1 KORINHTU 15:24 - Jinghpaw Common Language Bible 2009

²⁴ Dai hpang e jahtum ladaw du na ra ai; dai shaloi e Hkristu gaw up madu sha nga ai wenyi minla ni, ahkang aya lu ai ni hte hpung dagu yawng mayawng hte hpe dang kau nna, dai mungdan hpe Kawa Karai Kasang a lata de ap ya na ra ai.

Jinghpaw Hanson Version Bible

²⁴ dai hpang e chyahtum ladaw du na ra ai; dai shaloi e shi gaw Kawa Karai Kasang kaw dai mungdan hpe ap ya na ru ai rai nna, du aya yawng mayawng mung, up ai ahkang hte hpung shingkang yawng mayawng hpe mung, shi yeng kau ngut nu ai:

1 KORINHTU 15:24 ပူးပေါင်းရင်းမြစ်များ

ESAIA 9:7

Shi a hkawseng daru magam n-gun gaw matut nna galu kaba wa na ra ai; shi a mungdan tut nawng ngwi pyaw sim sa na ra ai. Shi gaw Hkawhkam Dawi a hkringhtawng dagraw ai wa zawn up hkang nna, shi a daru magam n-gun gaw ding man ai hte teng man rap ra ai hta rudi nga ai rai nna, ya kaw nna jahtum ai aten du hkra agrin nga na ra ai. Chyahtum Chyalai N-gun rawng ai dai Madu gaw ndai amu yawng galaw na matu daw dan da nga sai.

Daniela 12:13

“Daniela e, nang mung jahtum du hkra sadi sahka nga u. Dai hpang nang si mat na ndai; rai ti mung nang bai rawt wa nna hpang jahtum na aten hta na a kumhpa hkam la lu na rin dai.”

Daniela 12:4

Shi gaw ngai hpe, “Daniela e, ya chyawm gaw mungkan ga htum mat ai aten du hkra, dai laika hpe la kau nna, de a ntsa e dazik dawk da u. Dai aten laman hpa byin nga ai lam chye na hkawn hkrang wa lu hkra nga, masha law law gaw shanhte shakut shaja ai amu hta aten shama kau na mara ai,” ngu nna tsun wu ai.

Daniela 12:9

Shi gaw, “Daniela e, nang ya jang sa wa lu na rai ndai. Ndai ga ni hpe ip da ra nga ai majaw hpang jahtum ai aten du hkra makoi da ra nga ai.

Daniela 2:44

Ndai mung du ni up hkang ai aten hta, sumsing lamu a Karai Kasang gaw galoi mung htum ngu n nga ai mungdan langai de da na ra ai. Dai gaw galoi mung ka-up la hkrum na ra ai n rai, rai ti mung dai gaw ndai hkawseng mungdan ni yawng hpe tsep kawp shamyit kau ai hpang e sha htani htana agrin nga na ra ai.

Daniela 7:14

Shi gaw ahkang aya, shagrau sha-a ai hte hkawhkam a daru magam jaw shagrau hkrum ai wa rai nna, amyu baw ni yawng a masha ni yawng mung, amyu bawsang ni hte ga amyu myu shaga ai ni yawng mung shi hpe daw jau na mara ai. Shi a ahkang aya gaw htani htana agrin nga nna, shi a mungdan htum mat na ra ai n rai.

Daniela 7:27

Ginding aga ntsa na mungdan ni yawng a daru magam n-gun hte galu kaba ai lam gaw Tsaw Htum ai Karai Kasang a amyu masha ni a lata de ap kau ai hkrum na ra ai. Shanhte a hkawhkam daru magam n-gun gaw galoi mung htum mat na ra ai n rai; Ginding aga ntsa na up hkang du ni yawng mayawng mung shi hpe daw jau ai hte shi a ga madat mara na mara ai.

MAHTE 10:22

Nye a majaw masha shagu gaw nanhte hpe n dawng n wawm na mara ai. Rai ti mung, htum hkra shakut sharang ai wa gaw, hkye hkrang la ai hkrum na ra ai.

MAHTE 11:27

Nye Wa gaw arai yawng mayawng ngai hpe ap ya ni ai; Wa hta kaga, dai Kasha hpe kadai mung n chye lu ai: dai Kasha hte, dai Kasha shadan dan mayu ai ni hta kaga kadai n chye lu ai.

MAHTE 24:13

Rai ti mung jahtum du hkra shakut sharang ai wa gaw hkye hkrang la ai hkrum na ra ai.

MAHTE 28:18

Yesu gaw sape ni hpang de sit sa wa nna, “Sumsing lamu hta e mung, ginding aga hta e mung, up hkang na ahkang nlang hte ngai hpe ap ya ni ai.

LUKA 10:22

“Nye Wa gaw arai yawng mayawng ngai hpe ap ya ni ai, Kasha wa kadai rai nga ai hpe Wa hta kaga kadai mung n chye ai, Wa kadai re ai mung, Kasha wa hte dai Kasha e shadan dan na matu lata la ai wa hta kaga kadai mung n chye nga ai.”

YAWHAN 13:3

Yesu gaw Kawa e shi a lata de nga yawng nga pra a ntsa e ahkang aya yawng ap ya sai hpe mung, bai shi gaw Karai Kasang kaw na shi pru sa nna Karai Kasang hpang de bai wa na rai nga ai mung, chye wu ai.

YAWHAN 3:35

Kawa gaw Kasha hpe tsaw ra wu ai rai nna ahkang aya yawng mayawng shi a lata hta ap ya nu ai.

ROMA 8:38

Hpa majaw nga yang, si ti mung prawn ti mung, lamu kasa rai ti mung, tawa magam ya e nga ai arai, htawm e du na arai hte

EHPESU 5:20

Anhte a Madu Yesu Hkristu a mying ningsang gang nna lam shagu a matu Kawa Karai Kasang a chyeju hpe tut nawng e shakawn kungdawn nga mu.

KOLOSE 2:10

Nanhte gaw shi hta hkrung nga ai marang e hkum tsup ai asak hkrung lam lu la manit dai. Dai Madu gaw lamu ganghkau hte mungkan ga hte n-gun atsam rawng ai ni hte ahkang aya lu ai ni yawng hpe up ai grau htum ai wa rai nga ai.

KOLOSE 2:15

Dai wudang ntsa e Hkristu gaw lamu hte aga ntsa na n-gun atsam rawng ai ni hte ahkang aya lu ai yawng hte hpe htawk jahkrat yeng seng kau nhtawm, shanhte hpe bawng masha shatai kau nna padang dip yan hkawm ai a hpang e hkan nang shangun ai hte shawa masha ni e jawm yu ai masha ni shatai kau nu ai.

1 TIMOHTI 6:15

Langai sha rai nga ai daru magam hpung shingkang rawng nna up hkang ai wa, hkawhkam ni a Hkawhkam Madu ni a Madu, Karai Kasang gaw, aten ladaw du jang Madu Yesu hpe kalang mi bai dan pru shangun na ru ai.

1 PETRU 4:7

Arai yawng mayawng a hpang jahtum ai aten gaw ni wa magang ra ai, Dai re ai majaw nanhte gaw akyu hpyi lu na matu tinang hkum hpe hkang da nna su hprang let majen maja nga mu.

2 PETRU 1:11

Dai lam hku hkan sa myit yang gaw, anhte a Madu hte hkye hkrang la ai Yesu Hkristu a htani htana re ai mungdan de shang lu na ahkang nanhte hpe hpring hpring tsup tsup jaw ya na marin dai.