1 KORINHTU 15:26 - Jinghpaw Common Language Bible 2009

²⁶ Hpang jahtum na hpyen wa ngu ai si hkrung si htan gaw yeng seng kau ai hkrum na ra ai.

Jinghpaw Hanson Version Bible

²⁶ Hpang chyahtum na hpyen wa ngu ai, si hkrung si htan gaw, yeng kau ai hkrum na ra ai.

1 KORINHTU 15:26 ပူးပေါင်းရင်းမြစ်များ

ESAIA 25:8

Dai Tsaw Htum ai Madu gaw si hkrung si htan hpe htani htana jahten kau na ra ai! Shi gaw masha shagu a myi ni kaw na hkrat ai myi prwi ni hpe katsut kau ya nna, shi a amyu masha ni mungkan ting hta hkrum sha lai wa sai kaya kahpa hpe mung la kau ya na ra ai. Dai Madu shi nan tsun nu ai.

HOSEA 13:14

Ndai amyu masha ni hpe katsan ga kaw nna hkye la na n rai; si du a lata kaw nna mung shanhte hpe mawai la na n rai. Sidu e, na a ana zinli woi shapraw dat u! Katsan ga e, na a hten byak lam shapraw dat u! Ndai amyu masha ni hpe ngai galoi mung matsan yu dum na nngai n rai.

LUKA 20:36

Shanhte gaw lamu kasa ni hte bung na mara ai rai nna, si hkrung si htan ngu ai shanhte hta nga sana n rai. Shanhte gaw si ai kaw na Karai Kasang e jahkrung sharawt la hkrum ai re ai majaw, Karai Kasang a kasha ni rai nga ma ai.

1 KORINHTU 15:55

“Si hkrung si htan e, na a padang ninghkaw kanang nga nga a ta? Si hkrung si htan e, na a palen kanang nga nga a ta?,”

2 TIMOHTI 1:10

Rai ti mung ya gaw, anhte a hkye hkrang la ai Madu Hkristu Yesu du sa ai aten e, dai lam anhte hta shadan dan dat mani ai. Shi gaw si hkrung si htan a atsam hpe yeng seng kau nna, dai Kabu Gara Shiga hku nna n si n mat ai asak hkrung lam hpe shadan dan dat nu ai.

HEBRE 2:14

Kasha ni ngu nna shi shanhte hpe shamying wu ai hte maren, asai ashan dagraw ai masha ni rai nga ma ai. Yesu shi hkum nan mung shanhte zawn asai ashan dagraw ai shinggyim masha hkum hkrang rau rum hkam la wu ai. Shing rai hkam la ai lam gaw si hkrung si htan hpe up ai nat wa a atsam hpe jahten shabyak kau na matu rai nga ai.

SHINGRAN 20:13

Dai hpang, panglai gaw tinang hta rawng ai masha chyasi ni hpe bai dat ya wu ai. Si hkrung si htan hte si ai ni nga ai katsan ga mung, shanhte hta rawng ai masha chyasi ni hpe bai dat ya mu ai. Shanhte gaw tinang galaw lai wa sai arawn alai hte maren, tara daw dan ai hkrum ma ai.

SHINGRAN 20:14

Shaloi si hkrung si htan hte si ai ni a katsan ga gaw, wan nawng hta jahkrat bang kau ai hkrum ma ai. (Dai wan nawng gaw lahkawng lang ngu na si ai lam rai nga ai.)

SHINGRAN 21:4

Shi gaw shanhte a myi hta na myi prwi pru mapru yawng katsut kau ya na ra ai: htawm hpang de si hkrung si htan ngu ai n nga lu na sai; sharung shayawt, hkrap ngu hkrap ngoi ai hte machyi makaw, hki si ba si ai mung n nga lu na sai. Shawng na byin ga ai lam dingsa nga manga hte gaw hkoi mat wa sai,” nga nna tsun ai.