1 KORINHTU 15:23 - Jinghpaw Common Language Bible 2009

²³ Rai ti mung, langai hte langai tinang ang ai hku hkrung rawt wa na mara ai; Hkristu gaw yawng a shawng e hkrung rawt wa ai, dai hpang Hkristu bai du sa ai shaloi e, shi hte seng ai ni hkrung rawt wa na mara ai.

Jinghpaw Hanson Version Bible

²³ Rai timung, langai hte langai tinang ang ai hku hte maren rai wa na ra ai: Hkristu gaw shawng si ai asi rai nga ai; dai hpang, Hkristu bai du ai ladaw e shi hte seng ai ni hkrung wa na mara ai;

1 KORINHTU 15:23 ပူးပေါင်းရင်းမြစ်များ

ESAIA 26:19

Si mat sai anhte a amyu masha ni bai hkrung wa na mara ai! Shanhte a hkum hkrang ni hta asak bai rawng wa na ra ai. Shanhte a lup sung hku ni hta yup pyaw nga ai ni yawng hprang wa nna kabu gara mahkawn mangoi wa na mara ai. Htoi tu kabrim ai numri gaw ginding aga hpe n-gun awai ya ai zawn, dai Madu gaw moi chyaloi nhkoi kaw nna si mat sai ni hpe jahkrung la na ra ai.

MAHTE 16:27

Hpa majaw nga yang, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe htang na ra ai.

MAHTE 16:28

Ngai nanhte hpe teng teng tsun made ga, nang e tsap nga ai ni nkau mi, dai Masha Kasha gaw Hkawhkam hku du sa wa ai hpe garai n mu mu gaw, si ai n hkrum na ma ai,” ngu mu ai.

KASA 26:23

Meshia gaw nni nkri hkrum lu na hte si ai ni kaw na shawng hkrung rawt wa nna, Israela amyu masha ni hte maigan masha ni hpe hkye hkrang la ai nhtoi hkaw tsun shana ya na ra ai ngu ai lam myihtoi ni hte Mawshe hkaw tsun lai wa sai hte maren byin wa na ra ai ngu ai lam rai nga ai,” ngu wu ai.

1 KORINHTU 15:20

Rai ti mung, teng teng byin ai lam gaw, Hkristu gaw si mat ai ni kaw na bai hkrung rawt wa sai rai nna, yup pyaw mat wa sai ni bai hkrung rawt wa na mara ai lam pahkam hkam ai lam lu la saga ai.

1 KORINHTU 15:52

Rai ti mung, hpang jahtum na pahtau ngoi ai shaloi e, akajawng sha, myi grip mi laman hta e, anhte yawng hte gaw galai mat wa na ga ai; hpa majaw nga yang, dai pahtau dum dat ai shaloi si mat ai ni gaw n hten n mat ai sha bai hkrung rawt wa na mara ai hte, galoi mung bai si sana n rai. Anhte yawng galai mat wa na ga ai.

1 KORINHTU 3:23

Nanhte hpe Hkristu madu nga nna, Hkristu hpe chyawm gaw Karai Kasang madu nga ai.

1 KORINHTU 6:14

Karai Kasang gaw dai Madu hpe si ai kaw na hkrung sharawt wu ai rai nna, anhte hpe mung shi a n-gun atsam hte hkrung sharawt na mi ai.

2 KORINHTU 10:7

Nanhte gaw hpa lam hpe mung ntsa lam hku sha yu nga myit dai; “Ngai gaw Hkristu hte seng ai wa rai nngai,” nga nna tinang hkum hpe myit nawn ai wa langai ngai nga a ni? Lama nga ai rai yang, kalang mi bai shi hkum hpe shi sumru yu u ga. Hpa majaw nga yang, shi gaw Hkristu a maga na masha rai nga ai hte maren, anhte mung Hkristu a maga na masha ni rai nga ga ai.

GALATI 3:29

Ya nanhte gaw Hkristu hte seng ai ni rai nga myit yang gaw, nanhte Abraham a aru arat ni rai nga myit dai hte, dai ga ndat nga ai hte maren Karai Kasang kaw na sali wunli hkam la lu na ni rai myit dai.

GALATI 5:24

Hkristu Yesu hte seng ai ni chyawm gaw tinang a hkum shan myit hpe mung, myit kayut ai hte marin marit ai hte nawng wudang hta jen sat kau manu ai.

HPILIPI 3:11

Shaloi she ngai gaw si ai ni a bai hkrung rawt na lam hta lawm lu na nngai ngu nna ngai myit mada nga nngai.

1 HTESALONI 2:19

Anhte a Madu Yesu bai du sa ai shaloi, shi a man e kaga kadai n rai, nanhte hpe sha mahta nna anhte a myit mada shara, kabu gara shara hte awng dang ai lam a matu gumrawng na janmau rai nga ai.

SHINGRAN 1:5

Kangka re ai sakse wa, si mat ai ni hta na shawng numshawn hkrung rawt wa ai wa, dinghta ga na hkawhkam ni hpe up ai Madu Yesu Hkristu kaw nna mung, chyeju hte ngwi pyaw ai gaw nanhte hta anga nga malit ga law. Anhte hpe tsaw ra nna, shi hkum nan hpe hkungga nawng si hkam ai hte anhte a yubak kaw na raw dat mi ai hte,