1 KORINHTU 15:18 - Jinghpaw Common Language Bible 2009

¹⁸ Dai hta kaga Hkristu hpe kam sham nna si mat wa ai ni mung sum mat hkrum sai lachyum rai nga ai.

Jinghpaw Hanson Version Bible

¹⁸ Dai hta kaga, Hkristu hta e yup pyaw mat ai ni mung sum mat ai hkrum masai.

1 KORINHTU 15:18 ပူးပေါင်းရင်းမြစ်များ

KASA 7:60

Bai hput di let, “Madu e ndai mara shanhte hpe hkum shagun ya et,” nga nna nsen kaba hte jahtau wu ai, dai tsun ngut jang shi nsa hti mat ai.

1 KORINHTU 15:6

Dai hpang lang lata sha shi a hpang hkan nang ai hpu nau manga tsa jan kaw dan pru wu ai. Shanhte hta na malawng maga ya du hkra naw hkrung nga shajang ma ai; nkau mi chyawm gaw yup pyaw mat wa masai.

1 HTESALONI 4:15

Ya e lawu de na nanhte hpe anhte sharin ya nga ai lam gaw Madu Yesu a sharin shaga ai lam rai sai. Madu bai du sa ai shani e, anhte naw hkrung nga ai ni gaw si mat ai ni a shawng numshawn de loi mi pyi shawng magang lu na ga ai n rai.

1 HTESALONI 4:16

Dai Madu a jahtau garu ai hte hkang da ai ga, lamu kasa agyi a nsen, Karai Kasang a pahtau nsen hte Madu shi nan sumsing lamu kaw nna yu hkrat wa na ra ai. Hkristu hpe kam sham nna si mat wa ai ni gaw shawng numshawn e hkrung rawt wa na mara ai.

SHINGRAN 14:13

Dai hpang sumsing lamu kaw nna, “Ka da u: ya kaw nna Madu a magam bungli hpe gunhpai let si wa ai ni gaw a lu ma ai!,” nga ai nsen langai mi ngai na nngai. Wenyi mung, “Rai sa! Shanhte a amu bungli galaw shakut shaja ai kaw na hkring sa ai lam lu la na mara ai. Hpa majaw nga yang, shanhte galaw ai amu bungli a akyu gaw, shanhte kaw hkan nang nga ai,” nga nna tsun ai.