1 KORINHTU 15:30 - Jinghpaw Common Language Bible 2009

³⁰ Anhte mung hpa majaw hkying hkum shagu hkrit tsang hpa lam hta sak dan nna hkan nga ga ni?

Jinghpaw Hanson Version Bible

³⁰ Anhte mung hpa majaw hkying shagu hta e hkrit shara e shang nga ga ta?

1 KORINHTU 15:30 ပူးပေါင်းရင်းမြစ်များ

LUKA 8:23

Shing rai shanhte rap sa wa nga yang, Yesu yup pyaw nga ai. Akajawng sha grai ja ai nbung laru langai mi dai nawng ntsa de bung hkrat wa nna, li hta hka hpring wa nga ai majaw, shanhte lup magang wa nga ma ai.

1 KORINHTU 15:29

Si mat ai ni a matu mara shanhte a malai hku nna hkalup hkam la ai masha ni a lam gaw gara hku rai ta? Hpa akyu shabyin mayu ai myit mada let galaw ma ta? Nkau mi kam ai hte maren, si mat sai ni bai hkrung rawt ai lam n nga ai teng yang gaw, si mat sai ni a matu ngu nna hpa majaw masha ni hkalup hkam shajang ma ta?

1 KORINHTU 15:31

Hpu nau ni e ngai gaw shani shagu si hkrung si htan hte hkrum kadup nga nngai! Ngai ndai zawn tsun lu ai gaw dai Madu hta nanhte a jaw e ngai kabu gumrawng nga ai majaw re.

2 KORINHTU 6:9

Anhte gaw gade e me n dum n chye ai ni zawn rai ga ti mung kajai gumhkawng ai ni, masha jasi ni zawn rai ga ti mung ya nanhte mu lu ai hte maren, anhte ahkrung nga ga ai. Ari hkrum ga ai rai ti mung, anhte sat kau ai n hkrum ga ai.

GALATI 5:11

Rai ti mung hpu nau ni e, matu gadoi hkam ai lam ra ahkyak ai nga nna ngai naw matut hkaw nga ai teng yang gaw, hpa majaw zingri zingrat ai ngai naw hkrum nga nngai kun? Shing rai hkaw tsun ai ngu ai lama teng ai rai yang gaw, Hkristu hte seng ai mung sumtu hpe ngai hkaw tsun ai majaw ru yak kyin dut hkrum na nngai n rai.