1 KORINHTU 15:22 - Jinghpaw Common Language Bible 2009

²² Masha yawng mayawng gaw Adam hte langai sha rai nga ma ai majaw si ma ai. Dai hte maren, Hkristu hte langai sha rai nga ma ai majaw, yawng mayawng gaw si ai kaw na Hkristu hta e bai hkrung rawt wa na mara ai.

Jinghpaw Hanson Version Bible

²² Yawng mayawng gaw Adam hta e si mat wa ai hte maren, yawng mayawng gaw Hkristu hta e bai hkrung wa na mara ai.

1 KORINHTU 15:22 ပူးပေါင်းရင်းမြစ်များ

NINGPAWT NINGHPANG 2:17

rai ti mung kaja ai hte n kaja ai hpe chye ginhka shangun ai hpun hta na asi hpe chyawm gaw nang n sha lu na ndai. Dai hpun kaw na nang sha ai rai yang, dai shani jang nang si na rin dai,” ngu nna tsun wu ai.

NINGPAWT NINGHPANG 3:19

Ga hte nang shachyaw da ai hkrum nga ndai majaw ga de nang bai nhtang wa ai aten du hkra, ga kaw nna hpa hpe mung tu shaprut lu na matu nang gaw salu salat hte bungli shaja sha ra na ndai. Nang gaw ga hte shachyaw da nga ndai majaw ga bai tai na rin dai,” ngu nna tsun wu ai.

NINGPAWT NINGHPANG 3:6

Dai hpun gaw kade wa tsawm nga ai mung, de a asi hpe sha dat yang kade wa mai kaja nga ai mung, dai gaw hpaji rawng ai wa tai wa yang kade sha mauhpa rai nga ai hpe shi myit lu nga ai hpe mung, dai numsha mu wu ai. Dai majaw dai hpun hta na asi di la nna sha wu ai. Dai hpang shi gaw nkau mi hpe shi a madu wa hpe jaw wu ai rai nna shi mung sha kau nu ai.