1 KORINHTU 15:10 - Jinghpaw Common Language Bible 2009

¹⁰ Rai ti mung, Karai Kasang a chyeju majaw, ngai gaw ngai wa rai nga nngai; ngai hpe Karai Kasang jaw ai chyeju mung kaman lila n rai nga ai sha, kaga kasa ni yawng hta, ngai grau nna bungli galaw gun hpai shaja nngai. Shing rai galaw lu ai gaw, nye a atsam majaw n rai, ngai hte rau amu galaw nga ai Karai Kasang a chyeju a majaw rai nga ai.

Jinghpaw Hanson Version Bible

¹⁰ Rai timung, ngai rai nga nngai hte maren, Karai Kasang a chyeju majaw ngai rai nga nngai; ngai hkam la ai shi a chyeju gaw, ngai hta e kaman lila n rai nga ai sha, shanhte nlang hte hta ngai grau nna bungli gun hpai nngai; dai gaw ngai n rai, ngai hte rau anga nga ai Karai Kasang a chyeju sha rai nga ai.

1 KORINHTU 15:10 ပူးပေါင်းရင်းမြစ်များ

MAHTE 10:20

Hpa majaw nga yang, nanhte tsun na ga ni gaw nanhte a ga ni n rai, nanhte a Kawa a Wenyi gaw nanhte hta ga tsun nga na ra ai.

MAHTE 25:16

Shaloi jang gumhpraw joi manga lu ai wa gaw pru sa nna, dai hte hpaga ga wu yang, kaga joi manga myat la nu ai.

ROMA 11:1

Dai rai nna ngai san yu n ga, Karai Kasang gaw shi a amyu masha ni hpe kabai kau nu ni? Shing n rai law! Ngai hkum nan Israela masha rai nga nna, Abraham a aru arat hte Benyamin a bawsang rai nga nngai.

ROMA 12:3

Dai rai nna, kadai mung tinang hkum hpe mai myit ai hta jan nna nau wa n rai dum na matu Karai Kasang ngai hpe jaw ai Wenyi chyeju kumhpa a marang e nanhte langai hte langai hpe ngai htet shana dat nngai. Shing rai na malai nanhte langai hte langai hpe makam masham ren di nna garan jaw da sai hte maren tinang a hkum hpe sari rawng ai hku myit yu nna daw dan la u ga

1 KORINHTU 15:11

Dai rai nna, ngai rai ti mung, kaga kasa ni rai ti mung, ndai mungga hpe sha anhte hkaw tsun ndau ga ai hte, nanhte mung dai Kabu Gara Shiga hpe kam sham manit dai.

1 KORINHTU 15:2

Dai Kabu Gara Shiga gaw ngai nanhte hpe hkaw dan yu sai mungga rai nga ai. Nanhte gaw dai Kabu Gara Shiga hpe ngang ngang kang kang kam sham manoi manat ai rai yang, nanhte hkye hkrang la ai hkrum na rai nga ai. Dai n rai yang nanhte a kam sham ai gaw kaman lila kam sham ai lam sha rai na rai nga ai.

1 KORINHTU 3:10

Karai Kasang ngai hpe jaw ai chyeju kumhpa hpe lang let, hpaji rawng ai nta shachyaw ai wa zawn, ngai npawt nhpang gaw jahkrat da se ai; kaga masha langai mi gaw dai hta e gaw kahtap nga ai. Rai ti mung gaw kahtap ai ni langai hte langai gaw, tinang gara hku gaw kahtap ai hpe sadi sahka hte yu yu nga u ga.

1 KORINHTU 3:6

Ngai gaw nli tum hkai da nngai, Apolo gaw hka jaw wu ai, Karai Kasang e she tu shangun nga ai.

1 KORINHTU 4:7

Kadai wa mi nang hpe masha kaga hta grau shangun nga a ta? Nanhte lu ai yawng mayawng hte gaw Karai Kasang jaw ai n rai ni? Dai re ai mi nanhte hkam la lu ai arai ni gaw Karai Kasang kaw na hkam la lu ai chyeju kumhpa n re ai zawn nanhte gumrawng ai gaw, kaning re ai rai ta?

2 KORINHTU 12:11

Ngai gaw angawk ai wa zawn rai nga nngai. Nanhte mahtang ngai hpe dai zawn rai shangun manit dai. Nanhte ni mahtang ngai hpe tau madi shadaw ai lam madun ang ai ni rai nga myit dai. Hpa majaw nga yang, ngai gaw hpa n re ai wa rai nga yang pyi gaw, nanhte a laksan ahkyak shatai ai “Kasa ni” hta gara hku nna mung n grit nga nngai.

2 KORINHTU 3:5

Anhte gaw ndai amu hpe galaw lu ga ai ngu nna tsun lu na anhte hta hpa atsam marai mung n rawng ga ai. Anhte lu ai atsam mahtang gaw Karai Kasang kaw na rai nga ai.

2 KORINHTU 6:1

Nanhte gaw Karai Kasang a chyeju hkam la ai ni rai nga myit dai hte maren dai chyeju hpe lahpawt lama n di kau myit ga, anhte Karai Kasang a shingdep shingtau ni hku nna nanhte hpe hpyi lajin dat ga ai.

GALATI 2:8

Hpa majaw nga yang, Karai Kasang a n-gun atsam hte Petru hpe Yuda masha ni a matu kasa aya hte dang da sai hte maren, ngai hpe mung maigan amyu ni a matu mara kasa aya hta dang da ni ai.

HPILIPI 2:13

Hpa majaw nga yang Karai Kasang gaw shi a myit ra yaw shada ai lam hta madat mara hkan sa mayu ai myit hte hkan sa shangun lu ai atsam nanhte lu la mu ga Karai Kasang gaw nanhte hta e shachyen shaja nga ai.

HPILIPI 4:13

Ngai hpe n-gun shaja ya ai Hkristu a majaw yawng mayawng hpe ngai galaw lu nngai.

1 HTESALONI 5:12

Hpu nau ni e, nanhte kaw magam gun hpai nga ai ni, nanhte hpe lam madun sharin achyin na matu Karai Kasang e lata san da sai ni hpe atsawm sha galaw ang ai hte maren hkungga lara nga mu, grau nna anhte shadut jahkat dat ga ai.

1 TIMOHTI 4:10

Shinggyim masha yawng hte, grau nna kam sham ai ni a hkye hkrang la ai Madu rai nga ai ahkrung nga ai Karai Kasang gaw anhte a myit mada shara rai nga ai majaw, anhte amu bungli galaw ai lam aja awa shakut nga ga ai.