung galaw u. Na a myit sharawng awng ai hku hkan u. Rai ti mung nang galaw ai lam a majaw Karai Kasang nang hpe jeyang na ra ai hpe adum nga u.

HPAJI NINGLI 2:24

Anhte galaw lu ai kaja htum ai amu gaw lu lu sha sha hte anhte galaw lu ai amu hta kabu gara na lam sha rai nga ai. Ti mung, dai pyi Karai Kasang kaw na rai nga ai hpe ngai dum hprang nngai.

ESAIA 22:13

Shing rai na malai, nang gaw mani sumsai hte masat poi galaw nga ndai. Nang gaw sha na matu sagu, dumsu ni sat nna sabyi lu nga ndai. Nang gaw, “Anhte mung sha ga, lu ga! Hpawt ni sha anhte si wa na saga ai,” ngu nna tsun ndai.

ESAIA 56:12

Ndai chyaru ya ni gaw, ‘Anhte sabyi ntsin shapraw ga, anhte dang lu ai made yawng lu ga! Hpawt ni pyi gaw dai ni na hta grau pyaw na ra ai!,’” ngu nna tsun ma ai.

LUKA 12:19

Dai hpang, nye a myit masin hpe ning ngu na we ai, gam kaja ai masha wa e! Law law ning a matu nang ra ai arai kaja law law nang shinggyin da lu nit dai rai nna, asak hkrung ai lam hta asan apan rai nga nu, lu nu, sha nu, pyaw pyaw rai nga nu, ngu na we ai,’ nga nna shi hkum hpe shi tsun wu ai.

LUKA 9:25

Masha gaw, ndai mungkan ting hpe madu lu da nna, tinang dai hten byak sum mat yang gaw, shi a matu hpa akyu nga lu ta? Kaja wa akyu n nga na re ai.

KASA 18:19

Shanhte Ehpesu mare de du ma yang, Pawlu gaw Priskila yan Akula hpe dai mare hta shangam kau da wu ai. Shi gaw tara jawng de shang nna, Yuda masha ni hte tsun bawng hkat nga ai.

KASA 18:21

“Karai Kasang hkraw yang gaw, ngai nanhte hpang de bai du na ring ngai,” ngu nna shanhte hpe shakram da nhtawm, Ehpesu mare kaw na li hte pru mat wa ai.

KASA 19:1

Ya Apolo Korinhtu mare e nga nga yang, Pawlu gaw dai mungdaw a hkin-gau mayan lahta daw kaw nna kata maga hku ga sa wa ai hpang Ehpesu mare de du ai. Dai mare kaw shi sape nkau mi hpe hkrum ai rai nna,

ROMA 3:5

Rai ti mung, masha nkau mi gaw, anhte a n ding n hpring ai gaw Karai Kasang a ding hpring mai kaja ai hpe grau nna shapraw shadan dan ai n rai ni? Nga nna san na mara ai. Anhte kaning ngu htan na rai ta? Karai Kasang anhte hpe ari jaw ai shaloi-dai gaw Karai Kasang shi shut ai amu galaw nu ai, ngu nna anhte tsun lu na kun? (Shing nga ai gaw, masha ni tsun ga ai hte maren tsun dat ai sha rai nga ai.)

ROMA 6:19

(Nanhte gaw hkum shan hta gawng kya nna chye na na atsam nan n rawng nga myit dai majaw masha chye na loi ai shani shagu shaga ai baw ga hte tsun nngai.) Shawng de kalang mi nanhte gaw n hkru n kaja ai lam amyu myu galaw u ga nanhte a daw shan ni hpe awu asin re ai hte n hkru n shawp ai a lata de mayam tai na matu mahkra ap kau manit dai. Dai hte maren, ya e nanhte gaw san seng mai kaja ai amu galaw lu u ga, ding hpring ai a mayam ni tai na matu nanhte a daw shan ni mahkra hpe ap ya lu na rai myit dai.

1 KORINHTU 16:8

Pentekoti poi shani du hkra, Ehpesu Mare e ngai naw anga nga na nngai.

GALATI 3:15

Nye a hpu nau ni e, nanhte shani shagu hkrum kadup nga ai lam ni hta ga shadawn langai mi hpe la nna ngai tsun na; masha lahkawng gaw lam lama mi hta myit hkrum nna ga sadi masat laika ka da ngut ai shaloi, dai hpe kadai mung tawt lai lu ai n rai, shing n rai jat bang lu ai n rai.

2 PETRU 2:12

Rai ti mung ndai masha ni gaw hkwi rim la nhtawm sat kau na matu nga pra ai du sat chyazai ni zawn shanhte pyi n chye ai lam ni hpe hkritung myit hte roi asawng ai amu galaw ma ai. Shanhte gaw du sat chyazai ni zawn jahten shabya kau ai hkrum na mara ai.

YUDA 1:10

Rai ti mung ndai masha ni gaw shanhte n chye n chyang ai hpa hpe mung mara shagun shahpyak chye ma ai. Nam na dusat chyazai ni zawn shanhte a hkritung myit hte chye na lu ai arai ni mung shanhte hpe hten za sum hkrum shangun nga ma ai.