1 KORINHTU 15:28 - Jinghpaw Common Language Bible 2009

²⁸ Rai ti mung, yawng mayawng hte hpe Hkristu a up hkang ai npu e tawn da ngut ai shaloi, dai Kasha wa shi hkum nan arai yawng mayawng hpe Kawa Karai Kasang a npu e tawn da na ra ai rai nna, Karai Kasang gaw nga manga hte a ntsa e awm dawm up madu na ra ai.

Jinghpaw Hanson Version Bible

²⁸ Yawng mayawng hte hpe shi a npu e tawn da ngut yang, shi a npu e yawng mayawng hte hpe tawn da ai wa a npu e mung, dai Kasha nan tawn da ai hkrum na ra ai rai nna, Karai Kasang gaw yawng mayawng hta e baw sumhpa tai na ra ai.

1 KORINHTU 15:28 ပူးပေါင်းရင်းမြစ်များ

SHAKAWN KUNGDAWN 18:39

Nang ngai hpe majan a matu n-gun jaw ya nga ndai; nye a gumlau hpyen ni a ntsa e, awng padang lu shangun nga ndai.

SHAKAWN KUNGDAWN 18:47

Shi gaw nye a gumlau hpyen ni a ntsa e, dang lu na awng padang ngai hpe jaw ya nga ai; nye a npu e, amyu baw ni hpe shi ap ya ni ai

YAWHAN 14:28

‘Ngai wa nna, nanhte kaw bai sa na ring ngai,’ ngu nna ngai nanhte hpe tsun ai gaw, nanhte na manit dai, nanhte ngai hpe tsaw ra myit dai rai yang gaw, Wa hpang de ngai wa ai majaw, nanhte kabu na rai myit dai; hpa majaw nga yang, Wa gaw ngai hta grau kaba nga ai.

1 KORINHTU 11:3

Rai ti mung, lasha nlang hte a baw gaw, Hkristu rai nga ai, numsha a baw chyawm gaw lasha rai nga ai, Hkristu a baw chyawm gaw Karai Kasang rai nga ai lam ngai nanhte hpe chye na shangun mayu made ai.

1 KORINHTU 12:6

Magam gun hpai na atsam amyu myu nga ai, rai ti mung yawng mayawng hpe tinang gun hpai daw jau nga ai laksan amu a matu atsam jaw ai Karai Kasang gaw langai sha rai nga ai.

1 KORINHTU 15:29

Si mat ai ni a matu mara shanhte a malai hku nna hkalup hkam la ai masha ni a lam gaw gara hku rai ta? Hpa akyu shabyin mayu ai myit mada let galaw ma ta? Nkau mi kam ai hte maren, si mat sai ni bai hkrung rawt ai lam n nga ai teng yang gaw, si mat sai ni a matu ngu nna hpa majaw masha ni hkalup hkam shajang ma ta?

1 KORINHTU 3:23

Nanhte hpe Hkristu madu nga nna, Hkristu hpe chyawm gaw Karai Kasang madu nga ai.

EHPESU 1:23

Dai hpung gaw yawng mayawng hpe jahpring shatsup ya ai wa a hkum tsup ngu ai Hkristu a hkum hkrang rai nga ai.

HPILIPI 3:21

Shi gaw arai yawng mayawng hte hpe shi a npu e tawn da lu ai hpung shingkang daru magam atsam hte anhte a si chye ai hkum hkrang ni hpe galai kau nna shi a hpung shingkang rawng ai hkum hkrang hte bung hkra galai shachyaw ya na ra ai.

KOLOSE 3:11

De a majaw, Heleni masha hte Yuda masha, matu gadoi hkam ai wa hte matu gadoi n hkam ai wa, karing karang masha, masha chyazai chyalam ni, mayam ni, shanglawt masha ni ngu nna shanhte a lapran e naw ginhka chyai nga na lam mi n nga sai. Hkristu gaw nanhte yawng mayawng a kraw lawang hta shanu nga ai rai nna Hkristu gaw yawng mayawng hta ahkyak dik ai wa mung rai nga ai.