1 KORINHTU 15:29 - Jinghpaw Common Language Bible 2009

²⁹ Si mat ai ni a matu mara shanhte a malai hku nna hkalup hkam la ai masha ni a lam gaw gara hku rai ta? Hpa akyu shabyin mayu ai myit mada let galaw ma ta? Nkau mi kam ai hte maren, si mat sai ni bai hkrung rawt ai lam n nga ai teng yang gaw, si mat sai ni a matu ngu nna hpa majaw masha ni hkalup hkam shajang ma ta?

Jinghpaw Hanson Version Bible

²⁹ Dai hta kaga, si mat ai ni a matu mara baptisma hkam la ai ni gaw, kaning rai galaw nga ma ta? Si mat ai ni gaja wa bai n rawt ma yang gaw, shanhte a matu mara hpa majaw baptisma hkam la ma ta?

1 KORINHTU 15:29 ပူးပေါင်းရင်းမြစ်များ

MAHTE 20:22

Yesu gaw dai kasha yan hpe, “Nanhte hpa hpyi nga ai hpe nanhte n chye myit dai; ngai lu magang nga ai nni nkri gawm hpe nanhte lu lu na rai nga myit ni?,” ngu nna htan wu ai. Shan gaw, “An rai lu na ga ai,” ngu mu ai.

MAHTE 3:6

Shanhte gaw tinang a yubak mara ni hpe shapraw shadan yin la ma ai majaw, Yawhan gaw shanhte hpe Yawdan hka hta hkalup jaw mu ai.

1 KORINHTU 15:16

Lama wa Karai Kasang gaw si mat ai ni hpe bai n jahkrung sharawt a yang gaw, Hkristu mung bai hkrung rawt wa sai n rai.

1 KORINHTU 15:28

Rai ti mung, yawng mayawng hte hpe Hkristu a up hkang ai npu e tawn da ngut ai shaloi, dai Kasha wa shi hkum nan arai yawng mayawng hpe Kawa Karai Kasang a npu e tawn da na ra ai rai nna, Karai Kasang gaw nga manga hte a ntsa e awm dawm up madu na ra ai.

1 KORINHTU 15:30

Anhte mung hpa majaw hkying hkum shagu hkrit tsang hpa lam hta sak dan nna hkan nga ga ni?

1 KORINHTU 15:32

Lama wa ngai shinggyim masha a maw mawn ai myit hte sha mungkan akyu hpe myit mada let Ehpesu Mare na matse labye dusat ni hte gasat hkat nngai rai yang gaw, nye a matu hpa akyu nga na a ta? Si mat ai ni bai n hkrung rawt wa na rai yang gaw, masha ni tsun ga ai ga, “Anhte lu ga, sha ga, pyaw pyaw rai nga ga, hpawt ni anhte si na ga ai,” nga ai hte maren sha rai na rai nga ai.