1 KORINHTU 15:12 - Jinghpaw Common Language Bible 2009

¹² Ya, Hkristu gaw si mat ai ni kaw na bai hkrung rawt wa sai lam hpe anhte hkaw tsun dan nga yang, si mat wa ai ni a bai hkrung rawt wa ai lam n nga ai, nga nna nanhte hta na nkau mi kaning rai tsun lu nga myit ta?

Jinghpaw Hanson Version Bible

¹² Ya Hkristu gaw si mat ai ni kaw na bai hkrung rawt wa sai, hkaw dan nga ga yang, si mat ai ni a bai hkrung rawt wa ai lam n nga ai, nga nna nanhte hta na nkau mi kaning rai tsun lu nga myit ta?

1 KORINHTU 15:12 ပူးပေါင်းရင်းမြစ်များ

KASA 17:32

Si ai kaw na bai hkrung rawt wa ai nga ai lam, Pawlu tsun ai hpe shanhte na jang shanhte hta na nkau mi gaw jahpoi asawng ma ai. Rai ti mung nkau mi gaw, “Ndai lam hte seng nna nang tsun ai hpe anhte kalang mi naw na mayu ga ai,” ngu nna tsun ma ai.

KASA 23:8

Hpa majaw nga yang, Saduke ni mahtang masha ni gaw si ai kaw na bai n hkrung rawt wa ai, lamu kasa mung, Wenyi mung n nga ai, nga nna tsun ma ai, rai ti mung Hparishe ni gaw dai masum hte nga ai lam kam ma ai.

KASA 26:8

Ya nang e nga nga ai nanhte Yuda masha ni Karai Kasang gaw si ai ni hpe jahkrung sharawt la ai ngu ai hpe hpa majaw n mai kam ai ngu nga myit ta?

1 KORINHTU 15:11

Dai rai nna, ngai rai ti mung, kaga kasa ni rai ti mung, ndai mungga hpe sha anhte hkaw tsun ndau ga ai hte, nanhte mung dai Kabu Gara Shiga hpe kam sham manit dai.

2 HTESALONI 2:17

nanhte hpe galoi mung mai kaja ai lam tsun shaga galaw gunhpai nga lu myit ga n-gun jaw shangang shakang ya u ga law.

2 TIMOHTI 2:18

Shanhte gaw dai teng man ai lam hta na yit mat wa nna anhte a hkrung rawt wa ai lam gaw byin ngut sai nga nna tsun ai hte nkau mi a kam sham ai lam hpe shanut jahtum ya nga ma ai.